.: الحلقه التاسعه...لو كان خيراً
__________
عشان تثبت نفسك فالحياه محتاج سند و ضهر متنفعش تثبت نفسك لوحدك ابدا!!يعني ده كان رأي ناس كتير بس الحقيقه المجهوله ان مفيش حد هيقف قدام مصلحتك ولا انه يثبت نفسك غير نفسك محدش هيقف جمبك ف حاجه متخصهوش مهما كان الشخص ده عمرك م تديه ثقه ف حاجه نادره انك تلاقيها ف يوم من الايام . حبيت اوضح جزء من حياتنا تجاه الثقه ؛ لإن الثقه مجرد كلمه بنهون على نفسنا بيها من كام شخص وقفوا جمبنا الحقيقه هي اننا بننخذل و بننصدم و حكايات الخذلان و الندم كتير ...
________________
ف عيادة زيد قاعد مع تميم ...
زيد باهتمام... ولبنى !!!مش هتتأذى من اللي انت بتعمله ده؟؟
تميم ببرود...اكيد لأ
زيد ..طب و الغلبان اللي اسمه تيمور
تميم...لا ده يستاهل كل العقاب بتاع الدنيا اليومين اللي قبل ما استقلهم من عند عطيه كان بيجيلو عشان يخلي لبنى تنطرد و حوار كده بصراحه مفهمتوش
زيد....ع فكره ي تميم زي م انت محتاج حقك لبنى هتحتاج حقها و تيمور هيحتاج حقه و هتبقا سلسله ملهاش نهايه..
تميم بنرفزه و قام وقف...انت عارف كويس انا بعمل كده ليه انا عمر م حد ساعدني يوم م احتجت حد ولا حد اشفق عليا عايزني انا اشفق على ناس معرفهش؟؟؟
زيد....خليك فاكر انك هتندم ندم كبير اوي هتخسر حاجات اكتر من اللي خسرتها من الاول بكتير
تميم.... مفيش حاجه هخسرها اكتر من اني خسرت امي و ابويا و اخواتي!!!مفيش حاجه هخسرها تاني يا زيد مفيييش
زيد....لبنى!!!
تميم....لبنى مش هتتأذى و بعدين هي مش مهمه عندي لدرجة اهتم لخسارتها
زيد....مش هكلمك فالموضوع ده تاني بس الانسان بيغلط و ربنا بيعاقبه ف ان الانسان يغلط ع العقاب اللي خده ف هيقدم خساير اكبر بكتير
تميم بتناحه...انا همشي ي زيد
زيد....استنى
تميم...اي؟؟؟
زيد...مقولتليش عملت اي مع عطيه بما انها اخر مؤامره للانتقام؟؟؟
تميم بابتسامه شريره....بعت محامي ل تيمور
فالقسم عند تيمور....
محمد ..... تيمور اسمعني كويس انت دلوقتي هتقول ان المخدرات دي واخدها من عطيه و كان بيهددك و يستغلك ب عيلتك و بيهددك....
تيمور.....بس اي دخل عطيه؟؟و بعدين مخدراته ليها طبعه و اكيد البوليس مش غبي و عارف...
محمد...لان المخدرات دي بتاعة عطيه فعلا
تيمور اتصدم....و. ليه عمل كده
محمد....عايز يبعدك عنه
تيمور...ي بن ال******
محمد....اتفقنا هتقول اي؟؟؟
و فعلا دخل للظابط و كان بيقدم افادته نفس الي اتقاله و بالفعل راحو جابوا عطيه من المطعم و بالفعل طلعت مخدراته و اتسجن و عدا ٤ ايام و خرج تيمور من القسم و كانت لبنى مستنياه برا....
لبنى....تيمور
تيمور...نعم؟؟؟
لبنى....اسفه كنت لازم اعمل كده
تيمور...كنت متوقع انك انتي اللي حطيتي المخدرات بس ده حقك انا اذيتك كتير...
لبنى باستسماح...ولا يهمك انا كمان اسفه بس متأكده انك هتطلع
تيمور....هو انتي عارفه انا اذيتك ف اي؟؟
لبنى...عارفه كل حاجه متقلقش
تيمور...نبدأ صفحه جديده؟
لبنى...اسفه مش هثق
تيمور سكت و مشي
عند كرم قدام المقابر قاعد لوحده....
كرم....انا اسف مكنتش عارف انك شايله جواكي اوي كده مكنتش عارف اني بجرحك كل يوم مكننتش اعرف ان بابا بيخونك كل يوم انا مكنتش اعرف حاجه خالص انا اللي عايز اعرفه اني نفسي يوم من اللي فاتوا يرجع احضنك حضن واحد بس اقدملك فيه اعتذاري و اسفي انا بجد ندمان بس الندم هيفيد ب اي ما كله راح ..انا اول مره احس بالضعف ده انا فعلا مستقوى ب روحك معايا انا بحبك اوي اسف اسف
سندس...البقاء لله شد حيلك
قام كرم و بص ب كسره...عرفتي مكاني منين؟؟
سندس ب حزن...انا بقالي كتير مشوفتكش و دورت عليك لحد ما خمنت انك هنا انت ليه مكنتش بترد ولا قابلني ابقا جمبك ف وقت زي ده؟؟؟
كرم....مش عايزك تشوفيني مكسور
سندس مسكت ايده ب حب و بصتله نظرة امل و حب....انا معاك دايما
____________
: عطيه فالسجن....ان ما وريتك يا لبنى انتي و تميم و انور مكنش عطيه
_______________
انور ف بيته ....
انور...فوفا انا اسف بجد انا اكتشفت انك صح ف حاجات كتيره كتيره اوي كمان تيمور طلع مخادع اصلا و بيعمل حاجات مش كويسه من ورايا و المدرسه ملهاش غير السيره دي و تعاونوا مع عطيه ضد لبنى عشان يبعدوني عن كرم و كلام كده غريب
فريده....قلتلك كل حاجه من الاول لازم تختلف و تتغير مسمعتش كلامي و مسير كل حاجه ترجع احسن من الاول المهم لبنى بتحب كرم!!
انور...مش عارف
فريده...يبقا حاول و كافح عشان اي حاجه انت عايزها☝🏻
انور...حاضر ي فوفا
فريده...ولا مش عاجبك كلامي لسكت خالص
انور...ده انتي ست الكل و كلامك على راسي والله
فريده...ماشي يا عم
انور..انا هروح ل كرم هو اكتر واحد محتاجني دلوقتي
فريده...روح ربنا يصبره
___________
دخل انور ل كرم....
كرم بصله و دير وشه
انور بندم....حقيقي انا اسف على كل حاجه حصلت انا كنت ف غيبوبه و فوقت منها انا اسف انا جاي ابقا جمبك عشان محتاجني
كرم...اللي بيييع مره بيبيع كتير
انور...انا مبعتكش انا اتعميت يا كرم اتعميت و عايزه افوق هفوق معاك
كرم...ونا عايز افوق
انور...احنا محتاجين بعض
...حضنوا بعض... و هنا بدأ كرم يدمع ييفتكر امه
كرم...عارف يا انور كانت دايما تهتم بيا اوي و انا مكنتش بحس بوجودها انا عايز احسها جمبي دلوقت ي انور
انور...اقوى ي كرم ربنا معاك ارجوك مفيش راجل يدمع او يعيط
كرم ب دموع....انا مش حاسس غير ب كسره و ضعف انا خسرت اهم حاجه ف دنيتي خسرت حياتي انا بقيت ولا حاجه من غيرها نفسي ترجع دقيقتين بس اقولها اسف ابطل اقولها انتي عايزه دكتور نفسي انت عارف هي سبتلي جواب قبل م تنتحر مفيش حاجه حرقتني فيه اكتر من جملة انت حياتي و قلبي و انا خسرتهم و ممتلكتهمش مكنش في داعي اني اعيش تاني و قلتلي ان بابا ملوش ذنب ف انتحارها هي متعوده على خيانته ليها من زمان هي كانت خايفه ي انور لاطلع زي ابويا خاين هي كل اللي كانت بتعمله خوف انا نفسي ترجع دقيقه اتاسفلها على كل حاجه حصلت مني لو رجعت ي انور هاخدها و هنمشي و هنبعد انا مكنش عندي غيرها
انور خده ف حضنه....
لبنى قاعده ع السرير ف السكن عماله تتصل ب تميم و تليفونه مقفول ....
لبنى...سندس
سندس.......
لبنى....سندس ي بت سرحانه ف اي
سندس بقلق....كرم بقاله كذا يوم مبيجيش المدرسه ولا الكافيه ولا بيرد على مكالماتي انا عارفه ظروفه بس انا عايزه اتطمن عليه
لبنى ....معلش هو اكيد مقهور بما فيه الكفايه
سندس...معرفش
لبنى....تميم مبيردش بردو و قفل موبايله ع طول
سندس....م تروحي تسألي عليه فالقسم او المركز؟؟؟
لبنى....صح يبقا اروحله بكره
سندس....طيب يلا اطفي النور عشان ننام
تاني يوم فالمدرسه...
كرم...انا مش عارف انت مصحيني و جايبني المدرسه ليه؟؟
انور....عشان لازم اتكلم معاك ف حاجه
كرم....اتفضل عشان اقابل سندس بقا طب
انور بقلق....هو انت بتحب لبنى؟؟
كرم..اي يا ابني الهبل ده انا و سندس بنحب بعض اي اللي جاب لبنى
انور بابتسامه...اومال ليه بشوفها معاك ع طول؟؟
كرم....ما هي بنت الحيوانه مش سايباني انا و سندس لوحدنا
انور....يا اخي طمنت قلبي
كرم بتكشيره..ثواني كده
انور......اي
كرم....هو كل اللي حصل ده بسبب لموأخذه تخلفك؟؟؟؟و فاكرني بحب لبنى!!
انور...اسف ي صاحبي
كرم ... ده انت متخلف
انور....في حاجه كمان انا اسف عليها
و بدأ انور يحكيله عن تخطيطاته هو و تيمور...
انور .....بص انا بجد اسف و فوقت متأخر خاصة اني كنت بأذيكوا
كرم.....مش واخد بالك انك مش المفرود تتأسف ليا؟؟؟
انور ..اومال؟؟
كرم....لازم تتكلم مع لبنى و تفهمها و تتأسفلها
انور....استحاله دي تكرهني
كرم....صدقني مش هتكرهك
انور....تمام هحاول
كرم....محاولة اي بس و بعدين لازم تبدأ معاها على نضيف لو عايز تخليها تحبك يبقا ورقه بيضا
انور....تمام
كرم....اهي سندس و لبنى جم كويس هاخد سندس نتمشى و كلمها انت بقا براحتك