العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
مواضيع عامه ومنوعه
مواضيع منوعه عامه لا تخص الاقسام الاخري , مناقشات للحوارات الجاده والهادفه.
نسخ رابط الموضوع
https://vb.kntosa.com/showthread.php?t=3342
#1
~{ مراقبة منتدى كنتوسه }~
اروع افكار هدايا عيد الام بسيطة بالصور 2019.هدايا عيد الام رخيصة بالصور 2019.هدايا عيد الام للحموات
السلام عليكم
عاملين ايه ياقمرات؟
طبعا عيد الام قرب وناس كتير لسه بتفكر تجيب ايه؟
انا مقتنعة ان اللى عايز يجيب بلاش يوم 21 مارس وماحوله من ايام يعنى حاولى تخليها قبلها باسبوع على الاكتر عشان برضه مناخدش
المهم انا جبتلكم مجموعة افكار لللام نجيبها كهدية
بس المهم متنسوش التقييم الموضوع
ملحوظة
حتلاقوا افكار للبنات الصغيرة اللى مصروفها على قده وافكار للناس الكبيرة واللى بيشتغلوا او البنات اللى حوشين مصروف
(( اولا هدايا عامة محايدة تنفع اى حد))
1/ الورد
طبعا الورد شئ رومانسى اوى سواء بنوتة حتجيبها لمامتها او تتقدم مع هدية بيبقى رقيق اوى وخاصة لو لازقة فى طرخه الكارت بتاعك
2/ شهادات تقدير
بتتباع فالمكتبات وممكن مش شرط شهادة تقدير جاهزة هاتى ورق الابحاث اللى بيبقى شبه الفلوسكاب
بس خلفيته مرسوم عليها واكتبى انتى بقى بايدك اللى عايزاه وبرضه لما بتتقدم مع الورد بتبقى حلوة اوى
3/ المصاحف
هدية جميلة ومحايدة محدش يختلف عليها وعلى حسب مقدرتك يعنى لو معكيش فلوس كتير ممكن مصحف
صغير اما لو معاكى او والدتك سنها كبير ونظرها ضعيف يبقى حلو اوى مصحف اللى هما الكبار دول
زى بتوع لمسجد هو حيبقى مكلف شوية بس برضه الاحجام العادية مقبولة
وياسلام لو مغلف بقطيفة او قماش شيك كده حيبقى قيم اوى
4/ حامل المصحف
ده كمان حلو لو انتى عارفة ان والدتك عندها مصحف وبتعتز بيه بس تقيل عليها مثلا انها تفضل شيلاه ده
حيريحها كتير تمنه بيبدا من 30 وطالع
5/ سبحة كريستال او خاتم التسبيح
الاتنين هدفهم جميل وهدية مش مكلفة تمنهم حوالى 10 جنيه وفى نفس الوقت قيمة
6/ مصلية صلاة
بس تكون حاجة نظيفة وشيك وكويسة وممكن كمان للبنات الصغيرة يجيبوا المصلية اللى هى صغيرة
وبتتطبق وبتتشال فى ظرف كده بحيث تحطها فى شنطتها وتروح بيها اى مكان
7/ مبخرة
انا شفت محل عندنا فتح هو المفروض بيركب عطور وفى نفس الوقت بيبع مباخر زى بتاعت زمان اللى هى بغطا شكلهم جميل اوى بيتحط فيها نوع البخور وبيتولع وبيفضل معطر البيت لمدة طويلة هى حتبقى مكلفة شوية
على مااعتقد بس مناسبة للامهات اللى بتقدر البخور وبتحبه
(( ثانيا هدايا شخصية للام))
1/جلابية بيت او عباية استقبال
انا عن نفسى جبت عباية للبيت شتوى لان ماما كانت محتاجة حاجة كده وهى فرحت بيها جدا
وتمنهم مش غالى بيبدا من 70 وطالع المهم تعرفى مقاس والدتك انا خدت بالشبه
واتفقت مع الراجل لو مجتش مقااسها حاجى ابدلها
2/ عبايات خروج او طقم خروج
حسب والدتك بتلبس ايه وبتحبه ممكن تجيبيلها عباية شيك او بلوزة او جوب او بنطلون
شوفى هى محتاجة ايه المهم تبقى عارفة زوقها فى اللبس
3/ حجاب
سواء ايشارب او خمار او نقاب المهم تجيبى لون هى محتاجاه او لون عندها بقالها فترة ومحتاج
يتغير وبرضه دى هدية سعرها مقبول يبدا من 25 جنيه وطالع
4/ شراب او جوانتى او معصم
برضه هدايا للبنات اللى بتعتمد على مصروفها المهم برضه تجيبى لون مامتك بتحبه او محتاجاه
5/ اسدال صلاة
فكرة حلوة وجميلة خاصة لو والدتك بتروح تصلى فى مسجد او بتاخد دروس او حتى تقعد بيه لما يجى ضيوف
ودلوقتى بقى فى اسدالات شكلها شيك وفى نقاشات ورسومات
6/اكسسوارات
دى بقى كل واحد ومقدرته ممكن من اول البنت الصغيرة تجيب خاتم او عقد لحد البنات الكبار
اللى تقدر تجيب حاجة دهب او فضة بس برضه الزوق مهم وممكن برضه اوك للشعر او مجموعة دبابيس طرحة او ساعة
7/بيرفيوم
لو مامتك بتحب نوع بيرفيوم وبترتاح معاه هاتيه طبعا ولو مش بتفضل حاجة شوفى هى بتحب الروايح التقيلة
ولا الهادية وبرضه سعر الحاجات دى بيترواح حسب مقدرتك
8/ سلة للعناية بالجسم
ممكن تجيبى باسكت خشب او اى نوع المهم متزين وشكله حلو وفى مجموعات العناية الشخصية
زى بودى لوشن وبودى سبراى وبيرفيوم او مجموعة للشعر نوع شامبو مع الكريم والبلسم والسيرم بتاعه
او مجموعة كريم للبشرة للنهار وواحد لليل وواحد مرطب
9/ بيبى ليس
لو والدتك بتهتم بشعرها داينا يبقى افضل اختيار تجيبيلها بيبى ليس ماركة كويسة ودى اسعارها بتبدا من 200 وطالع
10/ علبة ميك اب
طبعا لو والدتك مهتمة بالميك اب وبتحبه ممكن تجيبيلها علبة شيك اقتصادية بس بلاش من الكبار
اوى لا حاجة بسيطة عشان تعرف تستعملها العلبا لكبيرة دى صلاحيتها بتخلص وبتترمى ولسه نصها موجود
11/ كشف
لو والدتك محتاجة كشف نظارة او كشف عند دكتور غالى ممكن تحجزيلها وتخليهالها مفاجاة وتروحى معاها
12/ كاميرا
لو مامتك بتحب التصوير هاتيلها كاميرا نوع كويس بلاش اللى ب 10 او 20 جنيه دول بيبوظوا تانى يوم
13/ راديو او كاسيت
لو مهم لوالدتك تسمع الراديو يبقى فكرة ممتازة ليها
(( اشياء تفيدها وتفيد البيت))
انا ضد الفكرة دى بس ناس كتير بتحبها
1/ طقم كوبايات او كاسات او توابل
مصر البلد الوحيدة اللى بتحسسنى ان عيد الام يعنى كوبايات الواحد بيمشى يخبط فيهم فالشوارع
بس للامانة هى كانت فكرة حلوة واحنا صغيرين
2/ خزين البيت
لو مش عايشة مع مامتك ممكن توفريلها خرين البيت اللى بتحتاجه لمدة اسبوعين مثلا
علبة لبن مع رز مع مكرونة مع شاى مع فراخ مع لحمة مع خضار
3/ منظفات للبيت
مجموعة منظفات ديتول مثلا او مستر مصلز بس مش ازازة واحدة يعنى لا هاتى مجموعة مع بعضها مختلفة
المهام واحد للزجاج واحد للاسطح واحد للبوتجاز كده يعنى
4/ حاجات تسهل شغل البيت
لبطاطس او المساحة اللهلوبة دى اللى بتمتص المية او اسفنجات تنظيف بس نوع نظيف وكويس او مكنسة كهرباء
او المماسح الحرارية دى الافكار دى كلها وماشابها
5/ ديكورات
فازة او اباجورة او منبه او تابلوه او برواز او تحفة فنية او لوحة رسم طبيعى
6/ مكملات للبيت
زى ساعة حائط او كشاف كهرباء او مشترك كهرباء نوع كويس او ولاعة بوتجاز
او نوع من اللمبات الديكور او سبت غسيل او التربو
اللى بيتشال فيه خضار او اى حاجة اى حاجة البيت محتاجها ومامتك مش فاضية تجيبها
7/ المطبخ
طبعا كل الامهات بتهتم بالمطبخ ممكن بقى طقم معالق او المعالج الخشب اللى بتبقى واقفة جوة راجل شيف
كده او طقم حلل او طاسات او مريلة مطبخ او ميكروويف او اى حاجة ليها علاقة بالمطبخ
دى كل الافكار اللى قدرت اجمعها واكيد فى افكار نسياها
المهم انى تعبت فالموضوع ده ومش طالبة منكم غير دعوة بسيطة
ورد وتقييم شفتم حاجات سهلة ازاى
المصدر : منتدى كنتوسه - من قسم مواضيع عامه ومنوعه
من مواضيع : سينا
- صينية مكرونة قواقع بالجمبري,صينية مكرونة بالجمبري,طريقة عمل المكرونة بالجمبرى بالصور والخطوات
- نصائح للاظافر,نصائح للعناية بالاظافر,نصيحة لأظافر جميلة 2020
- اميجرومي للعرايس,عروسة اميجرومى روعه, عروسة كروشيه محجبة,عروسه كروشيه هاند ميد اميجرومى,احلى بنات
- فازات ورد طبيعي,تنسيق فازات ورد صناعي,فازات مودرن للسفرة,فازات كلاسيك
- طريقة الحفاظ على الموز طازج لمدة طويلة , كيف احافظ على عصير الموز من السواد
#2
~{ مديرة منتدى كنتوسه }~
رد: اروع افكار هدايا عيد الام بسيطة بالصور 2019.هدايا عيد الام رخيصة بالصور 2019.هدايا عيد الام للحم
موضوع راااااااااااااائع رائع رائع تسلمى
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
- وجبات صحية للاطفال بالصور,وجبات مدرسية صحية للاطفال, افكار فطور صحي للمدرسه
- طريقة عمل بطاطا بالمهلبية والايس كريم ولا اروع مع مطبخ كنتوسه
- المعالم السياحية الأكثر شهرة في جزيرة كريت
- أضرار غير معروفة للضوء الأزرق
- طريقه عمل اللحمة الباردة,مكونات مكرونة بالصوص الابيض والفراخ والمشروم,طريقه عمل الكفتة بكل سهولة
#3
موقوفه عن المشاركه فى المنتدى
رد: اروع افكار هدايا عيد الام بسيطة بالصور 2019.هدايا عيد الام رخيصة بالصور 2019.هدايا عيد الام للحم
.png "Bsmile (108)")
موضوع قيم تسلم الايادي
من مواضيع : shahed
| الكلمات الدلالية (Tags) |
| 2019.هدايا, للحموات, هدايا, افكار, الام, اروع, بالصور, بسيطة, رخيصة, عيد |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 11:56 PM