العرض العادي
- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
الحلويات الشرقية والغربية
طرق عمل الحلويات الشرقية و الغربية التورت والجاتوة شاتو والدسباسيتو والكيك استشارات فى الحلويات والتارت الشرقية والغربية اسماء الحلويات الفرنسية والشاميه بالصور مخبوزات العيد بالخطوات المصوره
نسخ رابط الموضوع
https://vb.kntosa.com/showthread.php?t=11022
#1
~{ مديرة منتدى كنتوسه }~
طريقه عمل المشبك الدمياطى فى البيت بكل اسرارة،الفوليه البيتي للمولد النبوي الشريف
اللهم صلى و سلم و بارك عليك يا حبيبى يا رسول الله
كل سنه و انتوا طيبين يا حلوين
مولد نبوى شريف
ان شاء الله مش هتشتروا حلاوه المولد من باره تانى
بجد احلى من الجاهزه
ما شاء الله اللهم بارك شايفين الجمال
مقادير سهله و بسيطه و نتيجه روعه بإذن الله
هنبدأ بقى بوصفتين احلى من بعض
المشبك البيتى الرهيييييب و الفوليه البيتى التحفة
البيتى يكسب
المشبك البيتى
المقادير :
١ و ٣/٤ كوب دقيق جميع الاغراض
٢ كوب نشا
م و ١/٤ ص خميره فوريه
رشه سكر
رشه ملح
٢ كوب ماء دافئ
الشربات :
٣ كوب سكر
كوب مياه
كوب عسل جلكوز
عصره ليمون
الطريقة :
هنجيب بوله و نحط فيها الدقيق و النشا و الخميره و رشه السكر و الملح و نقلبهم كويس مع بعض
و بعدين بنضيف المياه الدافيه و نقلب كويس اوى بالمضرب السلك اليدوى بحيث الخليط يبقى ناعم
و مفيهوش اى تكتلات القوام بيكون متوسط السمك لكن انسيابى بنغطيها و بنسيبها تخمر حوالى ساعه
و فى الوقت داه هنجهز الشربات لأنه لازم يكون بارد فى كسروله عالنار هنحط السكر و المياه و عسل الجلكوز
و اول ما يغلوا هنضيف عصره الليمون و نسيبه على نار متوسطه يغلى ٧ دقايق مثلا
احنا عايزينه تقيل قوامه يبقى عامل زى عسل الجلكوز كده شويه علشان المشبك يفضل مقرمش
و بعدين بعد ما عديت الساعه لازم نخرج الهوا من عجينه المشبك هنقلبها كام تقليبه كده
و بعدين هنجيب زجاجة مياه مثلا و نعمل فتحه صغيرة فى الغطاء أو كيس حلوانى و نفتحه فتحه صغيرة
و نبدأ نقلى المشبك فى زيت سخن لكن مش غزير هنبدأ نعمل خطوط دائريه و نسيبه يستوى
و مش بياخد وقت و لازم يبقى لونه فاتح و بنطلعه عالشربات التقيل البارد على طول
و مانسيبوش كتير علشان يفضل مقرمش
الفوليه البيتى طريقة عمل الفولية المصرية
داه مقدار صغير لو حابين تضاعفوا براحتكم
المقادير :
١٠٠ جرام سكر
١٠٠ جرام عسل جلكوز
٢ م ك مياه
٣٧٥ جرام سودانى مقشر
ماء ورد حسب الرغبه
الطريقة :
هنجيب صينيه و نحط فيها السودانى و ندخله الفرن علشان يتحمص و يسخن طبعا لون الفوليه بيتوقف على لون السودانى
و هتسيبوه قد ايه فى الفرن فبراحتكم و هنحط صينيه تانيه كمان تسخن معاه فاضيه طبعا و هنجيب كسروله عالنار
و نحط فيها السكر و عسل الجلكوز و المياه و نخلى النار متوسطه تقريبا السكر علشان يوصل للعود المظبوط
بياخد من ٧ إلى ١٠ دقايق طبعا ممكن اكتر أو اقل حسب قوه النار اللى بتشتغلوا عليها أهم حاجه هى ظبط العود
من غير ميزان حراره و بمنتهى البساطه هناخد معلقة صغيره من العسل و نحطها فى مياه ساقعه من الحنفية
و نمسكها لو لقيناها بتتكسر معانا كسره بسيطه يبقى كده تمام لكن لو بتقطم أو بتتنى بس يبقى كده لسه نسيبه شويه
كمان و فى الوقت داه هنجيب السودانى السخن اللى مطلعينه من الفرن لازم يبقى سخن
علشان مايقفش مننا فى العسل و نقلب بسرعه جدا و الصينيه الفاضيه اللى كنا بنسخنها هندهنها
زيت كويس اوى و نبدأ نفرد الفوليه
المصدر : منتدى كنتوسه - من قسم الحلويات الشرقية والغربية
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
من مواضيع : ام رونزا
- هل التشوهات الخلقية وراثية ؟.. والعوامل المساعدة لحدوثها
- عودة بوتفليقة.. تصريحات "الجيش وجبهة التحرير" مع الشعب
- ماكولات لبنانية بالصور، صوراكلات روعه، صوراكلات شهية،بالصور اكلات شهية، اشهر الاكلات اللبنانيه
- ملكة جمال مصر في الصين للمنافسة على لقب عالمي
- شعرك يعاني من البهتان؟ إليك الحل,علاج بهتان الشعر,علاج جفاف الشعر,أحدث طريقة لعلاج الشعر الباهت
التعديل الأخير تم بواسطة ام رونزا ; 11-09-2019 الساعة 03:57 PM
| الكلمات الدلالية (Tags) |
| فى, للمولد, المشبك, النبوي, البيت, البيتي, الدمياطى, الشريف, اسرارة،الفوليه, بكل, طريقه, عمل |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
|
|
الساعة الآن 01:04 PM