مقادير زلابية،طريقة عمل الزلابية المصرية،طريقه عمل الزلابيه سهله وسريعه،طريقة عمل الزلابية بالخميرة
https://up.kntosa.com/uploads/kntosa...2492849441.gif الواحد ف الدراسة كان بيعمل خمسين حاجه ف الدقيقه عشان ميذاكرش ،وهوب اول م الاجازة تيجي بيقعد وشه ف وش الحيطه مش لاقي حاجه يعملها طب وبعدين ف ملل الاجازة دا قومت قولت والله لاعملهم زلابيه او لقمة القاضي سموها زي ماتحبو https://up.kntosa.com/uploads/kntosa...4045805242.jpg الطريقه : جبت كوبايتين دقيق بمقدار نص كيلو ومعاهم معلقه ونص خميرة فورية و٣ معالق سكر ومعلقتين نشااا وذرة ملح وكوبايتين مياه دافيين وممكن تزودو مياه عادي وعجنتهم كويس اوووي لحد م العجينه مش ماسكه اوي ولا سايبه اوي ، يعني قريبه من عجينة الكيك شوية ، وسيبتها ساعه تخمر وبعدين جبت كيس بلاستيك وحطيت العجينه فيه وبمقص قصيت حته صغننه ،، وجبت حلة حطيت فيها زيت (ونصيحه الحله احلي بكتير من الطاسه ) جربوها مش هتندمو واول م الزيت يسخن وف طبق صغنن حطيت شوية زيت وبليت بيهم ايدي وبقيت اقطع العجينه عشان تنزل مكورة متبقاش اشكال فضائيه وطلعتها نص سوي بيضا ، وخلصت الكميه كلها وبعدين نزلتها تاني ف الزيت عشان تبقي مقرمشه وتتحمر وتاخد اللون بتاعها وف شربات بارد ونزلتها لمدة خمس دقايق كدا عشان تتشرب كويس وطلعتها ع طبق وفيه ناس بتحط بدل الشربات عليها سكر بودرة او صوص شوكلاه اللي يعجبكم اعملوه طريقه الشربات : ٣ كوبايات سكر وعليهم كوبايه ونص مياه ونص لمونه وبس بألف هنا وأحلي من اللي بتتباع برا ادعولي بقا :asmaile(2)::asmaile(2): https://up.kntosa.com/uploads/kntosa...0458050571.jpg https://up.kntosa.com/uploads/kntosa...4045805242.jpg https://up.kntosa.com/uploads/kntosa...2492856292.gif |
الساعة الآن 05:43 PM |
Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.