قصص - حكايات - روايات

القصص والرويات، قصيرة , طويلة,قصص الانبياء , منتديات قصص ، اجمل القصص اروع القصص ، اجمل الروايات ، قصص قصيره ، قصص طويله ، رويات قصيره ، رويات طويله ، قصص عدلات ، قصص الوفاء ، قصص مخيفه ، قصص محزنه ، قصص عجيبه ، رويات، رويات عدلات ، قصص الانبياء ، القصص العربية ، قصص واقعيه ، قصص اطفال ، روايات للاطفال ، مكتبة القصص ،القصص والروايات ، قصص غريبه ، قصص دينية ، قصص حقيقيه ، قصص مضحكة ، قصص مؤثرة ، قصص خيالية ، اغرب القصص قصص الصحابة ، مواقع قصص ورويات2019.

نسخ رابط الموضوع
https://vb.kntosa.com/showthread.php?t=10664
736 29
10-23-2019 12:55 AM
#1  

1488قصة احكي حكايتك , روايه قصيرة احكى حكايتك

قصة احكي حكايتك , روايه قصيرة احكى حكايتك kntosa.com_25_18_154
القصة: {بحكي حكايتگ}
{الحلقة الأولي} (1)
قصة احكي حكايتك , روايه قصيرة احكى حكايتك kntosa.com_22_19_157

*في مكان ما...صوت ضرب نار كبير ودوشة وناس بتجري...وشابين واقفين في الناس بيضربوا نار...*
الشخص١ :خلي بالك هااا..
شخص٢: متقلقش....
ويكملوا ضرب نار...ومرة واحدة شخص يضرب رصاصة..
شخص١: حااااااسب ويقف قدامه...
يتصاب ويقع في الارض...
شخص٢: لا لا فوق ونبي فوق اوعي تسبني لوحدي انا ماصدقت لقيتگ لية هتبعد عني قوم ونبي متبعدش عني...لاااااااااا
(باگ)
في أوضة بنت نايمة علي السرير وباين علي وشها الإرهاق وبتعرق.....
تقوم من النوم مفزوعة
مليكة: اعوذ بالله من الشيطان الرجيم.....
(مليكة بنت جميلة ورقيقة جداااا عندها ٢٢ سنة في كلية هندسة اخر سنة ليها في الكلية..شاطرة جداا عينيها لونها ازرق لون البحر بشرتها بيضة..وشعرها طويل وناعم وعندها غمازات يجننوامامتها متوفية وملهاش اخوات)
تبص مليكة في الموبايل...تلاقي لسة بدري علي ميعاد الجامعة..تسمع اذان الفجر بيأذن.تقوم تتوضي وتصلي..
بعد اما تخلص صلاة...
مليكة: يارب انت الي عالم بحالي انا تعبت من الكوابيس دي نفسي اعرف هي دي حقيقة ولا لا اقف جمبي يارب انا مليش حد غيرك اشكيلوا...وتعيط ..
تخلص مليكة صلاة... وتقوم تقعد علي السرير بتاعها...وتمسگ صورة مامتها...
مليكة: لية سبتيني لية بعدتي عني...انا مش عارفة اعيش من غيرگ نفسي ترجعي تحضنيني تاني زي زمانانا عارفة أن انتي مكان احسن من هنا بس انا مش قادرة استحمل بعدگ عني مش قادرة استحمل كل الي بيحصلي...مش هنسيي يوم اما شوفتگ وانتي بتموتي كان احساس صعب اووي يا ماما..يارتني كنت مت معاكي ياريتگ كنتي خدتيني معاكي...وتفضل تعيط لحد اما تنام تاني...تصحي مليكة علي صوت تليفونها وهو بيرن
مليكة بتعب: الو أيوة يا مي..
مي: اي يا بنتي انتي مش جاية الجامعة ولا اي...
استوب لحظة(مي تبقي صاحبة مليكة من وهما صغيرين مع بعض في كل حاجة..مي في نفس سن مليكة بشرتها قمحي عينيها لونها عسلي وشعرها طويل بس مش ناعم..)
مليكة: لا انا جاية هقوم البس واجي...
مي: مالك يا مليكة فيكي حاجة..
مليكة: لا انا تمام متقلقيش...
مي: الكوابيس تاني يا مليكة..
مليكة بعياط: مش قادرة يا مي مش قادرة انا تعبت مش عارفة فيه اي...
مي:طب اهدي يا حبيبتي اهدي أن شاء الله خير ممكن تهدي بقي
مليكة: حاضر يا مي اسيبك انا بقي هقوم اغير هدومي عشان الحق اجي...
مي: ماشي يا حبيبتي ربنا يهديلك الحال يارب...
مليكة: يارب
تقوم مليكة تاخد دش وتلبس وتنزل تحت...
تروح عند السفرة...
مليكة: صباح الخير
وفاء من غير نفس: صباح النور
جاسم:صباح الفل يا مزة...
تبصله مليكة بقرف..
يجي فريد من وراها..
فريد: صباح النور يا حبيبتي..
(فريد يبقي ابو مليكة..عنده شركته الخاصة مخصصة في المعدات الطبية الي بتتوزع علي المستشفيات..بجانب شغله الي مش كويس الي هنعرفه مع أحداث القصة...)
(وفاء وجاسم ...وفاء تبقي عمة مليكة وجاسم يبقي ابنها.. وفاء طول عمرها بتكره مليكة ونفسها تجوزها لابنها جاسم..عشان تقدر تورث الفلوس بتاعت اخوها..جاسم شاب طايش عنده ٢٣ سنة وشغال مع خاله في الشركة...)نرجع لقصتنا
مليكة: يسعد صباحك يبابا
فريد: اقعدي يلا افطري...
مليكة: لا يبابا مليش نفس انا هروح الجامعة..
فريد: تمام فهد هتلاقيه مستنيكي براااا هيوصلك..
مليكة بصوت عالي: يبابا أمتي هتعرف بقي اني كبرت انا مش عايزة سواق خاص بيااا ولا الكلام دة انا عايزة اعيش حياتي براحتي..
فريد بحزم: انا قولت كلمة يا مليكة بدل والله مش هيبقي فيها جامعات خالص اتفضلي يلاا
تضايق مليكة من باباها وتمشي..
وفاء: طول عمرها فقرية زي امها
فريد: اسكتي يا وفاء انتي كمان.
وفاء:اتخرست اهو...
فريد: يلا يخويا انت كمان ولا ناوي تبات هنا يلا ورانا شغل..
جاسم: لا انا خلصت يلاااا
براااا الفيلا...
مليكة بقرف: صباح الخير..
فهد: صباح النور..
مليكة: اي مش هتفتحلي الباب..
فهد: حاضر يا فندم
مليكة وهي بتركب: شكرا
فهد: العفو
(يروح فهد يقعد في المكان المخصص للسواقة ويتحرك فهد بالعربية...يوصلوا قدام باب الجامعة..تنزل مليكة وترزع الباب، يضحك فهد علي منظرها...وبعد كدا يمسگ تليفونه....ويضحك بحزن ويبص في الصورة الي قدامه...)
فهد: ياااااه لو تحسي بياا لو تحسي بكل الحب الي بحبه ليكي من زمان وانا بحبك بقالك خمس سنين قدامي ومش عارفة أقولك حاجة ولا عارف اصارحگ بحبي ليكي بس مينفعش مينفعش والله اكيد هنساكي في يوم او يومين يمكن سنين الله اعلم...

ويقفل الموبايل بتاعه...ويفضل مستني مليكة تخلص...
استوب بقي شوية(فهد هو بطل قصتنا شاب عنده ٢٥ سنة وسيم جدااا..عنده لحية خفيفة وبعضلات وعنيه لونها رمادي..عايش مع مامته وباباه كام شغال سواق خاص عند فريد وتوفي ...)
في الجامعة تتدخل مليكة تحت أنظار الجميع لأنها كانت جميلة فعلا...
تقابلها مي وواحد صاحبهم...
مي:اي الي اخرگ كدا يا ست مليكة..
شادي:اي الجديد ست مليكة علي طول متأخرة...
مليكة: اي حيلكم مش كدا يجماعة اهدوا علياااا
مي:طب يلا عشان عندنا محاضرة للدكتور الرخم بتاع كل يوم ومش هيدخلنا لو اتأخرنا
شادي:يلا يا ست المجتهدة امشي قدامي..
مي:ايدگ متزقش طاااه
مليكة:معرفش هتفضلوا ناقر ونقير لحد امتي...
شادي ومي مع بعض: لا احنا التافهة بتجري في دمنا
تضحك عليهم مليكة ويكملوا ضحك ويروحوا المحاضرة...
في الشركة...
يدخل فريد مكتبه..
فريد يتصل بسكرتيرة..
السكرتيرة: أيوة يا فريد بيه
فريد: ابعتيلي محمد وجاسم دلوقتي حالا...
السكرتيرة: حاضر يا فندم..
بعد شوية يجي محمد وجاسم
يخبطوا...
فريد: ادخل..
محمد: أيوة يا فريد بيه بعتلنا..
فريد: اي اخبار البضاعة الناس الكبيرة مش هترضي ب اي غلط المرة دي
محمد: انا متابع مع الناس برا الي هيبعتوا البضاعة ليناااا وهي علي وصول..
جاسم: وانا خلصت اوراق الجمارگ وكل حاجة هتعدي من غير تفتيش...
فريد: تمام كدا شدوا حيلكم بقي ويلا روحوا شوفوا اشغالكم...
*يخرجوا من عند فريد*
(في مكان تاني في القسم، في أوضة المقدم ادهم)
"يدخل عليه أمين شرطة"
ادهم: اي يا امين فيه اي..
امين الشرطه: الواء حسين عايزاگ..
ادهم: طب روح انت وانا جاي وراك..
امين الشرطة: تمام يا فندم..
(يخرج امين الشرطة يقوم ادهم ويخرج يروح عند اللواء...)
*في الجامعة... يخرجوا التلاتة من المحاضرة...*
مي بتنفس: اخيرااا يااااه دي محاضرة تقيلة علي قلبي بشكل..
شادي: اهدي يا وحش
مليكة: بس يا عم انا عارفة هي علاجها اي...
شادي: الاكل اكيد..
مي: ايدا ايدا عرفتوا منين
مليكة: اسكتي ونبي عشان انتي عشرة سنين يعني اكيد عارفة انتي بتتعالجي ب اي
شادي: طب يلا بينااا علي الكافتيريا وعلي حسابي
مليكة: لا لا كدا كتير
شادي: عدوا الجمايل
يروحوا الكافتيريا...
*******
(في مكتب الواء...)
يدخل المقدم ادهم ويأدي التحية بتاعته...
الواء حسين: اقعد يا ادهم..
يقعد ادهم...
ادهم: أيوة يا فندم بلغوني أن حضرتك عايزني...
الواء حسين: اه عايزاك في موضوع مهم
اتمني القصة تعجبكم سيبوا رائيكم وشجعوني اني اكملها
لسسسسسسه باقى الحلقات




10-23-2019 01:11 AM
#2  

افتراضيرد: قصة احكي حكايتك , روايه قصيرة احكى حكايتك

{الحلقة التالتة} (3)
وقفنا المرة الي فاتت لما الواء بعت لادهم...يروح ادهم مكتب اللواء حسين ويدخل ..
الواء حسين: تعالي يا ادهم
يأدي ادهم التحية ويقعد...
ادهم: أيوة يا فندم خير...
اللواء حسين: سمعت أن فيه صفقة جديدة هتعدي من الجمارگ...تبع فريد
ادهم: ايدا اي الي حصل كان موقف شغل يعني بقاله فترة..
حسين: متنساش ان احنا كنا حاطين عنينا عليهم...
ادهم: تمام يا فندم انا هاخد فريق معايا ونعمل كمين ونفتش العربيات...
حسين: خلاص ماشي متتأخرش انهاردة لحسن مامتك نجوي زعلانة منك خالص...
ادهم: انا هعرف اصالحها هو احنا نقدر علي زعلها بردو..
حسين: تمم يلا روح شوف شغلك...
ادهم: حاضر يا فندم...
استوب لحظة..(حسين ونجوي يبقوا ابو وام ادهم)
(يخرج ادهم من مكتب حسين، ويروح مكتبه وينادي امين الشرطة، يدخل امين الشرطة ويأدي التحية العسكرية)
امين الشرطة: ايوة يا فندم..
ادهم: جهزيلي فريق عشان طالعين تفتيش في الجمارك...
امين الشرطة:تمام يا فندم
ويخرج امين الشرطة...
ادهم: حسابگ تقل اووي معايااا يا فريد بس قريب اووي هتكون تحت ايدي ومحدش هيرحمك مني...
في الجامعة عند مليكة..
مليكة: اي اي يجماعة مش هتروحوا ولا اي...
مي وشادي: اه هنروح عشان ماما..
مليكة بضحك: انتو هتبطلوا تقلدوا بعض في الكلام أمتي
مي: هو الي بيقلدني عشان هو عرة
شادي: اعتبر دي اهانة
مليكة: لا يعم هو احنا نقدر..
شادي: أيوة كدا...
مليكة: طب يجماعة استأذن انا بقي يدوبگ اروح
مي: تمام هبقي احاول اجيلك بليل شوية...
مليكة: تمم يا حبي هستناكي
مي: تمم
تخرج مليكة تلاقي فهد واقف
تركب مليكة العربية..
فهد: راحة في اي مكان ولا اطلع علي الفيلا علي طول..
(تحس من طريقة كلامه أنه مضايق شوية...)
مليكة ب استغراب: لا علي الفيلا
*يتحرك فهد علي الفيلا من غير ولا كلمة..*
(في مكان تاني في الجمارك واقف ادهم والظباط ..وفجأة تظهر عربيات فريد للمعدات الطبية..

وفي المقدمة عربية ملاكي راكب فيها جاسم ومحمد..
يوقف ادهم العربيات...)
محمد:اهلا ادهم بيه..
ادهم:اهلا يا محمد منور انت وجاسم والله
جاسم:منورة بيك يباشا...
ادهم: معلش هنعطلكم شوية محتاجين نفتش العربيات...
محمد: اظن من ساعة اخر مرة لما حصل مشاكل يباشا ومتفقين مفيش تفتيش لعربيات فريد بيه ولا اي...
ادهم: معلش غيرنا القرار يلا يا بني فتشوا العربيات دي...
(راح ادهم يتابع التفتيش بنفسه)
*في العربية*
محمد بعصبية: هو انت مش قولت يا بني انك مخلص كل حاجة والعربيات هتعدي من غير تفتيش ايدا بقي ربنا يستر ومفيش حاجة تحصل لحسن نروح في داهية انا وانت والواحد ميعرفش يعتمد عليك..
جاسم: وانا مالي مانا ظبط مع بتاع الجمارك معرفش أن الموضوع هيوصل للحكومة وكدا
محمد: ربنا يستر..
الظابط: مفيش حاجة يا ادهم باشا..
ادهم: انت بتقول اي انتو فتشتوا كويس
الظابط بخوف: والله يا ادهم بيه فتشنا كويس مفيش حاجة..
"ادهم بعصبية يروح عند محمد وجاسم..."
ادهم بعصبية: قول لفريد أن دي مش النهاية لسة بدري اووي وعرفوا اني نهايته علي ايدي...وان شاء الله قريب اووي كل حاجة هتتكشف وهنلعب علي المكشوف تمم...
محمد: يا حضرة المقدم دة كله كلام وبعدين اسمه فريد كدا حاف دة بردو كان خيره عليك في يوم من الايام...
ادهم: قصدك اي بكان خيره عليا في يوم من الايام...
محمد: بكرا تعرف كل حاجة يا حضرة المقدم سلام يباشا..
(يمشي محمد وجاسم...وادهم دماغه هتتفجر من التفكير يا تري محمد قصده اي بالكلام دااا)


10-23-2019 01:11 AM
#3  

افتراضيرد: قصة احكي حكايتك , روايه قصيرة احكى حكايتك

{الحلقة الرابعة}
*فيه مكان تاني...في بيت بسيط جداا، يدخل فهد، يروح عند أوضة والدته*
فهد يبوس ايديها: مساء الخير يا ست الكل..
نادية:مساء النور يا حبيبي
فهد: عاملة اي يا حبيبتي
نادية: انا تمام يا بني انت عامل اي...وفريد دة عامل معاك اي في الشغل....
فهد: هو انتي لية دايما مقلقة من فريد دة ودايما خايفة عليا منها ومش بتحبيه وبعدين
انا بقالي السنين دي كلها عند فريد ومع ذلك لسة قلقانة عليا كل اما اجي اروح الشغل..!!؟
نادية بتوتر: أيوة انا مش بستريح لي
فهد: فريد دة من غيره كنا زمانا مرمين والله... يا تري كنا هنبقي عيلة حلوة وابويا حواليا واخويا...ويبص علي صورة باباه وأخوه.. وبعدين يكمل كلام طب ابويا وعرفت أنه خلاص الله يرحمه لكن اخويا فين...يا تري شكله اي...كبر ولا عايش ازاي ولا مش عايش اصلا...فريد بيه دة هو الي شغلني عنده كان نفسي اكمل تعليم وادخل الكلية الي بحبها بس دة نصيبنا...
نادية: ياريتني اقدر اشيل عنگ الهم دة كله يا بني والله

بس مبقاش ليا غيرگ من بعد ابوگ الله يرحمه واخوگ الي معرفش عنه حاجة انا اسفة يا بني لاني مخلتكش تعيش طفولتگ زي اي طفل لا بالعكس من وانت صغير وانت شايل الهم...
فهد: ولا يهمك يا ام فهد ربنا يخليكي ليا يارب..هقوم انا استريح شوية قبل م انزل اكمل شغل..
نادية: ماشي يا حبيبي ربنا معاك يارب
يبوس دماغها ويخرج...
نادية في نفسها: بكرا تعرف كل حاجة يا فهد وهتعرف سبب قلقي عليك طول السنين دي بكرا كل حاجة هتظهر قدامك وهتعرف اني معملتش ليك حاجة وحشة بالعكس أنا بحميگ بدل م اخسرگ زي ماخسرت ابوك واخوك...
(عند مليكة تتدخل الفيلا تلاقي عمتها قاعدة...متتدهاش أهمية وتكمل طلوع السلم...)
وفاء: ولا كلام ولا سلام يعني..دة حتي السلام بتاع ربنا ارميه علينا حتي...
مليكة: بصي يا عمتو والله انا مش حمل خناق ولا مناهدة معاكي انا لسة راجعة وتعبانة سبيني اطلع انام شوية...
وفاء: هو انا قولتلك حاجة يا بت انتي كل دة عشان بقولك ارمي السلام بتاع ربنا طول عمرك فقرية ونكدية طلعتي شبه امك بالملي..واخدة النكد بتاعها انا مش عارفة اخويا لما اتجوزها كان عجبه فيها اي
مليكة بعصبية: انتي مين انتي عشان تتكلمي علي امي بالشكل دا انا امي انضف من عشرة زيك انتي تيجي اي جمبها...ولآخر مرة بحذرگ بلاش تجيبي سيرة امي علي لسانك داا وانا اذا كنت سيباكي قاعدة في الفيلا دي ف دة عشان خاطر بابا غير كدا انا كان هيبقي ليا تصرف تاني..
"تسيبها مليكة وتتطلع"
وفاء بغل: والله ماشي يا بنت سحر انتي وربنا أن ماجبت بوزگ الارض مبقاش انا وفاء..
(فوق في الاوضة عند مليكة تتدخل أوضتها وتفضل تعيط
تمسگ صورة مامتها)
مليكة: هي لية بتقول عليكي كدا لية دايما بتقول عليكي نكدية وفقرية انتي كنتي اطيب ام في الدنيا..انتي عيشتي ليا ام واب وكل حاجة حلوة في حياتي

لية ميعرفوش أن انتي حاجة كبيرة اووي بالنسبالي..اني عمري ماهستحمل كلمة وحشة عليكي..عمري ماهسمح لحد اني يمسگ بكلمة ايا كان مين الحد دة ومن انهاردة كل واحد لازم يعرف حدوده...وحشتيني اووي يا ماما...
(تحضن مليكة الصورة وتنام)
"في شركة فريد لادوات الطبية
يدخل محمد وجاسم علي فريد"
فريد: ها كله تمام ولا اي الاخبار...
جاسم: كله تمام والشغل كله وصل في المخزن والأجهزة جت علي المستشفي...
محمد: بس حصل خطأ بسيط كدا...
فريد: حصل اي...
محمد: الي اسمه ادهم دة مش ناوي يجيبها لبر معانا..حد بلغوا من الجمارك ان فيه شحنة جاية لينا عمل كبين وفتش العربيات بس طبعااا الشغل كان محطوط جوا الادوات.. ف معرفش يوصلوا..
جاسم: وقعد يقول قول لفريد أن نهايته قربت وان هو مش بيزهق وان اللعبة قربت تنتهي وكلام كتير كدا...
فريد: ادهم بدأ يلعب في عداد عمره..وقربنا اوووي نبعته في جولة مع عزرائيل..
محمد وجاسم: هههههههه
فريد: امسكوا فلوسكم اهي دة نصيبكم ظبطوا نفسكم والساعة اتنين بليل تكونوا موجودين في المخزن عشان تسليم الشغل..
محمد: من يد مانعدمها..
(ياخدوا الفلوس ويخرجوا+
*يوصل ادهم الفيلا*
"يلاقي حسين قاعد بيقرأ في الجرنال"
ادهم: مساء الخير...
حسين: مساء النور ...اي عملت اي طمني...
ادهم: زي كل مرة ظبطوا الدنيا وعرفوا يلعبوها صح ولاد ال...
حسين: كنت متأكد من حاجة زي كدا...
ادهم: بس قريب اووي نهايته هتبقي علي أيدي مش المقدم ادهم الي يزهق بسرعة ويا انا يا هو والشاطر الي يضحك في الاخر...
حسين: طب روح غير هدومك وخد دش وتعالي يلا عشان نتغدي ونبقي نشوف الموضوع دا بعدين..
(يمشي ادهم وهو طالع علي السلم...تخرج نجوي من المطبخ)
نجوي: اخيرا المقدم ادهم حن علينا وجالنا.
ادهم: طالما قولتي المقدم ادهم ومقولتيش دومي يبقي زعلانة مني جامد وانا بصراحة مقدرش علي زعل نوجا..
نجوي: كل بعقلي حلاوة يا بكاش.. مش بتيجي لية
ادهم: انتي عارفة الشغل بقي يا نوجا يدوبگ اخلص واطلع علي الشقة ارتاح شوية...
نجوي: يا بني نفسي تنقل عيشتك معانا هنا في الفيلا وتستقر بقي..
ادهم:معلش يا نوجا سبيني علي راحتي انا كدا مستريح

وعلي العموم يا ستي اوعدك اول بس ما اعرف اخد إجازة هاجي اقعد معاكي يومين
نجوي: ماشي يا سي ادهم
اطلع يلا غير هدومگ..
(في الفيلا عند فريد توصل مي..وتتطلع لمليكة...)
مي: اي يا بنتي بقالي ساعتين برن عليكي ومش بتردي عليا لية قلقتيني
مليكة: انا تعبانة اووي يا مي ومش قادرة ...
"وتترمي في حضن مي"
مي: اهدي بس يا حبيبتي مالك بس فيه اي...
تحكيلها مليكة الي حصل...
مليكة: بس يا ستي وفي الاخر قولتلها متحبيش سيرة امي تاني علي لسانك وانا ساكتة عشان خاطر بابا لكن والله غير كدة انا كان هيبقي ليا تصرف تاني بعد الكلمتين الي انتي قولتهم دول وطلعت وسيبتها..
مي: انا مش عارفة عمتك دي عايزة اي ولا بتكرهك كدا لية اصلا...
مليكة: والله يا بنتي ولا انا اعرف..
*تحت يوصل فريد*
فريد: مساء الخير...
وفاء: مساء النور
فريد: امال فين مليكة...
وفاء بقرف: قاعدة متنيلة فوق مع صاحبتها...
فريد: اي الي حصل تاني بس
"تحكيله وفاء الي حصل"
عند مي ومليكة...
مليكة: وبس يا بنتي.....وقبل ما تكمل كلمتها تسمع صوت باباها وهو بيزعق....
فريد: ملييييييييييكة
مي: ايدا فيه اي ..
مليكة: مش عارفة تعالي ننزل نشوف فيه اي...
تقوم مليكة تنزل تحت عند باباها..
تبصلها وفاء بنظرة انتصار...
مليكة: اه هي لحقت تقولك بصراحة مستغربتش اصلا دة مش بعيد تكون كلمتك في الشغل عشان تحكيلك..
فريد بعصبية: مليكة اتكلمي عدل علي عمتك مش كدا
مليكة: انا عمري م اعتبرتها عمتي ولا هعتبرها..دي بتكرهني وبتكره امي ودايما تغلط في امي وانا من انهاردة مش هسمح لأي حد مهما كان مين يجرح امي بكلمة أو يجرحني انا بكلمة عمتي غلطت وانا رديت علي غلطها خلصانين...
(يضايق فريد ويضربها بالقلم)
فريد: اتلمي يا بنت ال...مبقتيش عاملة اعتبار ليا خلاص...
مليكة:.......
اتمني الحلقة تعجبكم منتظرة رائيكم كالعادة


10-23-2019 01:16 AM
#4  

افتراضيرد: قصة احكي حكايتك , روايه قصيرة احكى حكايتك

{الحلقة الخامسة}
مليكة: انت بتضربني يبابا..
فريد: واكسر رقابتگ كمان انتي خلاص مبقتيش عاملة اي اعتبار ليااا في الدنيا دي كأني موت خلاص..
مليكة: اعتبار اي الي بتتكلم عليه هو انت تعرف اي عني اصلا تعرف اي عن حياتي تعرف انا عايشة ازاي ولا بعمل اي ولا بروح فين...فاكر ان كل حاجة فلوس فاكر انك لما تيجي ترميلي الفلوس انا كدا مبسوطة انت مش اب ولا عمرك هتكون اب كويس..
(يقرب عليها فريد عايز يضربها تاني..يدخل فهد ويمسك أيده)
فهد: اهدي يا فريد وتعالي معاياا عشان فيه ظرف جاي لحضرتك ولازم تشوفوا ضروري..
فريد: ماشي
(يبص فريد لمليكة بقرف ويمشي..يبص عليها فهد بنظرة كسرة ويروح ورا فريد..)
*تقوم مليكة وهي بتعيط مع مي ويطلعوا فوق*
"يروح فهد ورا فريد ويدخلوا المكتب.."
فريد: اي يا فهد عايز اي..
فهد:فيه ظرف جاي لحضرتك اهو .
*ياخد فريد الظرف*
فريد: ماشي يا فهد روح انت خلاص..
"يفتح فريد الظرف ويقرأ الي فيه..وبعد كدا يعمل مكالمة لمحمد"
فريد: الو يا محمد انت فين..
محمد: احنا في الشقة ومعايااا جاسم وهننزل نسهر شوية وبعد كدا نرجع تاني..
فريد: طب متتأخروش وجهزوا نفسكم عشان فيه شغل جديد..
محمد: تمام يا فريد بيه سلام
"يقفل فريد مع محمد ويعمل مكالمة تاني"
فريد: الو يا باشا..
الباشا: اي يا فريد وصلگ الظرف..
فريد: أيوة يا باشا بس مش كتير الشحنة دي..
الباشا: شكلك عجزت علي الشغل ولا اي يا فريد..
فريد: لا يا باشا مش كدا بس كل الحكاية..
الباشا مقاطعة فريد: مفيش حاجة اسمها بس لو مش قد الشغل قول واهو نخلص منگ زي حبايبك ولا نسيتهم..
فريد يبلع ريقه: لا يا باشا منستش..
الباشا: ماشي يا فريد ارجع لعقلك كدا وخلص الشغل وخلي بالك من الي حواليك
فريد: ماشي يا باشا سلام..
*يقفل فريد معاه ويفتكر الي حصل زمان*
(فلاش باگ)..
فريد بيتكلم في الفون في الأوضة..!!
فريد: يباشا الشحنة كبيرة اووي هتتدخل ازاي
الباشا: اتصرف يا فريد مليش فيه دة شغلكم مش انا الي هظبط ليكم الشغل كمان..
فريد: الهيروين المرة دي كتير لازم ندخله البلد علي مرتين مش هنقدر ندخله كله مرة واحدة..
الباشا بعصبية: شكلك مبقتش عارف تسيطر يا فريد انا قولت الي عندي بكرا يكون الشغل كله خلصان..ويقفل السكة في وشه...
"تتدخل عليه سحر مراته"
سحر بصدمة: اي الي انا سمعته دا يا فريد..
فريد بخوف وقلق: سمعتي اي..؟؟
سحر: انت بتاجر في الهيروين..
فريد يقعد ويحط رجل علي رجل ويقول: اه يا سحر بتاجر في الهيروين من زمان...
سهير: يا بجاحتك وكمان بتعترف..
"يقوم فريد ويمسكها من شعرها"
فريد بعصبية: انت ملكيش دعوة انا بشتغل اي ولا بعمل اي انتي ليكي بنتك وبس وليكي اني بصرف عليكي اكتر من كدا متتدخليش وكأن الموضوع دة مسمعتهوش والا انتي حرة يا سحر..
سحر بعياط: وانت فاكر اني ممكن اقعد معاك لحظة هنا انا من اللحظة دي وانا مش في حياتك..
"تخرج سحر وتلم هدومها"
مليكة: فيه اي يماما
سحر: احنا لازم نمشي من هنا يا مليكة روحي جهزي هدومك بسرعة
تروح مليكة تجهز هدومها
(عند فريد يكلم الباشا)
فريد: يباشا سحر سمعتني وهتاخد البنت وتمشي..
الباشا: اقتلها...
فريد بصدمة: لا يباشا انا مليش في القتل...
الباشا: طول عمرك خرع اقفل وانا هتصرف...
*تخلص سحر هي ومليكة وتخرج قبل مايخرج فريد وراها وتركب عربيتها.*
(ساعات الخذلان وفقد الثقة بيجي من اقرب الناس ليگ بلاش تحط ثقة زيادة في الناس الي حواليك لانك انت الي هتتعب في الاخر)
*وتتطلع علي الطريق وبعد شوية تلاقي عربية ماشية وراها تعترض طريقهم وينزلوا اتنين من عربية*
سحر: انتو عايزين مني اي...
*يضربها الراجل رصاصة في قلبها*
مليكة بصراخ: مامااااااا
"يخدرها الراجل وياخدها في العربية ويسيب سحر ويمشي
يروحوا الرجالة الفيلا عند فريد"
الراجل: اتفضل بنتك اهي..!!
فريد: فين سحر..؟؟
الراجل: الله يرحمها..
(باگ)
فوق عند مليكة..!!
مليكة بعياط: انا عايزة امشي يا مي مش مستحملة اني اقعد معاه مش عايزة اقعد هنا دقيقة واحدة كمان ..
تروح مي تحضنها...!!
مي : اهدي طيب يا حبيبتي وتعالي يلااااا باتي معاياا انهاردة..
مليكة: بجد يا مي..
مي: بس يا هبلة بيتي هو بيتگ جهزي نفسك كدا وانا هستناكي تحت...
مليكة وهي بتحضنها: ربنا يخليكي ليا يا احلي اخت في الدنيا
مي: ويخليكي ليا يا حبيبتي
*تنزل مي تحت وتروح تقابل فريد*
مي: ممكن استأذن حضرتك في حاجة...
فريد: تعالي يا مي
مي: عمو معلش انا هاخد مي تبات معاياا انهاردة هي مش قادرة انها تقعد هنا سيبها عندي انهاردة ولما تهدي انا هجيبها لحضرتك
فريد: ماشي يا مي خليها معاكي انهاردة...
مي: تسلم يا عمو...
(تمشي مي وتسيبه وتلاقي مليكة نازلة)
مي: يلا قبل ماعمتك الحرباية دي تنزل وتقولك رايحة فين
مليكة: يلا يختي ونبي مش ناقصة..


10-23-2019 01:17 AM
#5  

افتراضيرد: قصة احكي حكايتك , روايه قصيرة احكى حكايتك

{الحلقة السادسة} (6)
"يخرجوا براااا يشوفهم فهد يروح عليهم"
فهد: رايحة فين يا مليكة هانم..
مليكة: رايحة اقعد شوية عند صاحبتي ممكن توصلنا
فهد: اه ممكن جدااا ..
"ياخد منها الشنطة وتركب هي ومي ورا"
فهد: معلش يا مليكة هانم هو انا لما اجي اخد حضرتك بكرا اجي اخد حضرتك من عند صاحبتك ولا من الفيلا هنا...
مليكة: لا يا فهد هكون عند مي هتيجي تاخدني من هناك!
فهد: تمام ماشي.!
"طول الطريق ساكتين ومن وقت لتاني فهد بيخطف نظرة لمليكة
يوصلوا عند البيت ينزل قعد الشنطة لمليكة.."
مليكة:شكرا يا فهد..
فهد: العفو يا فندم
(يمشي فهد يركب عربيته وتطلع مي ومليكة الشقة)
مي: ماما يا ست الكل انا جيييت
فاطمة وهي بتخرج من المطبخ: اي دا عاملة ازعاج لية اي دا مليكة عندنا منورة يا بنتي عاملة اي
تروح مليكة وتحضنها...
مليكة: الحمدلله يا بطوط انتي عاملة اي
فاطمة: الحمدلله يا حبيبتي بخير والحمدلله
مليكة:يارب دايما بخير
مي: ماما مليكة جاية تنورنا انهاردة...
فاطمة: تنور يا بنتي بس اي الي حصل
مليكة: اتشاكلت مع عمتو كالعادة واتخنقت مع بابا..
فاطمة: عمتك دي مش هتبطل هتفضل طول عمرها كدا..
مليكة: يلا الحمدلله...
فاطمة:قومي يا بنتي استريحي عقبال ماجهز العشااا..
مي: يلا يا مليكة هانم عشان تنوري اوضتي المتواضعة
مليكة: يلا يختي
(يقوموا البنتين يدخلوا ويغيروا هدومهم ويقعدوا يرغوا)
مي:بس فهد دا غريب اووي
مليكة:غريب ازاي يعني..
مي: غريب من نظراته وحركاته وكلامه ونظرته لما باباكي كان عمال يزعقلك كأنه كان عايز يحوش عنك بس خايف يتدخل..
مليكة: انتي بتقولي اي يا بنتي فهد كدا انا اصلا مش بحس من ناحيته بحاجة وطول عمره بيوصلني وخلاص..
مي: ماشي علي راحتك انا قولت وجهة نظري وخلاص...
مليكة: ماشي يختي يلا ننام ..
مي: قومي يا بت عشان نتعشي..
مليكة: لا يا مي والله مش قادرة ومليش نفس..
مي: خلاص ماشي علي راحتك..
(يناموا البنتين ويصحوا الصبح يفطروا وينزلوا علي الجامعةمليكة تلاقي فهد واقف مستنيها تركب معاه
ويتحرك ومفيش اي كلام بينهم يوصلوا قدام الجامعة)
فهد:هتخلصي الساعة يا أستاذة
مليكة: ساعتين كدا وتعالي خودني انا مش هحضر كل المحاضرات
فهد:ماشي
يدخلوا الجامعة ويقابلوا شادي في الجامعة..
شادي: يا صباح الحلويات
مي:اهدي يعم الروش علي الصبح
شادي:بس يا بت..ازيك يا ملوكة
مليكة: الحمدلله يا شادي انت عامل اي
شادي:بخير والحمدلله
مليكة: يارب دايما
مي: يلا عشان ندخل المحاضرة
الاتنين: يلااااا...
يخلصوا يومهم في محاضرتهم وقاعدين في الكافتيريا..
مليكة: انا همشي انا يا مي مش قادرة اكمل اليوم..
مي: هتروحي دلوقتي
مليكة:اه ابقي هاتيلي المحاضرات انهاردة هستناكي..
مي:خلاص ماشي
مليكة: باي...باي يا شادي
شادي ومي: باي...
(تخرج مليكة وتفضل واقفة مستنية فهد)
يتلموا شابين حواليها...
شب١: طب ينفع القمر دا يكون واقف لوحده كدا
شب٢: عبرينا طيب
مليكة:ابعد عني لو سمحت انت وهو
يقرب الشاب منها...
شب١: ولو مبعدناش هتعملي اي..
*يجي ولد من وراه*
الولد: مش هي الي هتعمل انا الي هعمل يا روحمك...ويضربه...
مليكة: فهدددد
اتمني أن الحلقة تكون عجبتكم انهاردة سيبوا رائيكم في كومنت

ويا تري اي الي هيحصل المرة الجاية ونبي تفاعلوا التفاعل وحش جدااااا ودي حاجة بتحبطني اني اكملها..!!


10-23-2019 01:20 AM
#6  

افتراضيرد: قصة احكي حكايتك , روايه قصيرة احكى حكايتك

{الحلقة السابعة} {7}
مليكة: فهد خلاص يا فهد سيبوا هيموت في ايدك...
(يتجمعوا الأمن والناس الي في الجامعة وتخرج مي هي وشادي معاها...!!)
مي: فيه اي يا مليكة حصل اي..
مليكة: فهد بيتخانق مع الشباب دول عشان عكسوني
(يفضوا الأمن الخناقة)
"تروح مليكة ناحية فهد"
مليكة: فهد انت كويس
فهد وهو بيمسح الدم من علي وشه: اه انا كويس!
(تقومه مليكة ويروحوا عند العربيةيركب فهد وتركب مليكة قدام جمبه ويتحركوا بالعربية)
مليكة: اركن عند اي صيدلية تقابلك!!
فهد: أستاذة مليكة انا كويس مفيش حاجة متقلقيش
مليكة: كل دا حصل بسببي من فضلك اركن عند الصيدلية الي جاية دي..!!
(يركن فهد وتنزل مليكة)
مليكة:ثواني وجاية..
*تتدخل مليكة الصيدلية تجيب حاجات وتخرج*
فهد: اي دا يا أستاذة مليكة انا قولت لحضرتك انا كويس
مليكة: لازم ننضف الجرح الي في وشك دا وكمان عشان عينك وارمة
*(تتطلع مليكة القطن ومطهر للجروح وتبدأ تنضف الجرح،
يحس فهد برعشة في جسمه مع كل لمسة من ايد مليكة، ومليكة قريبة منه جداااا وبتنضف الجرح وفهد باصص في عينيها)*
مليكة:بتبصلي كدا لية
فهد بتوهان: اصل عنيكي حلوة اوي..
"تتكسف مليكة وتبعد شوية
ينتبه فهد للي قاله"
فهد: انا اسف
مليكة: ولا يهمك مفيش حاجة ابقي حط دي علي عينك عشان الورم
فهد: تمم
*يتحرك فهد بالعربية ويوصل مليكة الفيلا ويفضل واقف
تتدخل مليكة الفيلا تلاقي جاسم قاعد تتطنشه مليكة وتمشي*
جاسم:طب ارمي السلام بتاع ربنا حتي يا بنت خالي..
مليكة بتنهيدة: مساء الخير يا جاسم
جاسم: مساء النور يا موكامش ناوية تحني ولا اي
مليكة: انسي يا جاسم الي في دماغك دا عمره ماهيتم ولو علي جثتي..
جاسم: هيتم قريب ان شاء الله وهتبقي معاياا كمان مش جثة لا حية وهذل فيكي لحد اما اطفي النار الي جوايا..
*مليكة خافت بس حاولت تداري خوفها دا..*
مليكة: هنشوف يا ابن عمتي وانا وانت والزمن طويل...
*تمشي مليكة وتسيبه مع أفكاره الشيطانية*
(ويفوق علي صوت تليفونه)
جاسم: الو..
محمد: الو اي يا جاسم انت فين فريد بيه قالب الدنيا عليك وتعالي عشان عايزنا احنا الاتنين..
جاسم:ماشي مسافة السكة..
(يقفل معاه ويخرج يتحرك)
*فهد واقف برااا وبيسترجع الي حصل انهاردة مع مليكة..وشوية ونزلت مليكة قعدت في الجنينة وماسكة كتاب بتقرأ فيه..*
(يلمحها فهد ويفضل باصص عليها تبص مليكة مرة واحدة تشوفوا وهو بيبصلها، تشاورلوا عشان يروحلها)
فهد: ايووة يا أستاذة مليكة...
مليكة: اي أستاذة دي قولي مليكة بس...
فهد: مينفعش يا فندم...
مليكة: يووه لما نكون لوحدنا قولي مليكة بس ولو فيه حد واقف ابقي قول الي انت عاوزه
فهد: حاضر..
مليكة: جرحك عامل اي دلوقتي
فهد: مبصيتش عليه تاني بس الوجع هدي وشكرا جدااا علي الي حضرتك عملتيه معاياا..
مليكة: انا معملتش حاجة المفروض انا الي اشكرك انت انقذتني من المتخلفين دول
*يفتكر فهد لما الواد حط أيده علي كتفها يتعصب ويبان علي ملامح وشه... تستغرب مليكة اي الي قلب وشه كدا..*
مليكة: فيه حاجة يا فهد..
فهد: ها لا مفيش حاجة عن اذنك
مليكة: اتفضل...
(يمشي فهد)
مليكة لنفسها: غريب اووي فهد دا..تفتكر كلام مي لما قالتلها أنه كان زعلان عشانها لما باباها ضربها..!!
مليكة:يلا مش مهم
(ترجع تكمل قراية)
"يوصل جاسم الشركة ويقابل محمد"
جاسم: ازيك
محمد: تمام الحمدلله يلا بينا لحسن فريد بيه عايزنا ضروري..
جاسم: يلا
(يمشوا يروحوا عند فريد وتستأذن ليهم السكرتيرة ويدخلوا)
محمد: فريد بيه بلغوني انك عايزنا خير ان شاء الله..
فريد:تعالوا اقعدوا
(يروحوا ويقعدوا قدامه)
فريد: جالي امبارح جواب من الباشا بيتفق فيه معانا علي عملية جديدة..
محمد: احنا في الخدمة يباشا أؤمر..
فريد: كل المعلومات هتلاقوها في الظرف دا ويحط الظرف قدامهم علي المكتب ادرسوا الوضع كويس ومش عايز اي غلط في الموضوع الشغل المرة دي تقيل شوية
جاسم: متقلقش يا فريد بيه مقضية أن شاء الله..
فريد: ماشي اتفضلوا يلا وصح انتو بقيت اليوم إجازة عشان تكونوا فايقين للشغل..
محمد: تمام يباشا..
(يخرجوا محمد وجاسم
عند ادهم في البيت قدامه معلومات عن فريد)
ادهم: ازاي طول الفترة دي ومش قادرين نمسكه ازاي مش عارفين نقفش عليه حاجة بس بيلعبها صح واكيد فيه حد وراه..مستحيل فريد هو الي يكون بيعمل كدا، لازم اتصرف في أقرب فرصة ويبدأ ادهم يدرس كل حاجة ويبدأ يخطط ازاي يوقع فريد وأتباعه)
*في البيت عند مليكة تتدخل الفيلا تلاقي عمتها قاعدة*
وفاء:جيتي آلفيلا بدري يعني..؟؟توقعت انك هتتقمصي يومين تلاتة كدا ومش هنشوف وشگ..!!




الكلمات الدلالية (Tags)
قصيرة, قصة, احكى, احكي, حكايتك, روايه

أدوات الموضوع
انواع عرض الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شاي التركي بالرمان 2020 , طريقة تحضير شاي التركي بالرمان , مشروب شاي الرمان كنتوسه هانم مشروبات وعصائر طبيعية ومثلجات 0 07-31-2019 07:38 PM
مكياج سموكي2019,مكياج سموكي اسود وذهبي,مكياج سموكي ناعم,مكياج سموكي بني,مكياج سموكي خفيف لوسيندا ميك اب ومكياج 1 06-29-2019 12:09 PM
اجمل انتريهات وموديلات كنب تركي شيك جدا,كنب تركي مودرن,احدث موديلات الكنب اللف,موضة الكنب الكلاسيكي ام رونزا صالونات وانتريهات 2019 0 04-29-2019 07:27 PM
مكونات خبز البازلاما التركي هش ولذيذ,خبز المقلاة التركي المنزلي الراائع لجميع الاستعمالات2019 جودى المعجنات والفطائر 2 01-31-2019 01:31 AM
اسماء فيس بوك بالتركي,اسماء بنات ورجال تركي للفيس بوك,أسماء بنات تركي , أسماء تركية , أسماء تركية كنتوسه هانم تعليم لغات - loghat 1 01-12-2019 05:46 AM


الساعة الآن 10:32 AM


Powered by vBulletin® Version 3.8.11 Beta 4
Copyright ©2000 - 2019, vBulletin Solutions Inc.
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2019 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل