- مطبخ كنتوسة
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
بنك المعرفة
معلومات عامة علمية, علوم, فلك,الفضاء, عالم الحيوان والنبات,كواكب ومجرات,معارف منذ قديم الزمن,ومواضيع حساسة ومهمة
نسخ رابط الموضوع
https://vb.kntosa.com/showthread.php?t=8179
#1
~{ مديرة منتدى كنتوسه }~
يعني ايه مصر؟
مش عارف بكتب الموضوع ده ليه ..
بس يمكن الحقيقة علشان فى ناس محتاجة تعرف مين هى مصر؟
- مصر يعنى أقدم دولة مركزية فى العالم
- يعنى أول بناء حجرى صنعه الإنسان ( هرم زوسر المدرج)
- يعنى أول طبيب أسنان فى التاريخ ( الطبيب والكاهن حسى رع اللى عاش فى عصر زوسر)
- يعنى أبو الطب والهندسة فى العالم كله
( إيمحوتب واللى برضو عاش فى عصر زوسر واللى لو التارخ منصف كان قسم الأطباء بقى اسمه قسم إيمحوتب مش قسم ابقراط).
- يعنى أول طبيبة فى التاريخ واللى مكنتش مجرد طبيبة ,لا كان لقبها كبيرة الأطباء فى القصر الملكى وإسمها ميريت بتاح.
- يعنى أول إمرأة فى التاريخ تتولى ارفع منصب تنفيذى فى حكومة وهى السيدة نبت اللى حملت لقب وزير وكانت حماة الملك تتى .
- مصر يعنى اكتر شخص بنى وسجل آثار فى العالم بإسمه وهو رمسيس الثانى.
- مصر يعنى ملك وقائد جيش تولى الحكم فى منتصف العشرينيات وبقى امبراطور يحكم مصر واجزاء من افريقيا
وحدوه وصلت لحد العراق ومخسرش ولا حرب فى حياته وكان عدد حملاته 17 وهو تحتمس الثالث.
- مصر يعنى أقدم تعاليم عن مكارم الأخلاق فى تاريخ البشر وهى تعاليم الأمير "جدف حور" إبن الملك خوفو. يعنى الحكيم بتاح حتب والحكيم كاجمنى اللى كتبوا اروع نصوص مكارم الأخلاق وتسبق التوراة نفسها وسفر الأمثال باكتر من ألف سنة ..
- مصر يعنى أقدم كتاب دينى مدون فى تاريخ البشر وهو ما يعرف بإسم متون الأهرام المدون فى هرم هرم أوناس.
- مصر يعنى أول عالم مصريات يبحث عن الآثار المصرية فى التاريخ وأول واحد يرممها وهو الأمير خع م واست ابن رمسيس الثانى.
- مصر يعنى أول حرب موثقة بالكامل فى التاريخ وهى معركة قادش بين مصر بقيادة رمسيس الثانى وبين الحيثيين , ويضا أول معاهدة سلام مكتوبة فى التاريخ بين رمسيس والحيثيين واللى شملت بنود معاملة الأسرى وحقوق اللاجئين.
- مصر يعنى أول اضراب عمالى فى التاريخ لما العمال اللى فى قرية دير المدينة وهى قرية الفنانين اللى بنوا وادى الملوك عملوا اضراب عن العمل ورفعوا لافتات مكتوب عليها نحن جوعى.
- مصر يعنى معبد الكرنك اللى فيه إعجاز معمارى يساوى الهرم الأكبر نفسه وهو صالة الأعمدة المسجلة فى موسوعة جينيس للأرقام القياسية ب 134 عامود ضخم , حتى معبد الكرنك نفسه أكبر مجمع دينى فى التاريخ واللى ستمر فيه التشييد لاكتر من الف سنة.
- مصر يعنى أقدم نقوش لأبجدية وهى أبجدية وادى الحول.
- مصر صاحبة أطول إمتداد للغة واحدة وديانة واحدة عمرت الأرض لأكتر من 5 الاف سنة.
- مصر يعنى اكتر من 14 رقم قياسى مسجل بإسم حضارتها القديمة فى موسوعة جينيس.
- مصر اللى دخلها الإسكندر الاكبر فى وقت ضعف وكان حلم حياته يحكمها وبالفعل حكمها ولكن بطراز والقاب مصرية خالصة , تكررت نفس الواقعة مع نابليون بونابرت اللى كان من أحلامه إنه يكون زى ملوك مصر القدامى.
- كل اللى فات ده اختصار مخل جدا ومتواضع جدا لصفحة واحدة فى تاريخ مصر وهو تاريخها القديم واللى ممكن أكتب فيه مليون ضعف المكتوب ده ..
المصدر : منتدى كنتوسه - من قسم بنك المعرفة
اظهار التوقيع
توقيع
ام رونزا
يُقَالْ أنْ مِنْ تَعود عَلىَ الصَمتْ ،
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !
باستطَاعتَهُ وَقتٍ { العِتَابْ} أنْ يُدمَر قَلبكَ بكلمَه .. !