- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
أكلات وأطباق رئيسية
اطباق رئيسية ورمضانية اكلات رئيسية للغداء اطباق سهله ولذيذه للعشاء اكلات السفره الرئيسية مثل الارز والمعكرونة والدجاج واللحوم والاسماك اطباق رئيسية بالدجاج
نسخ رابط الموضوع
https://vb.kntosa.com/showthread.php?t=3939
#1
~{ مديرة منتدى كنتوسه }~
بهارات كفتة الحاتى,طريقة عمل كفتة الحاتى زى المحلات,طريقة عمل كفتة الحاتى فى الفرن,كفتة الحاتى سهله
كفتة الحاتى بكل تكتها مع سلطة مميزة ومختلفة
.png "Bsmile (108)")
نظبط الاول السلطه علشان تاخد من التتبيله حلو
السلطه
طماطم وخيار وفلفل وبقدونس وبصله كلهم متقطعين
ونتبلهم بمعلقه مله وكمون وربع كوبايه خل ولمونتين وربع كوبايه ميه ونقلبهم بمعلقه ونسيبها ساعه
ميه السلطه
هناخد الميه اللي نزلت من السلطه ونضيف عليها رشه ملح بسيط ومعلقتين خل
ورشه كمون ونص كوبايه ميه وتدوقيها وتظبطي الملح
كفته الحاتي ...
اللي بتدووووب في البوق والسلطه الخضرا البلدي وميه السلطه المولعه
تسويها في الفرن او ع الفحم وزي مااتعودت معاكم الصور بالخطوات للاستفاده
اهم حاجه ف كفته الحاتي اللي ع اصولها هي نسبه الدهن اللي فيها
يعني وانتي بتشتري اللحمه من الجزار لكل كيلو لحمه مفروم يفرم عليها قطعه دهن او ليّة حجم قبضه ايدك
وبالتقريب كدا حوالي تمن كيلو او يزيد حبه
وبعد مايفرمهم تشيليها ف التلاجه ونحضر الخلطه والاضافات
هتجيبي لكل كيلو لحمه مفرومه 3 معالق كبار رز وتنقعيهم ف ميه سخنين حوالي ربع ساعه يادوب تغطيهم الميه
ماتقلقيش ولا هيجرالو حاجه لحد مايشرب الميه وينشف وتطحنيهم بمطحنه الخلاط زي التوابل هيبقي عامل زي البودره
(ممكن تضيفي بدالهم برغل والبرغل هنغسله ونصفيه بس )
هتجيبي بصله وتقطعيها رفيع وتحطي عليها نص معلقه صغيره ملح وتركنيها عشان تنزل ميتها
وبعدها نعصر البصله من ميتها كويس اوي واوعي ترمي ميه البصله هنحتاجها
تاخدي تفل البصله وتضيفيه ع اللحمه مع الرز المطحون مع 4 فصوص توم مفرومين ونضيف عليهم التوابلدي
بابريكا وكركم وكاري وكسبره ناشفه وشطه حسب الرغبه
وربع معلقه صغيره قرفه ناعمه مهمه جدا وزنجبيل بودر وزعتر ومعلقه بيكنج بودر
لو عندك كبه اخلطي كل التوابل والبصل والرز تاني فيها
ماعندكيش اخلطي بايدك بس كتير وادعكي جامد واركنيها ف التلاجه نص ساعه مهم تسيبيها نص ساعه
وحضري اعواد الشيش الخشب او بإيد معلقه خشب عشان نصبع عليها وتكوني ناقعه الاعواد دي ف الميه
ربع ساعه عشان ماتتحرقش ف التسويه
واثناء اللحمه ف التلاجه نحضر الصوص اللي بندهن بيه ايدنا واحنا بنصبع او بنشيش الكفته ف الاعواد
وكمان الصوص دا هندهن بيه بفرشه الكفته اثناء تسويتها ف الفرن
طريقه الصوص
هناخد ميه البصل ونضيف عليها 3 معالق زيت ورشه فلفل اسمر علي كيس كاتشاب او طماطمايه معصوره
او معلقه صلصه وقلبي كويس
واول مانبدا نصبع ندهن ايدنا وناخد من الكفته ونصبع وكل حركه ندهن ايدنا بالصوص دا مالوش حل
وترصي الكفته ف صينيه بدون دهان ماتخافيش وبعد ماتخلصي تمشي تحطيها ف الفرن
وكل شويه تدهني بفرشه من الصوص وتمشي ع الكفته
هتاخد من تلت ساعه لنص ساعه حسب الفرن ولما تقرب ع السوي سخني فحمايه
وحطيها ف ورقه فويه وحطيها ف نص صينيه الكفته ورشي علي الفحمايه وغطي الكفته بسرعه
وهتدوقي احلي كفته حاتي تعمليها وانضف كمان وارخص من بره
واللي عامله دايت ليكي 2 صباع كفته وسط و طبق سلطه وربع رغيف بلدي
وصحتين و هنا
.png "Bsmile (52)")
المصدر : منتدى كنتوسه - من قسم أكلات وأطباق رئيسية
اظهار التوقيع
توقيع
جودى
من مواضيع : جودى
- ماهي الملابس المثيرة للزوج,كيفية اختيار الملابس الداخلية المثيرة,الوان الملابس الداخلية يحبها الرجل
- سر العلاقة بين الجيوب الأنفية والاكتئاب,التهاب الجيوب الأنفية
- كيف احافظ على جسمي اثناء الحمل وبعده,وزنك أثناء الحمل ومدى احتياجك للطاقة
- ديكورات باللون الفوشيا 2019,ديكورات رومانسيه,الفوشيا يعانق الرومانسيه مع ارقى الديكورات العصريه2019
- طريقة عمل ورود بورق الكورنيش بالصور,طريقة عمل وردة بالورق الكانسون,وردة من الورق المموج
| الكلمات الدلالية (Tags) |
| فى, كفتة, الفرن, المحلات, الحاتى, بهارات, زى, سهله, طريقة, عمل |
«
الموضوع السابق
|
الموضوع التالي
»
|
|
الساعة الآن 04:19 AM