-ست مستحملة جوزها الصعب العصبي وواخدة الأمور ببساطة .. جت صحبتها قضت معاها يوم ، قالتلها: الله يعينك انا عمري ما استحمل الطريقة والاسلوب دة ..
انا لومكانكمكنتشاستحملت !!
ومن ساعتها حست انها قليلة و المفروض يكون ليها واقفة وموقف وحياتها بقت نكد 24 ساعة لا عارفة ترجع تهزر وتضحك ولا عارفة تسيبه!
-واحد سأل صاحبه بتشتغل كام ساعة في اليوم .. قاله يعني 10 ساعات 12 ساعة مش اقل من كدة ... ياااه انالومكانكمكنتشاستحملت !!
مبقاش طايق نفسه ولا شغله وحاسس انه مطحون من غير لازمه واتخنق وقصر في شغله لحد ما سابه، ومبقاش لاقي شغل ومديون !!
-بنت كانت عايشة مع باباها لوحدهم بتخدمه وواخدة نية البر ، دخلت جارتها قالتلها يابنتي فكري في نفسك شوية انتي عمرك بيجري .. ده انالومكانكمكنتشاستحملت !!
الكلمتين فضلو يرنو في ودانها وابتدت المشاكل بينها وبين باباها لحد ما تعب واتوفى وحست بالذنب بقية عمرها.
-عشان توصل الجامعة بتركب تلت واربع مواصلات، وبتنزل من النجمة وترجع بليل كانت فرحانة والموضوع مش فارق معاها لحد ما سمعت.. على ايه ده كله ده احنا لومكانك مكناش استحملنا !!
"لو مكانكمكنتش استحملت"
الجملة دي مش مدح ولا شكر في قدراتهم
الجملة دي بتوجع مش بتواسي ..
الجملة دي بتخلينا ناخد بالنا اننا المفروض منستحملش.
الجملة بتحسسنا بإننا أقل من اللي حوالينا.
ناس كتير بتبقي متعايشة مع حالها وراضية وتيجي كلمة تدمرها، لو مش بإيدك حاجة تعملها عشان تخفف عنهم متحطش صباعك على الجرح وتضغط لحد ما يجيب دم.
عايزين تشيلو عنهم بجد ..
اضحكوا في وشهم ،،
اكدلهم انهم ناس جميلة وثوابهم وأجرهم عند ربنا ،
دوروا على حاجة حلوة في حياتهم وركزو عليها وكلموهم عنها.
"وخلي بالك انت لو مكانه مكنتشاستحملت ... وهو كمان اكيد لومكانك اكيد في حاجة في حياتك مكنش استحملها، ربنا سبحانه وتعالى حكيم، لا يُقدّر أي بلاء على حد إلا وهو يعلم -سبحانه وتعالى- إن الإنسان ده يقدر يتحمل البلاء ده.
وده معنى قوله تعالى:"لا يُكلّف الله نفسًا إلا وسعها".