الفراخ الاستربس , تشيكين استربس بنفس قرمشة وطعم كنتاكي وتحدى,طريقة عمل دجاج استربس بالصور

[ام رونزا]

https://up.kntosa.com/uploads/kntosa.com_25_18_154577750261329.gif
السلام عليكم يا أهل (منتدى كنتوسه)
تحياتى لكم جميعا أينما كنتم
النهاردة ياكرام أكلتنا ( الفراخ الاستربس ) ....
احنا هنقطع علي كنتاكي ولا ايه
أكلة جميلة يحبها الكبار والصغار ... ساندويتشات بالكاتشاب والمايونيز مع ورق الكابوتشا ..بتبقى جميلة جدا
الطريقة :
*بنشترى الفراخ الفيليه صحيحة (بنطلبها كده من البائع) وبنبدأ نقطعها صوابع بالطول
التتبيلة:
على الكيلو( علبة زبادى بنضيف عليها تلات معالق كاتشب ومعلقة خل وملح وفلفل وربع معلقة توم مفروم
وربع معلقة فلفل احمر )ونتبل الفراخ كويس قوى ونسيبها ساعة فى التلاجة
الطبقة اللى حنغلف بها الصوابع:
*كوبيتين دقيق يضاف لهم نصف كوب نشا وكيس بيكنج بودر ومن كل البهارات اللى عندك نصف معلقة صغيرة
(بصل بودر .،،وتوم بودر ..وبابريكا ..وكوركم..وزعتر مطحون ..وملح وفلفل)
*حنحضر كوب ماء مثلج جدا
الطريقة:
*حناخد صوابع الفراخ صباع صباع من التتبيلة وأغطيه بخلطة الدقيق كويس قوى ..
وامسكه باطراف صوابعى اغمسه فى كوب الماء المثلج ومن الماء على الدقيق تانى اعمل طبقة تانية
*وهكذا الى أن تنتهى الكمية اسيبها ساعتين فى التلاجة واطلعها على زيت ساخن جدا
ملحوظة :
*لما بنسيب الفراخ فى التلاجة بنخلى الطبقة تمسك على الفراخ وفى نفس الوقت لما نحط الفراخ فى الزيت
مش بينزل الدقيق فى الزيت ويتحرق
*ممكن تحتفظى بالفراخ بهذه الطريقة فى الفريزر جاهزة على القلية
*الكيلو من الفراخ بيدي كمية حلوة قوى
اعملى بقى احلى ساندوتشات باضافة الكاتشاب والمايونيز حاجة كده وهم الصراحة والريحة واووووو..
والف هنا وشفا
(وما توفيقى إلا بالله)
https://up.kntosa.com/uploads/kntosa.com_13_19_157100779601881.jpg (https://up.kntosa.com/)
https://up.kntosa.com/uploads/kntosa.com_13_19_157100779609832.jpg (https://up.kntosa.com/)
https://up.kntosa.com/uploads/kntosa.com_13_19_157100779613433.jpg (https://up.kntosa.com/)
https://up.kntosa.com/uploads/kntosa.com_13_19_157100779617254.jpg (https://up.kntosa.com/)
https://up.kntosa.com/uploads/kntosa.com_25_18_1545777502622810.gif