المساعد الشخصي الرقمي

مشاهدة النسخة كاملة : [من مطبخي] تحضير المحشى بكل انواعه,طريقة عمل الممبار المحشي بالصور, طريقة عمل الفلفل بالصور خطوة بخطوة


سينا
10-01-2019, 11:49 PM
https://up.kntosa.com/uploads/kntosa.com_15_18_15396243767044.gif
السلام عليكم يا أهل ( منتدى كنتوسه )
تحياتى لكم جميعا أينما كنتم ...
فين حبايب المحشى طبعا المنتدى فيه خبيرات محشى
بس الموضوع بتاعى لبناتى العرايس الجداد ⁦⁩حقول كام معلومة ممكن تنفعهم
* الممبار :
*لما تجيبى الممبار اغسليه الأول من برة غسلة كويسة
*قطعى الممبار احبال متساوية بحيث الحبل يعمل أربع وحدات مثلا(ده حيسهل عليكى قلب الممبار )
*بمقص قصى الدهن اللى على الممبار (لو شدتيه بإيدك ممكن تقطعى الممبار )
*اقلبى الممبار تحت الحنفية أو باستعمال عصاية
*ادعكى الممبار بالملح الخشن والدقيق واشطفيه وارجعى كررى الموضوع ده كذا مرة
*انقعيه فى ماية وخل شوية وبعدين ارجعى تانى للملح الخشن والدقيق
*لما تتأكدى إنه نضف خالص وبقى زى الفل ارجعى اقلبيه على وشه تاانى
*اقطعى بقى كل حبل بعدد وحدات الممبار عل حسب الطول اللى تحبيه
*وبلاش تحشى الممبار وتخلى الدهون من جوة (بيعمل طبقة شمعية على الأرز ومش بيبقى حلو ) عن تجربة
*بعد ماتحشى صباع الممبار بططيه بايدك علشان تخرجى أى رز زيادة
(علشان طبعا الارز حيزيد حجمه وعلشان مايفتحش منك على النار )
*حطى فى ماية السلق ورق لورا وبصلة مقطعة وفصين توم وملح وفلفل وكمون ورشة نعناع .
*لما تغلى الماية انزلى بالممبار بالراحة علشان تدى فرصة لأطرافه تقفل ومايخرجش رز
*بلاش تغطى الحلة على الممبار علشان تراقبيه ...وعلشان متديش فرصة إنه يفتح فى الماية
*مدة تسوية الممبار عل النار بتتراوح مابين (٢٠ : ٤٠ )دقيقة على حسب سن الدبيحة اللى متاخد منها ...
طبعا لو ممبار ضانى ممكن يكون (١٥: ٢٠)دقيقة
*المدة دى كافية قوى لتسوية الممبار ...بعد كده خرجيه وحمريه فى زيت سخن على الناحيتين وألف هنا وشفا
بخلى الحشو مبطط علشان مايفتحش (ده من تجربة كنت مخلية الدهن من جوة ومعجبنيش )
https://up.kntosa.com/uploads/kntosa.com_01_19_156996614358241.jpg (https://up.kntosa.com/)
الممبار بعد التحمير والأرز من جوة ماشاء الله مش معجن
https://up.kntosa.com/uploads/kntosa.com_01_19_156996614387522.jpg (https://up.kntosa.com/)
https://up.kntosa.com/uploads/kntosa.com_01_19_15699661439013.jpg (https://up.kntosa.com/)

* محشى الفلفل:
*محشى جميل قوى وسهل جدا يتعمل فى ربع ساعة
*اختارى وحدات الفلفل اللى زى الكوباية علشان تاخد رز معاكى
*لما تحشيه سيبى مسافة من فوق من غير رز علشان طبعا الارز حيزيد فبلاش تلاقى الحلة مليانة رز
*رصى الفلفل فى حلة مناسبة بحيث يكون ساند بعضه (ومتزنق )علشان لما يستوى يفضل بشكله حلو ومايتهريش
*لما تخلصى الحشو انزلى فى كل فلفلة بمعلقة من الشوربة اللى حتسويه فيها ...
واحطى فى الحلة يادوب ارتفاع عقلتين من الشوربة
*حنحطه على النار العالية يادوب (٥)دقايق لما نلاقى الشوربة بتغلى نحط الشياطة ونخليه كمان (١٠)دقايق على نار عالية ...
علشان عايزين فى الحلة بخار كتيير هو اللى حيسوى الفلفل من فوق ...
بعد كده وطى النار (١٥) دقيقة وكفاية قوى على كده
*محشى الفلفل ممكن يكون فى نفس الحلة مع محشى البتنجان ...
لكن لا يفضل أبدا مع محشى الكرنب أو محشى ورق العنب...
كل واحد فيهم ليه ريحة مميزة وطعم تانى خالص
*بالنسبة لخلطة المحشى :٠
أنا باعمل خلطة مسبكة فى كل الأنواع ...مع كامل احترامى للى بيحبها نى فى نى ⁦
يارب أكون وفقت فى تقديم معلومة ..(وما توفيقى إلا بالله)
*عايزة أشوف تفاعل جمهور الصبح أقوى ولا جمهور بالليل

الفلفل بعد الحشو
https://up.kntosa.com/uploads/kntosa.com_01_19_156996631080282.jpg (https://up.kntosa.com/)
لازم يكون ساند بعضه وباسقى كل واحدة يادوب معلقة شوربة
https://up.kntosa.com/uploads/kntosa.com_01_19_156996631077971.jpg (https://up.kntosa.com/)

الفلفل بعد ماستوى ...يادوب الأرز على الوش
https://up.kntosa.com/uploads/kntosa.com_01_19_156996631081863.jpg (https://up.kntosa.com/)
ده ارتفاع الشوربة فى الحلة ...وماشاء الله مافيش رز فيها خاالص
https://up.kntosa.com/uploads/kntosa.com_01_19_15699663108354.jpg (https://up.kntosa.com/)
طالع سليم ماشاء الله ومتماسك
https://up.kntosa.com/uploads/kntosa.com_01_19_156996631085095.jpg (https://up.kntosa.com/)
ده سوى الأرز من جوة فى الفلفل
https://up.kntosa.com/uploads/kntosa.com_01_19_156996631086696.jpg (https://up.kntosa.com/)

https://up.kntosa.com/uploads/kntosa.com_15_18_153962437669533.gif