منتدى كنتوسه - فطاير هشة زي القطن بالظبط افضل اختراع ل ساندوتشات المدارس،اخف عجينة زي القطن معجنات بالجبنة ولا أروع

حبايبى الحلوين اخباركم ايه يا رب تكونوا بخير
جيبالكم بقى وصفة تجنن
المخبوزات فى أجمل صورها
ما شاء الله اللهم بارك شايفين الجمال
اعملوها للولاد هيحبوها و يفرحوا بيها اوى
بجد من احلى العجاين اللى عملتها مش قادره أوصفلكم قد ايه هشه و خفيفه جدا زى القطن بالظبط و أنعم
https://up.kntosa.com/uploads/kntosa...9031756957.jpg

مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
فطائر هشه جدا و قطنيه بشكل مميز

https://up.kntosa.com/uploads/kntosa...7904853442.jpg
المقادير :
المقدار داه بيعمل كميه كويسه
٥ أكواب دقيق بيتزا و مخبوزات او جميع الاغراض
م ك خميرة فورية
٢ م ك سكر
م ك خل
م ص بيكنج بودر
ملح
نصف كوب زبادى هنعاير الزبادى بنفس الكوبايه اللى هنعاير بيها كل المكونات
يعنى نصف كوبايه مش نصف علبه
نصف كوب زبده سايحه أو زيت طبعا الزبده بتديها طعم احلى و غنى اكتر
٢ بياض بيضه و الصفار هندهن بيه الوش
لبن اللى هو الحليب دافئ للعجن
خليط دهان الوجه :
صفار البيض و شويه لبن و رشة قهوه سريعة الذوبان أو كام نقطه خل
للوجه :
سمسم و حبة البركة
الطريقة :
هنجيب بوله و نحط فيها الدقيق و الملح و البيكنج بودر و نقلبهم كويس و نسيبهم على جنب
و هنجيب بوله تانيه و نحط فيها شويه من اللبن الدافئ و الخميره و السكر و نقلبهم كويس و نغطيهم و نسيبهم ربع ساعه
يتفاعلوا مع بعض و بعدين هنضيفلهم الزيت أو الزبده السايحه و الزبادى و بياض البيض و نقلب كويس و بعدين
هنضيف الدقيق اللى حاطين عليه باقى المكونات بالتدريج بالتبادل مع اللبن الدافئ لغايت العجينه ما تلم معانا و تبقى ناعمه
و ملساء و لازم نعجنها كويس مش اقل من ٧ دقايق و بنغطيها و بنسيبها تخمر لغايت ما يتضاعف حجمها
و بعدين بناخدها و بنقسمها لكور حسب حجم الفطيره اللى نحبه و بنغطيهم و بنسيبهم يرتاحوا حوالى نصف ساعه
و بعدين بناخد كل كوره و نفردها بسمك متوسط و نبدأ نشكلها بالسكينه زى ما باين فى الصور علشان
تدينا فى الاخر شكل الفيونكه و بنخلص الكميه كلها و بنرصهم على صينية الخبز على ورق زبده
أو ندهن الصينيه دهنت زيت خفيفة و بنغطيهم و بنسيبهم يخمروا مره كمان قبل الخبز حوالى ربع ساعه
و بعدين بندهنهم بخليط الدهن بالراحه علشان ما نوقعش التخمير و نرش عالوش سمسم و حبه البركه و بندخلهم فرن سخن
على الرف اللى فى النص على درجه حرارة 190/200 لغايت ما يستوا و ياخدوا لون حلو و اول ما نطلعهم
من الفرن بنغطيهم بفوطه نظيفة علشان نحافظ على الرطوبة جواهم و يفضلوا طريين و لما يبردوا تماما بنحتفظ
بيهم فى كيس بلاستيك محكم الغلق
و بالهنا و الشفا
https://up.kntosa.com/uploads/kntosa...9031754616.jpg

https://up.kntosa.com/uploads/kntosa...9048551214.jpg

https://up.kntosa.com/uploads/kntosa...9031746313.jpg

https://up.kntosa.com/uploads/kntosa...9048554335.jpg

https://up.kntosa.com/uploads/kntosa...9048530751.jpg

https://up.kntosa.com/uploads/kntosa...9048542253.jpg

https://up.kntosa.com/uploads/kntosa...9048629639.jpg

https://up.kntosa.com/uploads/kntosa...0317657310.jpg

https://up.kntosa.com/uploads/kntosa...7903175988.jpg

https://up.kntosa.com/uploads/kntosa...9031749574.jpg

https://up.kntosa.com/uploads/kntosa...9031763379.jpg

https://up.kntosa.com/uploads/kntosa...0317679211.jpg

https://up.kntosa.com/uploads/kntosa...9031752035.jpg

https://up.kntosa.com/uploads/kntosa...9031739841.jpg

https://up.kntosa.com/uploads/kntosa...9031743422.jpg

https://up.kntosa.com/uploads/kntosa...9031756957.jpg

https://up.kntosa.com/uploads/kntosa...7904853442.jpg

https://up.kntosa.com/uploads/kntosa...9048563116.jpg

https://up.kntosa.com/uploads/kntosa...9048573697.jpg
https://up.kntosa.com/uploads/kntosa...9048626018.jpg