رعاية الأم والطفل

قسم خاص بكل ما يتعلق بعناية ورعاية الام والطفل تجديه هنا .

نسخ رابط الموضوع
https://vb.kntosa.com/showthread.php?t=1527
4153 1
12-23-2018 07:26 PM
#1  

Icon453العنايه والاهتمام بستات البيوت,دلعى نفسك واوعى تتجاهليها


العنايه والاهتمام بستات البيوت,دلعى نفسك واوعى تتجاهليها kntosa.com_09_18_154

1- الخل الوفي
مش عاوزة أقترح عليكي تطلبي من مامتك تقعد بالولاد عشان أكيد ده بيحصل بشكل دوري، عايزين نتخطى الطلب من ماما ونوسع دايرة الدعم ونطلب من الصحاب بقى.. يعني الأمور الكوتي كوتي اللي بتحبي تبوسيه ده محتاج حد يقعد بيه شوية يا صديقتي العزيزة.. اتفقي مع صاحبتك أو اتنين من صحابك يساعدوا بعض، ويا سلام لو صديقة عندها ولاد! على جلسة نهارية كده في يوم أجازة تكوني محضرالهم فيها أنشطة يعملوها سوا عشان إنتي تخلعي.. بأكد على نهارية عشان الولاد يبقوا في مزاج كويس ومش عاوزين يناموا، والموضوع يبقى بالتبادل كده مرة على كل واحد.
ممكن نعمل جروب فيسبوك مثلاً ونسميه "دلع بلا عيال" نجمع فيه كل الناس اللي عندها استعداد تعمل ده وتستفيد منه، ساعتها لما تخططي خروجة لنفسك مش هتكوني قلقانة ولا مستعجلة، وهو ده المطلوب.
العنايه والاهتمام بستات البيوت,دلعى نفسك واوعى تتجاهليها kntosa.com_23_18_154


2- نصف نهار مثالي
أجازة من الشغل، والولاد في الحضانة، ومحضرة فيلمين أو مسلسل، وعندك سناكس.. وإنتي بتتفرجي هتظبطي ضوافرك أخيرًا وتحطي مانيكير وماسك زبادي للوش ومية دافية بملح للرجلين، وتشربي قهوتك في هدوء. ممكن تطفي التليفزيون شوية وتسمعي مزيكا وتستمتعي بفعل اللا شيء. متطبخيش عقبال ما الولاد ييجوا ومترديش ع الشغل ومتفتكريش فلانة اللي إنتي مقصرة في حقها؛ ده وقتك المنتظر اللي مش هيتكرر كتير. افصلي من العالم نص يوم كده، إنتي مش مسؤولة عن حاجة إلا عن إنك تعملي حاجات بتحبيها في الـ4 أو الـ5 ساعات دول.

3- كنوز المطبخ
ممكن تقفي في محل من الغاليين تلاقي الـscrub اللي عاجبك سعره مولع فتقرري تنسي الموضوع، وبعدين تكتشفي إن السكر الخشن مع زيت الزيتون ونقطتين زيت لافندر للريحة الحلوة بيشتغل أحسن من أجدع scrub، الواحد بيكتشف إن فيه كنوز في المطبخ وهو مش عارف، وجوجل هو صديقك في الموضوع ده، دوَّري بس على ماسكات منزلية (بالعربي والإنجليزي) هتلاقي إنك مش محتاجة تروحي سبا بالشيء الفلاني وتنظمي هتسيبي الولاد إزاي وغيره. ممكن بعد ما الولاد يناموا تدلعي نفسك بشاور طويل وسبا فرداني مكوناته موجودة في البيت.

4- مهاراتك المنسية
عشان الدلع حالة نفسية زي ما قلنا، مهم عشان تدلعي نفسك إنك متتجاهليهاش.. متتجاهليش رسوماتك اللي بترسميها في كعب الفاتورة وإنتي سرحانة، ولا الصور المركونة في الموبايل اللي ممكن يطلع منها شغل حلو. متتجاهليش حتى الرقص قصاد المراية. إنتي محتاجة تشبعي نفسك حياة بالاستفاضة في تعلم الحاجات اللي عندك ناحيتها شغف. عمرك ما هتحسي إنك رايقة ومتدلعة وإنتي مكبوتة! لو نجحنا في إننا نحقق الخطوة رقم 1 وبقى فيه دايرة دعم أكبر حواليكي تقدري تدلعي نفسك اللي شبعت إحباط وتكرار وتتعلمي حاجة جديدة، إحساسها أحلى من مليون ساعة راحة.

5- إزي الصحة
خلينا نتفق كمان إن إنتي ممكن تكوني في مرحلة الدلع الحقيقي فيها لنفسك هو إنك تسمعي صوت جسمك وشكاويه.. لا متنطشيش البقعة الفلانية ولا ألم العضم ولا تساقط الشعر ولا... ولا... كل المشاكل الصحية اللي بتعتبريها تافهة وفيه حاجات غيرها أولى هي في الحقيقة مؤثر كبير عليكي وعلى حالتك النفسية. دلعي نفسك بإنك توديها للدكتور وحافظي على مشاعرها، هتحسي إزاي إنك متدلعة وإنتي هلكانة وجسمك بينهار ومحدش حاسس بيكي؟ حللي بشكل دوري واتأكدي إن معندكيش نقص في فيتامين دال أو غيره، نقصهم بيعمل اكتئاب وممكن يكونوا سبب في تعاستك وإنتي مش عارفة.

6- فيه صوت جوايا بيقوللي...
أخيرًا وليس آخر.. الدلع الحقيقي هو صوتك لنفسك، دلعيها وامدحيها على إنجازاتها اليومية العبيطة، اعملي "برطمان الدلع" واكتبي كل كام يوم ملحوظة لنفسك كده عن جمالها وقيمتها وحطيها في البرطمان. اعملي ريمايندرات عشوائية على موبايلك بتقولك إنك هايلة ومتنسيش إنك حققتي كذا وكذا.. زي ما بتحسي بالذنب وبتجلدي نفسك إنك زعقتي في العيال، امدحيها وزغزغيها لما تنجحي في احتوائهم.. إحنا محتاجين صورتنا عن نفسنا تتغير عشان نقدر نتبسط من قلبنا.. ونتدلع.




العنايه والاهتمام بستات البيوت,دلعى نفسك واوعى تتجاهليها kntosa.com_09_18_154



اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !






04-20-2019 04:33 AM
#2  

افتراضيرد: العنايه والاهتمام بستات البيوت,دلعى نفسك واوعى تتجاهليها






الكلمات الدلالية (Tags)
نفسك, والاهتمام, واوعى, البيوت, العنايه, بستات, تتجاهليها, دلعى

أدوات الموضوع
انواع عرض الموضوع

الانتقال السريع


الساعة الآن 10:54 PM


Powered by vBulletin® Version 3.8.11 Beta 4
Copyright ©2000 - 2024, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل