منتدى كنتوسه - [من مطبخي] طريقة عمل البط المشوى فى الفرن، طريقه عمل البط في الفرن، طريقة عمل البط فى الفرن بدون سلق

https://up.kntosa.com/uploads/kntosa...2492849441.gif
______________ بدايه الموضوع ________________
السلام عليكم ورحمه الله ..
ازيكم ياجماعه عاملين ايه ف البررررد ده ..
قلت افيدكم بالخلطه السريه البط المشوي ..
https://up.kntosa.com/uploads/kntosa...0038279155.jpg
سر من اسرار بيتنا الحربيه .. الحقيقه معرفش مين صاحب الفكرة الاصليه ..
لكن انا اتعلمته هنا ف بيت جوزي وكل اللى داقه شهد بجماله وطعامته ..
حتى اللى مبياكلش البط ضعف قدامه واكل المهم الطريقه ببساطه :
بط نوعه خضيري مش اي بطه تتشوي لان الخضيري او المولر دهونه كتير وده اللى بيسويه ف الفرن
وبينزل كل الدهون ف الفرن اثناء الشوي
الحشوه عباره عن فلفل اخضر وبصل وطماطم المقدار للبطه الواحدة :
بصلتين متوسطتين يتقطعوا صغير
حبايه طماطم كبيره
٢ قرن فلفل اخضر رومي
ولو حابه تضيفي فلفل حامي يبقه فل بس مش بنضيفه عشان الصغيرين
التوابل معانا ٣ اصناف بس بس بس
فلفل اسود _ملح _ حبهان مطحون
الطريقه بقه
بنقطع الخضار وبنخلطه مع التوابل ونحشيه للبطه والتركه بقه اثناء الحشو اعصري الخلطه
على جسم البطه بحيث تنزل كل الميه اللى فيها والجلد يتشربها
بعد ما نخلص حشو بنرش فلفل وملح بسيط على البطه من فوق
بيتاكل جمبها الرز المعمر او المدسوس وبسله مع الجزر في البرامه بردو بتبقه خطيرة ..
اي حاجه عموما تتعمل ف برام بتبقع جامده لان الفخار بيديها نفس حلو
والف هنا:bsmile (45):
تعديل اهم :
حد ف التعليقات جزاها الله خيرا قالت ان لازم البطه تكون صغيره ف السن وده صحيح جدا
لازم تكون شمورت يعني سن الدبيح عمر حوالي ٣ شهور المهم متكونش بتبيض
مش هتبقه وحشه لاء بس بتنشف ميزة البطايه الصغننه لحم طري بعد الشوي ..
وزن البطه بيبقه مش اقل من ٣ كيلو تقريبا وممكن اكتر
تعديل مهم :
يابنات مفيش سوايل بتتحط ولا بنغطيها بفويل ولا اكياس حراريه ولا حتى غطا حله
زي ماهيا عالصاج كدهوه .. وبنولع الفرن من تحت بس
تعديل مهم :
تسلموا بجد كلكم احسن مني والله واحنا بنتعلم منكم ..
طريقه التسوية :
بندخلها الفرن حوالي ساعتين الشبكه على اول رف تحت خالص يعني فوق الصاج الاساسى مباشرة
درجه الحرارة عاليه ميهمكيش
اعلى حاجه بنراعي بس تغيير اتجاه الصاج كل نص ساعه عشان البطه تتحمر من كل اتجاه ..
والبط الخضيري ده بط هجين نسيت اصور البطه قبل الشاور
وعشان منتوهش مع التعديلات الكتير
تعديل اخير
حطيتلكم صوره للبط زي اللى عندي وانا مش عارفه اختلاف المسميات دي ايه بس المهم جبتلكم صوره ..
https://up.kntosa.com/uploads/kntosa...1003827291.jpg
البطه بتاعتنا بعد الشاور
https://up.kntosa.com/uploads/kntosa...0038274772.jpg
الخلطه السريه

https://up.kntosa.com/uploads/kntosa...0038276153.jpg
بعد الحشو والتظبيط
https://up.kntosa.com/uploads/kntosa...0038277674.jpg
بعد ماخرجت من الفرن لذييذة وريحتها تووحفه
https://up.kntosa.com/uploads/kntosa...0038279155.jpg
https://up.kntosa.com/uploads/kntosa...2492856292.gif