سن المراهقة

قسم خاص بالفتيات ( غير المتزوجات) يناقش مشاكلهن وهمومهن وكل ما يخص حياتهن العامه والخاصة تحت سن الـ 18.

نسخ رابط الموضوع
https://vb.kntosa.com/showthread.php?t=3344
4522 1
02-16-2019 07:04 PM
#1  

Icon1765عمر بن أبي سلمة وحفظ القرآن


عمر بن أبي سلمة وحفظ القرآن kntosa.com_17_18_153


هنتكلم النهاردة عن صحابي صغير السن عظيم الشأن
كلنا عارفين حديث وحافظينه واتفقنا إننا نطبقه وهو الغلام اللي قال ليه الرسول صلى الله عليه وسلم : ( يا غلام سم الله وكل بيمينك وكل مما يليك ) ؟

مين فاكر اسمه اللي لسه قايلينه من شوية؟


الله يفتح لكم أبواب فضله

بالظبط كده هنتكلم إن شاء الله عن عمر بن أبي سلمة

وأمه أم المؤمنين أم سلمة رضي الله عنها
نتكلم عنه سريعا وناخد معلومات بسيطة وبعدين نركز على مواقف عظيمة عملها وعايزين ناخد منها عبرة وعظة وطبعا
نسير على دربه

وُلد بالحبشة في السنة الثانية من الهجرة، وكان ربيب رسول الله صَلَّى الله عليه وسلم،( يعني الرسول صلى الله عليه وسلم هو اللي رباه )

لأَن أُمه أُم سلمة زوجُة النبي صَلَّى الله عليه وسلم.

تعالوا بقى نشوف عمل ايه وهو صغير


والقصة دي قبل ان يتزوج رسول الله أم المؤمنين أم سلمة وقبل ان يموت أبوه

كان عمره ست سنين أو سبع سنين وكان إماماً لقومه يؤمهم في الصلاة لأنه كان أحفظهم للقرآن

تخيلوا عنده ٦ او سبع سنين وبيؤم الرجالة الكبار في الصلاة
ليه؟
لانه أكتر واحد فيهم حافظ للقرآن

لان النبي صلى الله عليه وسلم قال : ( إذا حضرت الصلاة فليؤذن أحدكم وليؤمكم أكثركم قرآناً )، فنظروا فلم يكن أحد أكثر قرآنا من عمر بن سلمه الطفل الذي عمره لا يتجاوز السبع سنين فقدموه ليكون إماماً لهم!

هنتوقف مع بعض عند كذا نقطة وناخد بالنا منها :

- شايفين حرصه ازاي واهتمامه بالقران رغم صغر سنه وانه بيقعد يركز مع الكبار وهم بينقلوا الوحي اللي سمعوه ؟
يعني لا كتاب ولا درس ولا معهد ولا حتى أهله قالوا ليه احفظ علشان تاخد أجر
هو من نفسه مهتم وحريص وعايز يحفظ ويتعلم .

( هل انت كمان حريص على حفظ القرآن زيه؟ ولا بتزعل لما أهلك يقولولك احفظ ؟ )

- طبعا عارفين العرب زمان وإنهم كان عندهم عزة نفس ومع ذلك قبلوا إن طفل صغير يكون إمامهم في الصلاة وهم رجال كبار وكل ده امتثالا لأمر الرسول صلى الله عليه وسلم

( يبقى طاعة أوامر الله ورسوله رقم واحد في حياتك مهما كانت صعبة على نفسك )

- ازاي رغم إنه صغير في السن كانوا بينظروا ليه نظرة إكبار واحترام لأنه عمل حاجة يستحق عليها فعلا النظرة دي وهو حفظه للقرآن كله
( إذن انت اللي تقدر تثبت وجودك واحترام الناس ليك بافعالك )

- نقطة مهمة جدااااااااااااااااااااا
نبص لهذا الطفل الذي لم يحتقر نفسه ويقل من أنا حتى أكون إماماً لمن هم أكبر مني من الصحابة ، ولم يشتغل باللعبّ المعهود عند الأطفال عادة بل كانت همته بهذه المكانة التي تعجز عن وصفها الكلمات .


( لازم يكون عندك همه عالية واعتزاز وثقة بنفسك وإنك تقدر تحتل مكانة كبيرة بين الناس )

- أهم حاجة من الموضوع ده واللي اخترت القصة دي بالذات علشانه
كان عنده كام سنة لما حفظ القرآن الكريم ؟
ست أو سبع سنين

لازم نهتم بحفظ القرآن يا حبايبي
ويكون عندنا ورد للحفظ حتى أيام الدراسة ولو ٥ سطور بس
لان الحفظ بيكون سهل وبيثبت لما تحفظوا وانتم صغيرين


عارفين ايه فضل حفظ القرآن الكريم ؟
هأقولكم بس على كام واحد وغيرهم كتير

حفظ القرآن ينجي صاحبه من النار, قال النبي صلى الله عليه وسلم: « لو جعل القرآن في إهاب ( يعني جلد ) ثم ألقي في النار ما احترق » رواه أحمد.

يأتي القرآن يوم القيامة شفيعاً للي حافظه يعني يدافع عن اللي حفظه ويقول يارب متدخلهوش النار، قال النبي صلى الله عليه وسلم: « اقرأوا القرآن فإنه يأتي يوم القيامة شفيعا لأصحابه ».

أن القرآن يرفع صاحبه في الجنة درجات كما في الحديث: « يقال لصاحب القرآن: اقرأ وارقَ، ورتّل كما كنت ترتل في الدنيا، فإن منزلتك عند آخر آية تقرأ بها ».
يعني كل ايه هتحفظها هترفع منزلتك في الجنة درجة

حفظة القرآن هم أهل الله وخاصّته يعني بيحبهم ومقربين منه، ففي الحديث: « إِنَّ للهِ أَهْلِينَ مِنَ النَّاسِ. قَالُوا: يَا رَسُولَ اللهِ مَنْ هُمْ؟ قَالَ: هُمْ أَهْلُ الْقُرْآنِ، أَهْلُ اللهِ وَخَاصَّتُهُ ».
عايزاكم توعدوني إنكم تهتموا بحفظ القران
كفاية عليكم كده ونتقابل قريبا بإذن الله

عمر بن أبي سلمة وحفظ القرآن kntosa.com_17_18_153


المصدر : منتدى كنتوسه - من قسم سن المراهقة





04-20-2019 04:37 AM
#2  

افتراضيرد: عمر بن أبي سلمة وحفظ القرآن






الكلمات الدلالية (Tags)
وحفظ, أبي, القرآن, بن, سلمة, عمر

أدوات الموضوع
انواع عرض الموضوع

الانتقال السريع


الساعة الآن 11:17 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل