منتدى كنتوسه - شيش طاووق مشوي بريحة الفحم بطريقه بسيطه وسهله

حبايبى الحلوين اخباركم ايه يا رب تكونوا بخير
ايه رأيكم فى اكله سهله و سريعه لا و طعم روووووعه و الريحه حكايه
ما شاء الله اللهم بارك شايفين الجمال
https://up.3almc.com/uploads/3almik....6033884426.jpg

لا تقولى بقى اسياخ خشب و لا غيره اسهل و أطعم شيش طاووق فى الدنيا
الفراخ ناعمه و دايبه جدا و واخده طعم الشوى و بجد وهميه
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
شيش طاووق مشوى بطريقه سهله و بسيطه و تتبيله مميزه جدا على طريقتى
مقادير الشيش طاووق
طبعا تقدروا تعملوا نصف المقدار داه فبراحتكم
كيلو وراك فراخ مخليه متقطعه مكعبات طبعا ممكن استخدام الصدور لكن وراك الفراخ

بتكون احسن بكتير لأن فيها نسبه دهون و الصدور ممكن تنشف شويه
2 علبه زبادى كبيره وزن160
ملح و فلفل
بابريكا و جنزبيل بودره و كركم
زعتر فريش أو ناشف و بهارات فراخ
خل و عصير ليمون
زيت
4 فصوص ثوم مفرومين
2 م ك صلصة طماطم
2 بصله متوسطه الحجم مبشوره
2 حبه طماطم لحم بدون البذر متوسطه الحجم مبشوره
تشكيله خضروات حسب الرغبه متقطعين مكعبات
بصل و فلفل رومى أخضر و الوان
الطريقه :
هنجيب بوله و نحط فيها كل مقادير التتبيله و هنقلبهم اوى و بعدين هنضيفلهم الفراخ
و نغلفها بالتتبيله كويس اوى و نغطيها و ندخلها الثلاجه لمده ليله كامله و تانى يوم بنجيب صينيه الفرن
و نبطنها بورق فويل و ورق زبده أو ندهن الصينيه دهنت زيت خفيفة و بنحط
قطع الفراخ و معاها الخضار و نقلبهم كويس اوى مع بعض و بندخلهم فرن سخن على الرف
اللى فى النص على درجه حرارة 200 لغايت ما تستوى و تاخد لون حلو طبعا
ممكن تاخد ساعه الا ربع اكتر أو اقل حسب الفرن و الكميه
الأرز الاصفر
المقادير :
ظ¢ كوب ارز بسمتى مغسول و منقوع حوالى نصف ساعه و متصفى

2م ك زبده
2 م ك زيت
بصله متوسطه الحجم مفرومه ناعم
كارى و كركم
ملح و ورق لورا
ماء مغلى للتسويه كل كوب ارز بسمتى بياخد من كوب و نصف إلى ظ¢ كوب مياه حسب نوعه
الطريقة :
هنجيب حله و نحط فيها الزبده و الزيت و اول ما يسخنوا هننزل بالبصله
و نشوحها لغايت لونها ما يبقى شفاف و بعدين هننزل بالتوابل بتاعتنا الكارى و الكركم
و ورق اللورا نديهم تحميصه حلوه و بعدين هننزل بالارز و نديله تشويحه معاهم
و بعدين هنضيف المياه المغليه و نسيبه يستوى
و بالهنا و الشفا
https://up.3almc.com/uploads/3almik....6033793671.jpg

https://up.3almc.com/uploads/3almik....6033796222.jpg

https://up.3almc.com/uploads/3almik....6033799193.jpg

https://up.3almc.com/uploads/3almik....6033801584.jpg

https://up.3almc.com/uploads/3almik....6033804195.jpg

https://up.3almc.com/uploads/3almik....6033884426.jpg

https://up.3almc.com/uploads/3almik....6033886387.jpg

https://up.3almc.com/uploads/3almik....8603389198.jpg

https://up.3almc.com/uploads/3almik....6033894539.jpg