قصة علشان ماليش غيرك

[ام رونزا]

https://up.kntosa.com/uploads/kntosa.com_03_19_155432492849441.gif
قصة : { ماليش غيرك }

https://up.kntosa.com/uploads/kntosa.com_16_19_15711849301491.jpg (https://up.kntosa.com/)

الحلقة الاولى { ١ }
( ف عمارة كبيرة ، جوة شقة ، ف اوضة ، يقوم شاب م النوم يطلع من اوضته يخبط ف بنت )
عمر : براحة يا خالتي في ايه ع الصبح
*( نوقف لحظة .. عمر شاب وسيم ورياضي ، شعره اسود ، عيونه بني ، بشرته بيضة ، طوله متوسط وجسمه متناسق ، عنده 22 سنة ، ف اخر سنة ف الكلية ، ابوه رجل اعمال وهو بيشتغل معاه ف الاجازات ، عنده اخت عندها 20 سنة ومخطوبة ل زميلها اسمها بسنت ، ابوه يبقى صاحب العمارة الي هما ساكنين فيها وعمارات تانية كتير .. نرجع تاني )*
سنت : وسع وسع
عمر : في ايه ؟!!!
بسنت ب فرحة : صاحبتى جاية انهاردة
عمر : جاية تزورك ؟
بسنت : لا يابنى دى هتسكن ف الشقة الي جنبينا .. هو انا مش قلتلك امبارح ؟
عمر : اااه دى الي جت كتبت العقد مع ابوكي .. بس دى كبيرة اوى !!
بسنت : لا طبعا دي مامتها هتيجى هى ومامتها واخوها
عمر : اخوها الي كان جايب شباب امبارح وبيطلعوا العفش الشقة صح ؟
بسنت : اه هو دة
عمر : اومال مجاش بباها ليه ؟
بسنت : بباها متوفي
عمر : اها .. طب ومجوش ليه ؟
بسنت : م لسة هييجوا انهاردة
عمر : ودة الي مخليكي صحيالها بدري كدة ؟!!
بسنت : لا عادي انا ورايا كلية
عمر : ودى ملهوفة عليها كدة ليه انتى لسة عرفاها من شهر تقريباً !!
بسنت : لما تعرفها وتتعود عليها زيي كدة هتعرف ملهوفة ليه
عمر : وانا مالي انا بيها
بسنت : عليا بردوا
عمر : طب اخلعي بقى بلاش لك ع الصبح
بسنت : اه صح مهو انا الي عمال اسأل ع تفاصيل
عمر : طب غوري
بسنت : مش غايرة
( تقف بسنت قدام عمر )
عمر : يابنتى وسعي ورايا كلية
بسنت : خليك تتنفخ
عمر وهو بيزقها : مهو لو اتنفخت هفرقع فيكي اوعي
بسنت : يا مامااااا
( يحدفها ع الكنبة ويدخل يلبس ويطلع م الشقة ، يقف قدام الاسنسير ، يقرب عليه شاب )
انس : استاذ عمر ازيك ؟
*( نوقف لحظة .. انس شغال دكتور ، عنده 32 سنة ، مطلق مراته ومأجر شقة ف العمارة من حوالي شهرين عايش فيها لوحده ، انس محدش مختلط بيه ف العمارة بسبب انوا عقله طاير حبتين .. نرجع تاني )*
عمر : ازيك يا دكتور
انس : هو عطل تانى ؟
عمر : اه .. عن اذنك
انس : اتفضل اتفضل
( ينزل عمر ع السلم وينزل وراه انس )
عمر : شوفلك حل ف الاسنسير دة والنبي
البواب : عطلان ؟!
عمر : ايوة
البواب : لامؤخذة يا باشا هنصلحوه
( يمشي عمر يطلع م العمارة )
انس : ازيك يا عم عادل ؟
البواب : اهلاً يا دكتور ازيك عامل ايه ؟
انس ب انفعال : ازيك .. ازيك انت هتصاحبنى ولا ايه
( يمشي انس متعصب )
البواب : لا حول ولا قوة الا بالله
( عمر لسة هيركب عربيته تقرب عليه بنت )
مريم : عمر استنى
*( مريم بنت جميلة ، عندها 20 سنة ، تبقا بنت خال عمر وجارته ساكنة ف الدور الي فوقيهم )*
عمر : ايه يا ميرو
مريم : ممكن توصلنى الجامعة ع سكتك ؟
عمر : اه اوك
مريم : معلش هتعبك معايا
عمر : انتى هبلة يا بنتى اركبي
مريم : اصل ماما خدت عربيتى
( تركب مريم مع عمر ويمشوا ، ف مكان تانى ، ف شقة فاضية فيها كراكيب ، جوة اوضة ، بنت واقفة بتلم حاجات ف صندوق ، تدخل عليها ست )
الام : لسة بتلمي ؟
نورا : اهاا
*( نوقف لحظة .. نورا بنت جميلة ، بشرتها بيضة ، رفيعة وقصيرة حبتين ، شعرها اسود وعيونها عسلي ، عندها 20 سنة ، كانت مخطوبة وسابت خطيبها كانت شغلته ظابط ، ليها اخ اكبر منها 23 سنة اسموا مازن ، مازن شاب محترم جدا لكن صحابه اخدوه ف سكة البرشام والمخدرات اتعالج 9 شهور ف مصحة خاصة وبقا كويس دلوقتى ، الفترة الي نورا اتخطبت فيها هى الفترة الي مازن كان بيتعالج فيها هو حتى ميعرفش شكل خطيبها ايه بس يعرف انها سابته بسبب مشاكل بينهم ، هما سايبين بيتهم دة بسبب سمعة اخوها وسمعتها الي خطيبها طلعها عليها ب كلام مش كويس لما سابها .. نرجع تاني )*
الام : مخلتيش مازن ياخده ليه ؟
نورا : لا دة فيه حاجات ممكن تنكسر هوديه انا
الام : في ايه ؟!
نورا : شوية لعب كان جايبهالي بابا وانا صغيرة
الام : لسة محتفظة بيهم !!!!
نورا : اه
الام : اوك
( نورا وهى بتلم حاجاتها ف الصندوق بالصدفة تلاقي صورة ليها هي وخطيبها الي سابته ، تمسك الصورة تبصلها وعنيها تدمع )
الام : احنا مش قلنا الي فات مش هنحطه ف دماغنا بقا
نورا : ايوة اه
( تحط نورا الصورا ع اللعب الي جنب الصندوق )
الام : يلا روحي اغسلي وشك وتعالي البسي عشان الوقت ميتأخرش اكتر من كدة واحنا هنكمل لم باقي الحاجة ونحصلك ع الشقة
نورا : هكمل بس رص الحاجة دي
الام : انا هكملهم روحي يلا
نورا : اوك
( تطلع نورا م الاوضة تقابل مازن ف وشها )
مازن : خلصتوا ولا لسة ؟
نورا : اه خلاص في بس شوية حاجات ماما بتلمهالي
مازن : طب انجزوا انا اتصلت ب الشباب جايين ياخدوا باقي الحاجة
نورا : ماشي
( تروح نورا التواليت ويدخل مازن اوضتها )
مازن : يلا يا ماما انجزى
الام : برص الحاجة ل اختك عشان متتكسرش
( ياخد مازن كل اللعب يكومهم ويحدفهم ف الصندوق من ضمنهم الصورة من غير م ياخد باله )
الام : ي بنى هتكسرلها الحاجة براحة
مازن : متكسروش ولا حاجة تعالي كملي معايا عشان منتأخرش يلا
الام : حاضر
( تطلع نورا م التواليت وتدخل تلبس وتاخد الصندوق وتنزل م البيت ، تقابل علي وهى نازلة ع السلم ، يقف قدامها )
نورا : عدينى لو سمحت
علي : خلاص ماشية ؟
نورا : ايوة غايرة
علي : وهتنقلوا فين ؟
نورا : ف داهية ملكش دعوة
علي : ع فكرة مهما رحتى انا وراكي بردوا
نورا : انت مش مكفيك الي انت عملته فيا .. عاوز ايه مني تانى
علي : انا عملت كدة عشان فكرتك هتسيبينى
نورا : تقوم تبوظ سمعتى عشان هسيبك .. م اسيبك !!!!
علي : لا عشان محدش يبص ف خلقتك الجميلة دي غيري
( يقرب عليها )
نورا : هتعدينى ي علي ولا الم عليك العمارة كلها
علي : لا لمي علينا العمارة اصل انتى ناقصة فضايح
نورا : حسبي الله ونعم الوكيل فيك
( تزقه وتنزل تركب تاكسي وتمشي ، يعدي الوقت ، توصل نورا قدام العمارة ،

تنزل وتقف قدام الاسنسير مستنياه ينزل ، يقرب عليها انس ويقف جنبها )
انس : هاى اهلا
نورا : اهلا
( ينزل الاسنسير ، تركب نورا وانس)
انس : طالعة الكام ؟
نورا : السابع
انس : اه انا قبليكي الرابع
( يتكة انس ع زرار الرابع )
انس : انتى الساكنة الجديدة ؟
نورا : ايوة
انس : انا انس دكتور انس
نورا : اوك
انس : وانتى .. اسمك ايه .. اكيد جميلة او قمر او حسناء ها ايه ؟
نورا ف سرها : ايه الهبل دة !!!
( يقف الاسنسير )
انس : ولا اسمك ايه ها ؟؟
نورا ب نفاذ صبر : نورا نورا اسمي
انس : اه اسمك جميل يا نورا
نورا : مش هتخرج ؟!
انس : اه اه تحبي اطلعك الاول ؟
نورا : لا شكرا انا بعرف اطلع لوحدي
انس : اوك اوك .. سعيد انى شوفتك
نورا : انا اسعد
انس : مع السلامة
نورا : مع السلامة
انس : لو عوزتى حاجة انا هنا ف الرابع
نورا ب صوت واطي : يا مصبرنى .. شكرا يا دكتور انس
انس : العفو باي
نورا : باي
( واخيرا يطلع انس م الاسنسير )
نورا : يا ساتر عليك
( يوصل عمر م الشغل يلاقي الاسنسير فوق لسة نورا بتطلع ، يطلع ع السلم ، يقف الاسنسير وتطلع نورا منه وتقف محتارة مابين شقتهم وشقة عمر انهون فيهم الشقة )
نورا : شكلها دى
( تحط الصندوق ف الارض وتقف قدام شقة عمر تطلع المفتاح وتحاول تفتح ، يطلع عمر يشوفها من دهرها ، نورا لابسة جينز وجاكيت منفوش وحاطة ايس كاب ع دماغها مش باين شعرها ، عمر يفكرها حرامي ، يقرب ب كل هدوء ويرزع دماغها ف الباب ، تقع نورا ف الارض ع وشها يغمى عليها م الضربة )
عمر : ليلة اهلك سودة
الحلقة الثانية { ٢ } ⁦⁩
( تفتح بسنت الباب ع صوت عمر وصوت الخبطة )
بسنت : ايه دة في ايه ي عمر ؟!!
عمر : قفشت حرامي
( بسنت تشوف ايد نورا )
بسنت ب استغراب : دى بنت !!!
عمر : وكمان حرامية !!!
( تقرب بسنت ع نورا وتبين وشها )
بسنت ب خضة : ي نهار اسود دي نورا
عمر : نورا مين ؟؟
بسنت : يلهوى صاحبتى يا عمر .. نورا فوقي
عمر : احيه
بسنت : شيلها ندخلها جوة بسرعة
( يشيلها عمر ويدخلها بيتهم يحطها ع الكنبة )
عمر : هاتى برفان نفوقها
بسنت : اوك
( تجري بسنت ع جوة تجيب البرفان وتديه ل عمر )
بسنت : انت عملتلها ايه ؟
عمر : خبطت دماغها ف الباب
بسنت : يلهوى عليك
عمر : فكرتها حرامي الله
( يحط عمر البرفان ع ايده ويقربه ع وش نورا ، تبدء تفوق )
بسنت : انتى كويسة ؟؟
نورا : بسنت .. هو ايه الي حصل
بسنت وهي بتهمس ل عمر : انت جبتلها زهايمر ولا ايه ؟؟
عمر : حاسة ب أيه ؟
( تبتدي نورا تتنبه ل وجود عمر )
نورا : كويسة
( يفضلوا باصين ل بعض )
بسنت : احم .. هعملك حاجة تشربيها
نورا : لا لا انا قايمة .. افتكرت في حيوان ضرب دماغي ف الباب ومعرفش ليه !!!
عمر : احم
بسنت : ههههههه
نورا : بتضحكي ع ايه ؟
بسنت : مهو عمر الحيوان ااقصد الي خبطك
نورا : لا بجد طب ليه انا عملتلك حاجة
عمر : لا والله انا مكانش قصدي فكرتك حرامي انا اسف بجد
نورا : اااه لا انا الي اسفة اتلغبط بين الشقتين
بسنت : حصل خير اهو اتعرفتوا ع بعض
عمر : ومعرفتنا علمت
نورا : واضح ع دماغي ايدك تقيلة
عمر : معلش حقك عليا
نورا : حصل خير
( يرن فون عمر ، ياخده ويروح ع جنب ، تقوم نورا )
بسنت : رايحة فين ؟
نورا : كان معايا صندوق هدخله جوة وارتب شوية ف البيت ماما ومازن زمانهم جايين
بسنت : ماشي وانا هحضر الاكل ل عمر عشان ماما مش هنا يعنى 10 دقايق وهاجى اساعدك اشطا
نورا : اشطا
( تطلع نورا م الشقة ووراها بسنت )
بسنت : احتمال عمر الي ييجى مش انا
نورا : اتلمي يا جزمة
بسنت : هههههه
( تفتح نورا الشقة وتدخل ، تدخل بسنت شقتهم )
عمر : هى راحت فين ؟
بسنت : دخلت شقتهم
عمر : طب هتحضريلي اكل ولا اطلع اكل عند خالي ؟
بسنت : هو ياريت لو تطلع تاكل عند خالك وتسيبنى ادخل اساعد نورا
عمر : اه ابتدينا نورا من اولها
بسنت : بليز بليز يا عمورتى
عمر : روحى بس متتأخريش
بسنت : اووووك
( تجري بسنت تخبط ع باب شقة نورا )
نورا : مين ؟
بسنت : انا يختى
( تفتح نورا )
نورا : لحقتى تحضري الاكل ؟!!
بسنت : لا سربت عمر عند خالي
نورا : اهااا
( يطلع عمر عند خاله يخبط تفتحله مريم )
مريم : اهلاً اهلاً
عمر : اهلاً يختى .. امك هنا ؟
مريم : اومال هناك ادخل
( يدخل عمر يقعد وتقعد جنبه مريم )
عمر : يا مرات خالي
وفاء : نعم يا حبيبي ؟
عمر : عاوز اكل
وفاء : بس كدة من عنيا
مريم ب ضحك: بسنت سربتك ولا ايه
عمر : سربتنى .. بتكلمي كلب
مريم : ههههه مش قصدي
عمر : طب اخرسي
مريم : حاضر
عمر : وقومى من جنبي روحى ذاكري
مريم : خلصت مذاكرة
عمر : هو خالي لسة مجاش ؟
مريم : لا لسة
عمر : طيب
مريم : بسنت مطلعتش ليه ؟
عمر : دخلت عند صاحبتها
مريم : صاحبتها مين ؟
عمر : الي سكنت ف الشقة الي جنبنا
مريم : هى صاحبتها ؟
عمر : اه
( نورا وبسنت بيرتبوا البيت )
بسنت : صحيح انتى ارتبطي قبل كدة يا نورا ؟
نورا : انا لا لا
بسنت : خالص ؟!!!!
نورا : خالص مرتبطش قبل كدة خالص
بسنت : ولا حبيتى ؟
نورا : ولا حبيت
بسنت : غريبة دى !!!
نورا : هكدب يعنى
بسنت : لا مش قصدي بس اتوقعت تكونى حبيتى حد او ارتبطي بيه وكدة طبيعي يعنى
نورا : لا مافيش حاجة من دى
بسنت : اها
نورا : هدخل اغير هدومي الاول
بسنت : اوك
( يخبط الباب )
نورا : دى اكيد ماما افتحلها والنبي عبال م اغير
بسنت : حاضر
( تفتح بسنت ل مامت نورا ومازن ويدخلوا باقي الحاجة )
الام : ازيك يا حبيبتى
بسنت : ازيك يا طنط
الام : الحمدلله
( عمر قاعد ع السفرة بياكل ومريم قاعدة جنبه بصاله )
عمر : بتبصيلي كدة ليه ؟
مريم : كلت الاكل كله
عمر : انتى قاعدة تعدى عليا
مريم : ههههه لا
عمر : يا مرات خالي تعالي شيلي بتك من هنا بدل م ارتكب جريمة
وفاء : م تسيبيه ياكل يا رخمة
مريم : والله م عملتله حاجة
( يقوم عمر )
مريم : رايح فين ؟
وفاء : سديتى نفسه طبعاً
مريم : نفس مين دة ناقص ياكلنى
عمر : انا مش هتكلم عشان مرات خالي بس
وفاء : هروح اعملك شاي
( تدخل وفاء المطبخ ، عمر يمسك مريم من دراعها )
مريم : ااااه
عمر : اتلمي هااا
مريم : ههههههه
( تدخل نورا وبسنت اوضتها ، تمسك بسنت الصندوق بتاع نورا )
بسنت : هتفضي الصندوق دة فين ؟
نورا : لا دة خليه ع جنب دلوقتى
بسنت : اوك
( بسنت تحط الصندوق ع جنب ويكملوا باقي ترتيب الحاجة ف الاوضة ، بعد شوية ، يدخل مازن )
مازن : هجيب حاجات من تحت عاوزين حاجة ؟
نورا وبسنت : سلامتك
( ينزل مازن ، يقوم عمر )
وفاء : رايح فين ؟
عمر : هنزل بقا كفاية كدة
مريم : عادى انت وراك حاجة ؟
عمر : اه ورايا مزاكرة وطلاما بسنت مرنتش عليا يبقى لسة عند صاحبتها كفاية عليها كدة .. تصبحوا ع خير
مريم ووفاء : وانت من اهله
( ينزل عمر يدخل شقتهم )
عمر : بسنت .. بسنت ؟
( يفتح عمر باب شقتهم ويخبط ع شقة نورا تفتحله ام نورا )
ام نورا : ايوة ؟
عمر : احم انا اخو بسنت
ام نورا : اه اهلاً وسهلاً اتفضل ي حبيبي
عمر : متشكر يا طنط بعد اذنك تندهيها بس
ام نورا : طب ادخل ي بنى هتقف ع الباب ادخل دة هما مندمجين جوة
عمر : اه
( يتحرج عمر ويدخل يقعد ع كنبة )
ام نورا : هعملك حاجة تشربها
عمر : لا مافيش داعي
ام نورا : مينفعش انت اول مرة تدخل بيتنا
عمر : والله م في داعي يا طنط
ام نورا : لا ميصحش دقيقة وجاية دة مازن هيفرح اوى لما يعرف ان في حد من سنه هنا
( تدخل ام نورا المطبخ ، عمر قاعد متوتر ، تطلع نورا م الاوضة وتمشي ف المكان الي عمر قاعد فيه من غير
م تاخد بالها انه قاعد وهى لابسة فستان قصير ومفتح وهى رفعاه اكتر عشان بتنضف )
نورا : ماما فين المسامير عاوزة اعلق ال ..........
( يشوفها عمر يتوتر ويقوم يقف )
نورا : عمر خضتنى عامل ايه ؟
( عمر حاطط وشه ف الارض )
عمر : كويس
( تفتكر نورا منظرها تتحرج وتنزل هدومها بسرعة )
نورا : احم .. ااامممم عن اذنك
عمر : اه
( تجري نورا ع اوضتها تخبط ف بسنت طالعة وعمر يطلع م الشقة )
بسنت : ايه مالك ؟!!
عمر : بساااااااانت
بسنت : جاية يا عمر .. انا هدخل باي
نورا : باي
متنسوش اللايك ورأيكم ف اول حلقة ، نتفاعل ي جماعة عشان نكمل

[ام رونزا]

الحلقة الثالثة { ٣ }
( يدخل عمر بيتهم وتدخل وراه بسنت )
بسنت : نزلت بدري يعنى !!
عمر ب عصبية : بدري ايه انا بقالي اكتر من ساعة ونص فوق
بسنت : طب مالك متعصب ليه !!!
عمر : مش متعصب .. انا داخل اذاكر
( يدخل عمر اوضته )
بسنت : ماله دة
( عمر قاعد بيفتكر منظر نورا وهى كمان بتفتكر الموقف وهما الاتنين محروجين من بعض وبيضحكوا ف نفس الوقت ، تدخل بسنت مرة واحدة ع عمر )
عمر : يخربيتك خضتينى !!
( تنط بسنت ع السرير جنب عمر )
بسنت : بتعمل ايه ؟
عمر : بذاكر
( تاخد الفون من ايده )
بسنت : بتذاكر ع النت
عمر : وانتى مالك انتى ؟
بسنت : هو انت دخلت عند نورا ؟
عمر : اه
بسنت : لا بجد يعنى هى فتحتلك ب منظرها كدة
عمر : امها الي فتحتلي هى طلعت وانا منشكح برة
عمر : متفكرنيش بقا
بسنت : ههههههه ماشي
( تفضل نورا ومامتها بيرتبوا ف الشقة طول الليل لحد الفجر بعدها يناموا من كتر التعب ، يطلع الصبح ، عمر يقوم من النوم وينزل يركب عربيته ويروح الجامعة ومريم تنزل ع ميعاده وتروح معاه ، بعد ساعة ، تخبط بسنت ع نورا تفتحلها )
بسنت : انتى لسة ملبستيش ورانا جامعة
نورا : لا مش هقدر اروح انهاردة خالص
نورا : لا بجد ؟!!!
بسنت : والله
نورا : ايووه ع كدة .. استنينى البس بقا
بسنت : ماشي انجزي بس
( تدخل نورا تلبس وتنزل مع بسنت ويروحوا الجامعة يحضروا الامتحان يخلصوه وينزلوا ، تقف بسنت مع خطيبها )
تامر : وحشتينى ع فكرة
بسنت : وانت كمان
( تقرب عليهم نورا )
نورا ب تعب : انتوا لسة هتقفوا انا عايزة اروح
تامر : ايه الخلقة دى ع الصبح !!
نوا : خليك ف الخلقة الي قدامك وسيبنى ف حالي
تامر : هو في احلى من الخلقة الي قدامي
بسنت : تسلملي احبي
نورا : وبعدين
بسنت : ايه ؟
نورا : تاكي اوة مش هتروحي ؟؟
بسنت : حبة بس
نورا : طب خفي بقا انا هموت وانام
بسنت : اركني ف الكفتريا شوية
نورا : ماشي
( تروح نورا تقعد في الكفتريا )
نورا : قهوة يا عز والنبي
عز : من عنيا
( بسنت واقفة مع تامر ، يقرب عليهم عمر مكشر )
عمر : بتعملوا ايه ؟؟
( تتخض بسنت وتامر ويبلموا )
بسنت : عمر
عمر : هههههه مالكم محسسنى انكم ماشيين مع بعض وقفشتكم
تامر : يا عم وقعت قلبي
بسنت : تصدق انت رخم
عمر : مصدق
بسنت : ايه الي جابك هنا مش وراك جامعة ؟
عمر : خلصت محضراتى قلت اجى انكد عليكوا .. فين نورا ؟
بسنت : قول كدة .. جاي عشان نورا
تامر : جيران بقا
عمر : بس ياض منك ليها
بسنت : ف الكفتريا جوة
عمر : اشطاا
( يدخل عمر يدور ع نورا ف الكفاتريا مش شايفها )
عمر : ملك
ملك : عمر ازيك ؟
عمر : تمام .. بقولك مشوفتيش نورا ؟
ملك : نورا مين ؟
عمر : نورا صاحبة بسنت ركزى وحيات ابوكي
ملك : اااه نورا .. الي هناك دى
عمر : اوك
( يشوفها قاعدة وحاطة دماغها ع الترابيزة ونايمة ع خدها ،
يقعد ع الكرسي الي قصادها ب هدوء ويهبد ب ايده ع الترابيزة مرة واحدة )
عمر : نايمة ف المحاضرة يا هانم
( تقوم نورا مفزوعة )
نوا : لا وال .. عمر
عمر : ههههههه
نورا : خضتنى حرام عليك
عمر : ايه الي منيمك هنا ؟
( ترجع نورا تحط راسها ع الترابيزة )
نورا : مش قادرة امسك نفسي .. هموت وانام
عمر : اممم
نورا : ايه جابك هنا ؟!!
عمر : جيت اشوف ااااشوف بسنت خلصت ولا لأ
نورا : ااه
( ييجي هوا ع شعر نورا يجيبوا ع وشها ، يحط عمر ايده ع شعرها ويلموا ورا ودنها ، تتحرج نورا )
عمر : شكلك عسل وانتى عايزة تنامي ⁦⁩
نوا ب كسوف : هههه لا والله
عمر : اه والله
نورا : احم شوفت بسنت وانت داخل ؟
عمر : اها شوفتها .. يلا
نورا : اوك
( تقوم نورا مع عمر يقربوا ع بسنت ، عمر يحط ايده ع كتف تامر )
عمر : ايه رأيكم اعزمكوا ع الغدا ؟
تامر : معنديش اي مانع
عمر : هتقولي طبعاً
بسنت : بس نورا مش هتقدر عاوزة تنا .........
نورا : ممكن أأجل النوم شوية
بسنت : لا والله
عمر : اشطا يلا بينا
( تقرب نورا عشان تركب مع بسنت ، يمسكها عمر من ايدها )
عمر : هتركبي معايا
( تتحرج نورا )
نورا : اوك
عمر : خليكوا ورايا ماشي
تامر : ماشي
( تركب نورا مع عمر وتركب بسنت مع تامر ، يفضل عمر يلف ب العربية ويتكلم ويهزر مع نورا وتامر وبسنت وراه )
تامر : وبعدين يعنى لففنا البلد
بسنت : مش نورا معاه ابتدينا
( يرن فون عمر )
عمر : ايه ؟
بسنت : بقالك اكتر من ساعة ملففنا وراك ايه انت ؟؟
عمر : اه دة انا نسيتكم
بسنت : احيه ع كدة انجز يا عمر
عمر : حاضر خلاص
( يوصلوا مطعم يقعدوا يتغدوا وبعدين يمشي تامر وتمشي نورا وبسنت مع عمر يروحوا البيت )
نورا : تصبحوا ع خير
بسنت : خير ايه الساعة 8 لسة !!
نورا : بالنسبالي الفجر باي
بسنت وعمر : باي
( تدخل نورا بيتهم تنام ويدخل عمر وبسنت بيتهم )
بسنت : ايه الاخبار ؟
عمر : اخبار ايه ؟
بسنت : هيكون اخبار ايه يعنى
عمر : تعرفي يا بسبوستى لو شيلتى مناخيرك من كل حاجة هتعدى ع خير
بسنت : قصدك انى حشرية ؟؟
عمر : انا قلت حشرية ؟
( يدخل عمر اوضته )
بسنت : ماشي يا عمر بكرة تحتاجلي
عمر م الاوضة : بكراااا
( تدق الساعة 11 بالليل ، تقوم نورا م النوم وتقعد ترتب حاجات ف اوضتها وترتب الكتب وبتدندن ف الاغانى ، عمر واقف في البلكونة ماسك ماج شاي وواقف ساند ع السور وبيشربوا ، البلكونتين جنب بعض وقريبين جدا ، يسمع صوت نورا وهى بتغنى ، يقرب اكتر )
نورا : قابلنييييي والأشوااااق ف عنيييييه سلم .. سلم .. سلم وخد ايدي ف اديه خد ايدي ف اديه .. وهمسلي قالي الحق علييييه .. نسيت ساعتها بعدناااا ليه .. فيييين دموع عيني اللي ما نامت ليالي .. ب ابتسامه من عيونوووا نسهالي
( تطلع نورا البلكونة وهى بتدندن تلاقي عمر واقف بيسقفلها )
نورا : كنت سامعنى ولا ايه
عمر : اهاا
نورا : يارب ميكنش صوتى ازعجك
عمر : لا بالعكس .. صوتك جميل
نورا : ميرسي
عمر : نمتى كويس ؟
نورا : اها كويس اوى
عمر : كنت سامع شخيرك من جوة
نورا : لا بجد !!!!!
عمر : ههههه بهزر
نورا : مبشخرش اصلا
عمر : والله ؟
نورا : والله .. هى اوضتك الي هنا ؟
عمر : اه
( نورا واقفة ماسكة كرسي )
عمر : هتعملي ايه بالكرسي ؟
استنو باقى القصة

[ام رونزا]

الحلقة الرابعة { ٤ }
نورا : اه هركب اللمبة ماما خايفة تركبها ومازن مش هنا
عمر : انتى اتجننتي هتقفي ع كرسي ف البلكونة واحنا ف السابع ؟!!
نورا : مش هقع .. عادى
عمر : استنى مازن لما ييجي احسن
نورا وهي بتمثل وش الكيوت : خايف عليا
عمر : ايوة افردي حصلك حاجة اترمل انا
نورا : هههههه ودي تيجي
( يطلع مازن )
مازن : نورا
نورا : ايوة
مازن : ازيك يا عمر ؟
عمر : تمام اخبارك ايه ؟
مازن : الحمد لله .. بتعملي ايه ؟
نورا : كنت هركب اللمبة خد بقا ركبها انت
( تديله اللمبة والكرسي وتدخل جوة ، يقف مازن يركب اللمبة ويتكلم مع عمر ، تعدي الايام ، مازن وعمر يبقوا صحاب ودايماً رايحين جايين مع بعض ونورا وعمر يقربوا ل بعض اكتر ويبقوا صحاب ، ف بيت عمر ، بسنت بتلبس ومعاها ف الاوضة نورا مافيش ف البيت غيرهم )
نورا : انجزى يا بسنت بقالك ساعة بتتمكيجي ولسة ملبستيش
بسنت : خلاص قربت .. م تيجي معانا ؟
نورا : لا اجى معاكوا بصفتى ايه انتوا ولاد خالة العروسة انا مالي
بسنت : ومين هيدقق انتى مين وبعدين عمر هيفرح لو جيتى .. م الاخر هو الي مسلطني اقولك
نورا : احم اااا ........
بسنت : هاااا انجزى ؟؟
نورا : لا مش هينفع لو كنت اعرف العروسة كنت رحت هتحرج كدة وبعدين مازن مش هيوافق اصلاً
بسنت : هخلي عمر يقوله
نورا : لا بلاش
بسنت : يا فقر انتى
نورا : خلصي بقا اتأخرتوا
بسنت : اوك هلبس
نورا : طيب
بسنت : رايحة فين ؟؟
نورا : هستناكي برة تكونى لبستى
بسنت : اوعي تمشي يا نورا هحتاس ب شعري دة
نورا : هروح فين يعنى لما تخلصي اندهي عليا
بسنت : اوك
( تقعد نورا ع الكنبة برة ، يرن جرس الباب ، تقوم نورا تفتح ، تدخل ام عمر ووراها عمر )
ام عمر : ازيك يا نورا ؟
نورا : الحمدلله يا طنط
ام عمر : بسنت لسة بتلبس ؟
نورا : اه لسة
( تجري ام عمر ع اوضتها )
ام عمر : انجز يا عمر انت كمان الساعة بقت 8
عمر : حاضر .. ازيك ؟
نورا : تمام
ام عمر : يلا يا عمر
عمر : دااااخل .. صحيح انتى جاية معانا ؟
نورا : لا مازن مش هيرضى
عمر : ااه .. اوك
( يدخل عمر اوضته متضايق ، يفتح دولابه يطلع بدلة سودا ويطلع قميص ابيض يمسكه ويطلع بيه يروح اوضة مامته )
عمر : عاوز يتكوي
الام : انسى يا عمر .. انت شايفنى فاضية ؟
عمر : وانا مالي انا
الام : اديه للبواب يوديه للمكوجى
عمر : وانا هستنى لما يوديه احنا متأخرين
الام : اولاً مش مكرمش للدرجة ثانياً لو مش عاجبك البس غيره
عمر : هى طلبت دة
الام : انت عاوزة تعمل مشكلة يا عمر ؟
عمر ب انفعال : م انتى لو مهتمية ب حاجتى كنت لقيته مكوي
( تقرب نورا )
نورا : ادهوني وانا هكويه
عمر : لا
( يروح عمر اوضته )
الام : شايفة القرف الي انا فيه يعني دة وقته بالزمة
نورا : معلش يا طنط كملي لبسك انتى
( تروح نورا تخبط ع اوضة عمر )
عمر : ادخل
نورا : ادهونى اكويه
عمر : لا يا نورا .. شكرا
نورا : انت معتبرنى غريبة ؟
عمر : لا طبعاً
نورا : خلاص ادهونى اكويهولك
عمر : مش عاوز اتعبك
نورا : مافيش تعب ولا حاجة
( تاخد نورا القميص )
نورا : البس انت وخليه اخر حاجة اكون كويتهولك
عمر : اوك
( تاخد نورا القميص وتحط ترابيزة المكواه وتكويه .. يرن جرس الباب )
ام عمر : افتحي يا نورا معلش
نورا : حاضر يا طنط
( تفتح نورا ، تدخل مريم لابسة فستان قصير ومفتح وشكله مسخرة )
مريم : هما خلصوا ولا لسة ؟
نورا ب صدمة : لسة
مريم : كدة هنتأخر .. بتعملي ايه ؟؟
نورا : بكوي القميص ل عمر
( تضايق مريم )
مريم : وليه ان شاء الله
نورا : عادي يعنى
( تدخل عند بسنت )
بسنت : مريم خضتينى .. مالك ؟؟
مريم ب عصبية : الست نورا ب سلامتها مين عشان عمر يديها قميصه تكويه
بسنت : ههههههه ي لعبك ي عمر
مريم : انتى بتستفزينى اكتر
بسنت : احم لاااا ابداً هدى حالك عادى يعنى هى جارتنا وعمر معتبرها صحبته
مريم : نعم !!!
بسنت : اخته اقصد اخته
مريم : اوووف
( تخلص نورا كوي القميص وتخبط ع اوضة عمر ، يفتحلها لابس البنطلون ومستنى القميص )
عمر : تعالي
( تدخل نورا ورا عمر ، يقعد عمر ع طرف السرير يلبس الجزمة )
نورا : اتكوى
عمر : ميرسي يا نورا
نورا : العفو
عمر : دقيقة وهاخده منك
نورا : ع مهلك
( يكمل عمر لبس الجزمة ونورا وقفاله ب القميص ، مريم قاعدة مع بسنت )
بسنت : نصيحة ليكي ي مريم
مريم : ايه ؟؟
بسنت : غيري الفستان دة .. عمر لو شافك لبساه هيبهدلك
مريم : لا والله
بسنت : والله وبراحتك
مريم : لا وع ايه مش ناقصة تهزيق هطلع اغيره بسرعة
( يقوم عمر ، تلبسه نورا القميص ، تعدى مريم ع اوضة عمر وتشوفهم تقف هتفرقع ،

نورا تزرر القميص ل عمر وهو باصصلها وفرحان )
عمر : البس انهوا جرافت ؟
نورا : حلوة السودا دي
( تمسك نورا الجرافت وتلبسها ل عمر ومريم واقفة ع اخرها ، تطلع تغير فستانها ، نورا تلبس عمر الجاكيت ، تنده بسنت ع نورا )
نورا : جاية يا بسنت
عمر : استنى
نورا : نعم ؟
عمر : كنت عاوزك تييجي معانا
نورا : مهو انا معرفش حد هناك وكمان معتقدش مازن هيوافق
عمر : سيبي مازن عليا اوك
نورا : ماشي اوك .. هروح اشوف بسنت
عمر : اوك
( تروح نورا عند بسنت تظبطلها شعرها ، يخبط عمر ع شقة نورا يفتحله مازن )
مازن : ايه الشياكة دي تعالى يا معلم
عمر : لا بس كنت عاوز نورا تييجي معانا الفرح
مازن : نورا !!!!
عمر : اه بسنت شبطانة فيها ومنكدة علينا
مازن : ااااه بسنت
عمر : هى محروجة تكلمك ف انا قلتلها هقولك
مازن : اوك ماشي عشان خاطر بسنت بس
عمر : تسلم يا برنس
( يدخل عمر شقتهم ، يدخل عند بسنت )
عمر : يلا روحي البسي
بسنت ب فرحة : وافق بجد
عمر : ايوة يلا وب اسرع وقت ممكن
نورا : اوك
( تجري نورا ع بيتهم تلبس فستان طويل لونه احمر بسيط جدا وبكم شيفون وتسيب شعرها ، تخبط بسنت ع شقة نورا ومعاها مريم قرفانة من نفسها ، تفتحلهم نورا )
بسنت : خلصتى ؟
نورا : اه خلاص
مريم : ايه دة هههههه
بسنت : في ايه ؟!!
نورا : ايه
مريم : ايه الاحمر دة واقعة ف ازازة كاتشب
( تتحرج نورا )
بسنت : اتلمي
مريم : بهزر الله
نورا ب احراج : اغيره ولا ايه
بسنت : فكك منها جميل عليكي والله .. يلا ماما مشيت مع بابا وعمر مستنينا تحت
نورا : اوك
( تنزل نورا قدام بسنت ومريم ، اول م يشوفها عمر يفتحلها الباب الي جنبه ومريم تضايق ، تركب نورا جنب عمر وتركب بسنت ومريم ورا ، يمشوا ، يهمس عمر ل نورا بالكلام )
عمر : شكلك زي القمر
نورا : ميرسي
عمر : ايه الحلاوة دي
بسنت : احم نحن هناااا
( مريم تقعد تتنفخ )
عمر : ااا اومال فين تامر ؟
بسنت : هيحصلنا ع القاعة
عمر : اشطااا
( يوصلوا قدام القاعة ويدخلوا الفرح يسلموا ع قرايبهم وطبعاً نورا محروجة لانها متعرفش حد ، يروح عمر يقف مع صحابه وولاد خلاته ، تقف نورا مع بسنت وتمشي مريم تنطلق ف الفرح )
نورا : بسنت روحى سلمي ع قرايبك وتامر جه كمان
بسنت : لا مش هسيبك تقعدى لوحدك
نورا : هو انا هتاكل روحى وانا قاعدة اهو مستناكي
بسنت : طب متتحركيش هسلم عليهم واجيلك ⁦
نورا : اوك
( متنسوش اللايك ورأيكم ، مستنايكم ف الكومنتات )

[ام رونزا]

الحلقة الخامسة { ٥ }
( تروح بسنت تسلم ع قرايبها وتقف مع تامر ومريم معاها ، تيجي الرقصة ال slow ، تقوم العروسة والعريس يرقصوا وصحابهم )
بسنت : رايحة فين ؟
مريم : هروح ارقص مع عمر
بسنت : طيب
( تروح مريم تدور ع عمر ، نورا قاعدة ع الترابيزة ، يقرب عليها عمر ويمدلها ايده )
عمر : تسمحيلي بالرقصة دي ؟
نورا ب كسوف : ههههه مش بعرف ارقص
عمر : ولا انا .. تعالي نجرب
نورا : اوك
( تقوم نورا ترقص مع عمر ، تشوفهم مريم تضايق ، عمر مندمج هو ونورا وناسين الناس ، عمر يقرب نورا ليه اكتر )
نورا : واضح انك مبتعرفش ترقص
عمر : عديها
( تبتسم نورا وتتكسف ، تطلع مريم تقف قدام القاعة وتطلع وراها بنت عمتها )
روني : في ايه يا مريم ؟
مريم ب انفعال : سيبينى ف حالي انا مش طايقة نفسي
رونى : عشان البنت الي بترقص مع عمر صح ؟
مريم : روني بليز سيبينى دلوقتى
رونى : لو البت دى مضيقاكي ادخل اطلعلك عين امها حالاً
مريم : ايوة متزفتة مستفزاني
مريم : تعالي هنا رايحة فين ؟
رونى : هدخل اجبهالك من شعرها
مريم : لا انتى عاوزة تعملي فضايح لا طبعا
رونى : خلاص استفزيها زي م استفزتك
( يخلص الفرح ، يطلع عمر واخته ونورا ومريم م القاعة ، تمشي مريم جنب عمر وجنبها نورا وبسنت وفجأة تخبط ف نورا وتعمل نفسها هتقع وتمسك ف عمر والي متوقعتهوش انها تتكعبل بجد كعب جزمتها ينكسر ورجليها تتلوى ، يمسكها عمر قبل م تقع )
مريم ب صريخ : اااه رجليييييي
( تبتدي مريم تعيط )
عمر : بس اهدي متعيطيش
بسنت : معلش
( عمر يسند مريم ويقعدها ع السلم ، تقرب نورا ع مريم وتحط ايدها ع كتفها )
نورا : انتى كويسة ؟
مريم وهي بتزق ايد نورا : ابعدي عني انتى السبب
نورا : ليه انا عملت ايه
مريم : انتى الي زقتينى لولا عمر جنبي كان زمان وقعت انكسرت رقبتى
عمر : خلاص يا مريم حصل خير
مريم : معرفش ايه الي جابها معانا اصلاً ايه البرود دة
عمر : ايه الي بتقوليه دة !!!!
بسنت : وانتى مالك اصلاً
نورا : انا اسفة يا ستى خلاص
مريم : عمر ؟
عمر : نعم ؟
مريم : قومني بليز
( عمر يسند مريم ويقومها ويركبها جنبه ونورا وبسنت يركبوا ورا ، نورا متضايقة ومحروجة من جواها ع الموقف )
بسنت : متزعليش
نورا : عادي
( يوصلوا قدام العمارة ، ينزل الكل م العربية الا مريم مستنية عمر ييجى يسندها ،

يلف عمر ويسندها ، يقربوا ع الاسنسير يلاقوه عطلان )
بسنت : يادي النيلة
مريم : انا مش هقدر اطلع كل دة
بسنت : خليكي بقا قاعدة مع البواب لحد م يتصلح
مريم : لا والله يا دمك يا خفيفة
بسنت : اومال اعملك ايه يعنى ؟
مريم : عمر هيطلعني
عمر : اسندي عليا
( تسند مريم ع عمر ويطلعوا ووراهم بسنت ونورا ، يطلعوا دورين )
مريم : لا خلاص مش قادرة اكمل
بسنت : ام الدلع دة م تنجزى ف ليلتك
مريم : خليكي ف حالك ماشي
بسنت : ماشي
( تضايق بسنت وتطلع قدامهم متعصبة )
مريم : عمر ممكن تشيلني ؟
بسنت : يشيل مين عوزاه يطلع بيكي 6 ادوار لسة لحد بيتكم انتى هبلة !!
مريم : وانتى مالك هو انا كلمتك انتى ؟؟
بسنت : اكسحتى يعنى خلاص ؟
مريم : الله ايه مضايقك يا ستى حاجة غريبة اوي
عمر : بس بقا بالله عليكم كفاية دوشة الفرح اطلعي ابسنت يلا
بسنت : ماشي يا عمر
( تطلع بسنت تجري ع فوق ، عمر يشيل مريم ويطلع بيها ، نورا طالعة وراهم متضايقة مش عاجبها الوضع ومحروجة ف نفس الوقت ، تطلع نورا قدام باب شقتهم )
نورا : تصبحوا ع خير
عمر : وانتى بخير
مريم : بااااااي يا نونو
( نورا تخبط ع باب شقتهم محدش يرد ، عمر يطلع مريم ينزلها قدام شقتهم )
مريم : رايح فين ؟
عمر : نازل البيت
مريم : مستعجل ليه كدة م تدخل تريح م السلم
عمر : اريح فين محدش لسة جه
مريم : اه صحيح اوك باي
عمر : باي
( ينزل عمر تحت يلاقي نورا واقفة ع الباب )
عمر : واقفة كدة ليه ؟!
نورا : محدش بيرد ماما نومها تقيل
عمر : ومازن طيب ؟
نورا : اكيد تحت
عمر : طب ادخلي استنيهم
نورا : لا شكراً
عمر : مالك ؟!!
نورا : ماليش
عمر : انتى اضايقتى م الي حصل مع مريم ؟
نورا : لا .. ابداً بس .. ما علينا ولا حاجة
عمر : نورا
نورا : نعم ؟
عمر : كنت عاوز اقولك حاجة
نورا : قول ؟؟
( يقف عمر متوتر )
نورا : مالك يا عمر ؟
عمر : احم اااا ..........
( تخرج بسنت مرة واحدة )
بسنت : م تنجز ي بنى
عمر ب خضة : يخربيت اهلك خشي جوة
بسنت : اوك هراقب من ورا الباب انا
( تدخل بسنت وتقفل الباب )
نورا : ههههه هو في ايه
عمر : لا مافيش حاجة تصبحي ع خير
نورا : اوك .. وانت من اهله
( يدخل عمر بيتهم ، تستغرب نورا وتفضل ترن ف الجرس لحد مامتها م تفتحلها وتدخل )
بسنت : ايه يا عمر دة الي اتفقنا عليه ؟
( ميردش عمر ويدخل اوضته ، تدخل وراه بسنت )
بسنت : يا عمر ؟
عمر : ايه يا بسنت ؟
بسنت : مقلتلهاش ليه ؟
عمر : مش عارف .. كانت ع لسانى بس .. مش عارف اطلعها
بسنت : ضيعت فرصة يا عمر .. خصوصاً بعد الي عملته مريم هى اكيد اضايقت
عمر : معرفش مريم دي كمان الي طلعالي ف البخت
بسنت : متستناش كتير عشان متفوتكش
عمر : سيبيها زى م تيجي
بسنت : ماشي .. تصبح ع خير
عمر : وانتى بخير
( ينام الكل ، تدق الساعة ٣ الفجر ، يرن تليفون نورا ب ماسدچ )
الماسدچ : ازى عمر وبسنت ؟
نورا : عمر وبسنت !!!!!
( يرن فونها )
نورا : الو
علي : وحشنى صوتك
( تقوم نورا من ع السرير مخضوضة )
نورا : علي
علي : كنت عارف انك منسيتيش صوتى
نورا : انت جبت رقمي منين ؟؟؟
علي : جبتوا مطرح م جبتوا .. المهم سمعت صوتك
نورا ب انفعال وخوف : حرام عليك بتتصل بيا عاوز مني ايه
نورا : عمر .. انت عرفت عمر منين
علي : عمر وبسنت .. وعارف انتى ساكنة فين وف الدور الكام كمان
نورا : انت اتجننت متتصلش هنا تانى
( تقفل نورا ف وش علي وتقعد متوترة ، يرن فونها ب ماسدچ )
الماسدچ : اشوفك قريب
( تقعد نورا تعيط ومتعرفش تنام تانى ، يعدي الوقت ، يأذن الفجر ، تقوم تصليه وتقعد ع المصلية وتدعي وتعيط )
نورا : يارب .. يارب ابعده عني وعن حياتى يارب .. انا مصدقت بعدت عن الفضايح والمشاكل .. يارب انا ف حالي وعمري م أذيت حد .. بيأذينى ليه هو .. يارب ي تبعده عني ي تاخدني يارب
( تقوم نورا تفتح البلكونة وتطلع ، عمر واقف بس هي مش شيفاه ، يشوفها واقفة ودموعها بتنزل ، يقرب ع بلكونتها )
عمر : نورا !!!!
نورا وهي بتمسح دموعها بسرعة : ايوة
عمر : مالك
نورا : ماليش
( دموعها عمالة تنزل )
عمر : انتى بتعيطي ؟
نورا : لا مش بعيط
( تذيد نورا ف العياط )
عمر : لا بتعيطي .. حصل ايه طيب ؟؟
نورا : محصلش حاجة .. مخنوقة بس شوية
عمر : من ايه .. حد زعلك ؟!!!

[ام رونزا]

الحلقة السادسة { ٦ }
نورا : لا
عمر : ل اكون انا زعلتك ف حاجة
نورا : لا انا مخنوقة .. حاسة ب ضيق بس يا عمر
عمر : طب كفاية متعيطيش
نورا : اوك
( مازالت بتعيط )
عمر : عشان خاطري طيب
نورا : مش قادرة امسك نفسي .. معلش
( عمر يقرب ايده ع نورا ويمسح دموعها )
عمر : خلاص بقا هعيط انا كمان يرضيكي ؟
نورا : لا ميرضنيش
عمر : طب اضحكي بقا عشان منخسرش بعض
نورا : هههههه
عمر : بحبك
( تتخض نورا وتتحرج )
نورا : ايه
عمر : بحبك .. اوى
نورا : عمر متهزرش انا بقيت تمام
عمر : وربنا م بهزر انا بحبك بجد ع فكرة
نورا من غير تفكير : وانا بحبك
( يفرح عمر ويبوس دماغها )
عمر : اتحجبتى ولا ايه ؟
نورا : لا كنت بصلي الفجر
عمر : حرماً
نورا : جمعا ان شاء الله
عمر : نورا مش عاوز اشوفك تعيطي تانى
نورا : غصب عنى والله .. ساعات تبقى مخنوق ف تقعد تعيط بترتاح .. انت معيطش قبل كدة ؟
عمر : لا عيطت طبعاً بس الي فاكره لما جدتى اتوفت
نورا : الله يرحمها
عمر : امين يارب
( يفضل عمر ونورا يتكلموا ف البلكونة لحد ميعاد جامعتهم )
نورا : يلا ادخل وراك جامعة
عمر : وانتى كمان
نورا : اه هدخل البس
عمر : هستناكي تحت
نورا : اوك
عمر : هتوحشينى
نورا : يلا ادخل
( يدخلوا يلبسوا وعمر يوصل نورا جامعتها هي وبسنت ويروح جامعته ، تعدي الايام ، ييجي الليل ، عمر قاعد ف اوضته بيتفرج ع الماتش ، تدخل بسنت )
بسنت : عمر
عمر : نعم ؟
بسنت : في فيلم عاوزة اتفرج عليه
عمر : م تتفرجى انا حايشك
بسنت : مهو مافيش تليفزيون بيجيب القناه غير بتاعك
عمر : انسي انا بتفرج ع الماتش
بسنت : روح اتفرج عليه مع مازن .. ونورا
عمر : اه اوك
( يقوم عمر )
بسنت : تجري انت ل اي حاجة فيها نورا
عمر : اتلمي بدل م ارجع في كلامي
بسنت : لا خلاص امشي
( يروح عمر يخبط ع شقة نورا ، يفتحله مازن )
مازن : تعالى يا معلم
( يدخل عمر يقعد مع مازن يتفرجوا ع الماتش )
نورا : اتكرشت ولا ايه ؟
عمر : اه يختى عشان المسلسل
نورا : ههههه
( بعد شوية يخلص الماتش )
عمر : بقولك
مازن : ايه ؟
عمر : في ڤيلا صغيرة كدة ع البحر بتاعتنا ف قلنا هنلم الشباب ونروح نغير جو م تيجي معانا
مازن : بحر ف الجو دة !!!
عمر : ي عم مش هننزل البحر
مازن : هتطلعه كام يوم ؟
عمر : يعنى يومين كدة بس فسحة
مازن : اشطاا
عمر : وممكن نورا تيجي كمان
مازن : هو في بنات رايحين ؟
عمر : ايوة بسنت وبنات خالتي والشباب وكدة
مازن : طب هتمشي امتى ؟
عمر : هما مستنين مني تليفون بما انك موافق ف ممكن نمشي انهاردة
مازن : تمام ماشي
( يعدي الوقت ، يدخل عمر شقتهم يتصل بالشباب ويقولهم ، الكل يجهز نفسه ، تنزل نورا واخوها وعمر واخته ومريم والباقي هيحصلوهم ع المكان ، يركب مازن جنب عمر والبنات ورا جنب بعض ، طبعاً مريم مش طايقة نورا جنبها ف بسنت قاعدة ف النص ، يقربوا ع المكان والعربية تقف )
بسنت : في ايه يا عمر ؟!
عمر : مش عارف هنزل اشوف !!!
( ينزل عمر ومازن يفتحوا العربية تطلع دخان )
مازن : شكلها عايزة ميكانيكي
عمر : وهنجيب ميكانيكي منين ف الطريق دة
( ينزلوا البنات م العربية )
مريم : طب م نركب تاكس وخلاص
مازن : لو ساب العربية هنا هيرجع مش هيلاقيها
عمر : مازن شوف تاكس وركب البنات وروح معاهم وانا هتصرف
مازن : مش هينفع اسيبك لوحدك
عمر : انا لو اتمشتها هوصل دى حتة صغيرة الي باقية وبعدين مش هينفع البنات يركبوا تاكس السعادى لوحدهم
مازن : ايوة اه
عمر : وخدوا الشنط معاكم
مازن : ماشي
( يبعد مازن يروح يوقف تاكس )
عمر : خلي بالك من نفسك
نورا : وانت كمان
مريم : اوووف
( يوقف مازن تاكس )
مازن : يلا
( يركبوا البنات مع مازن ويمشوا ، يقف عمر يسند ع العربية مش عارف يعمل ايه ، تعدي من جنبه عربية بوليس تركن ع جنب ينزل منها واحد ويقرب ع عمر )
علي : ايه الي موقفك كدة ؟
عمر : حضرتك عربيتى عطلت
على : حظك منيل السعادي
عمر : اه .. عارف
علي : يا عبده
( ينزل عسكري م العربية )
العسكري : امرك يا باشا
علي : اتصل ب الونش ييجي يشيل العربية دي
العسكري : حاضر يا باشا
عمر : ونش !!!
علي : متخافش هيوديهالك للميكانيكي .. اركب هوصلك للمكان الي رايحه
عمر : مافيش داعي حضرتك هركب تاكسي
على : هترفض امر م الحكومة ولا ايه
عمر : لا طبعاً مقدرش
علي : خلاص اركب وبلاش حضرتك دى اسمي علي
( يمد علي ايده ويسلم ع عمر )
عمر : عمر
على : يلا يا عمر
( يركب عمر مع علي ، يوصل مازن والبنات الفيلا والكل يرتب حجاته ويقعده مستنين عمر ، يرن فون عمر )
مازن : عملت ايه ؟؟
عمر : انا جاى اهو خلاص ف الطريق
مازن : طب الحمدلله ماشي
( يقفل عمر مع مازن )
بسنت : عمل ايه ؟
مازن : جاي ف السكة
بسنت : الحمد لله
( يفضل علي يتكلم مع عمر طول الطريق ويتصاحب عليه وطبعاً عارف هو مين )
عمر : بس هي الڤيلا دي
علي : اوك
( يقف علي قدام الڤيلا )
عمر : مش قلت الشفت بتاعك خلص ؟
علي : اه
عمر : طب انزل اقعد معانا شوية
علي : لا مافيش داعي
عمر : انزل بس فك عن نفسك
علي : ماشي
( يدخل عمر ووراه علي ، نورا ملهية ف الكلام مع البنات ومدياهم ضهرها مش شايفة حاجة )
مازن : حمدلله ع السلامة جيت ازاى ؟؟
عمر : الله يسلمك .. الظابط علي هو الي وصلنى
( تنتبه نورا ل كلمة الظابط على تفضل واقفة مصدومة تتجمد مش عارفة حتى تلف تشوفه ، واقفة مكانها ، يسلم الشباب ع علي ، تلف نورا وتشوفه تتصدم اكتر )
بسنت : وديت فين العربية ؟
عمر : الونش شالها وداها للميكانيكي
( يقعد الكل يتكلموا مع علي ويشكروه ونورا واقفة مش بتنطق كل همها ايه الي جاب علي هنا وهل عمر كدة عرف حاجة ولا لا ، بعد شوية ، يطلع الكل يقعدوا ع البحر جنب بعض بيلعبوا لعبة الصراحة ، تيجي الازازة بين مريم وعلي )
مريم : انا هسأل
علي : اوك
مريم : عندك كام سنة ؟
علي : 25
مريم : مرتبط ؟
علي : كنت
( نورا قاعدة ع اعصابها )
مريم : ح .............
باسم : ايه دة كلوا هو سؤال واحد
مريم : معلش والله اخر سؤال
علي : اتفضلي
مريم : احكيلنا عن الي كنت مرتبط بيها اكيد قصة مشوقة بما انك ظابط وكدة
بسنت : ايوة صح احكي
( يتشوق الكل انه يسمع علي ، تترعب نورا اكتر )
على : عادى .. زى اى قصة حب .. كنت بحبها وكانت بتحبنى .. مع الوقت بدء اسلوبها الحقيقي يظهر .. عرفت انها انسانة مش كويسة واخلاقها زفت واهلها كمان وانا ظابط لازم ارتبط ب واحدة تكون بنت ناس ومحترمة ف سيبتها
مريم : خانتك ؟؟
علي : لقتها ف الشقة الي كنا هنتجوز فيها مع واحد
بسنت : احييييه
مرام : عملت ايه لما سيبتها ؟
علي : قعدت الاقيها كل يوم والتانى جيالي شغلي تترجانى ارجعلها والا هتعملي فضايح والحوارات دي
( نورا خلاص دموعها هتنزل من كلام علي الكدب وطبعاً متقدرش تتكلم )
بسنت : وبعدين ؟؟
عمر : بس .. هو احنا بنتقابل وبنقعد مع بعض احياناً
بسنت : يعنى ممكن تسامحها وترجعلها ؟؟
( يبص علي ل نورا )
علي : ممكن
مريم : مش قلتلكم حكاية مشوقة
تامر : البنات ملهمش امان
بسنت : لا والله ؟؟
تامر : ماعدا انتى طبعا
بسنت : بحسب
( يضحك الكل ويهزروا ، تقوم نورا )
بسنت : رايحة فين ؟
( متنسوش اللايك ورأيكم )

[ام رونزا]

الحلقة السابعة { ٧ }
نورا : عاوزة انام .. تصبحوا ع خير
الكل : وانتى من اهله
( تطلع نورا اوضتها تنهار م العياط ، بعد شوية ، يقوم علي )
علي : استأذن انا بقا
باسم : لازم تجلنا بكرة
تامر : ايوة تعالى افطر معانا
علي : انتوا كدة هتنسوني شغلى
عمر : اخطفلك ساعة كدة مش هتضر
علي : خلاص اوك هشوف
( يمشي علي اخيرا ، الكل ينام ، يطلع الصبح ، تقوم نورا وبسنت يقفوا ف المطبخ يحضروا الفطار )
نورا : هكمل انا روحي صحيهم
بسنت : اوك
( تمشي بسنت وتكمل نورا تجيهز ف الفطار ، المطبخ ليه باب بيطل ع البحر يدخل علي منه )
علي : صباح الخير
( تبصله نورا وتضير وشها متردش ، يقعد على ع الترابيزة الي قدامها )
علي : مالك .. زعلانة عشان شوفتينى ؟
( نورا مبتردش وبتجهز ف الاكل )
علي : ماشي هبقى احسن منك واقولك انا مبسوط انى شوفتك .. بس صدقينى المرة دى صدفة .. ومتقلقيش انا مقلتش ل عمر حاجة .. بس عندى استعداد اقوله لو متعدلتيش
نورا : انت عايز ايه م الاخر .. لو جاى تنكد عليا ف انت فعلاً نكدت .. امشي بقا
على : لا مش جاي انكد عليكي
( تفضل نورا تعمل ف الاكل )
علي : فاكرة يا نورا يوم خطوبتنا .. فاكرة انتى قد ايه كنتى فرحانة وانا بلبسك الدبلة .. فاكرة شقتنا كنا خلاص قربنا نتجوز .. فاكرة لما اتجننا وبيضنا اوضة النوم باللون البرتقانى ؟
نورا : كان اصفر
علي : لا كان برتقانى تقريباً
نورا : كان اصفر .. لانى فاكرة اليوم الي رحت اودى فيه حاجات هناك .. فاكرة لما دخلت اوضة النوم دى ولقيتك مع اعز صحابي ع سريرنا الي لسة متفرش .. فاكرة انى ضربتها اليوم دة كتير .. فاكرة انك حشتنا عن بعض وكتفتنى لحد مهى لبست هدومها ومشيت .. فاكرة لما شتمتك وقلتلك هفضحك .. وفاكرة لما ضربتنى وانا اترجاك كفاية وانت تضرب فيا وخبطت دماغي ف الحيطة خايف ع بريستيجك قدام اهلك وصحابك ف قلت ترعبني منك عشان متكلمش .. فاكرة انك سيبتنى اليوم دة مرمية ع الارض سايحة ف دمي .. فاكرة انى لما فوقت م الضرب قعدت امسح الحيطة م الدم الي طرطش عليها واغسل ف الارض عشان ف بالي انك هتصالحني ونرجع .. كان ف نيتي اسامح .. فاكرة انى مشيت وشي وارم والناس مستغربانى وبتسألنى مالك .. فاكرة انى دخلت شارعنا لقيتك فاضحنى فيه كله انك انت الي لقتنى مع واحد وعشان كدة ضربتنى .. فاكرة نظرة الناس ليا وهى بتبصلي وتستغفر ربنا انى انسانة مش كويسة .. فاكرة انوا كان اصفر
( تصعب عليه ويقوم يمسك ايدها )
علي : نورا انا اسف
( تبعد ايدها )
نورا : ابعد عني انا بس مش عاوزة غير انك تبعد عني ..

انت ماضي وعمر م هيكون ليك مستقبل ف حياتى .. ف ابعد بالله عليك
علي : ماشي يا نورا .. هبعد
نورا : شكرا
على : بس متلوميش عليا
نورا : قصدك ايه ؟؟
علي : سلام
( يمشي ، تطلع نورا تتمشى ع البحر ، ينزل الكل يفطروا )
مازن : اومال فين نورا ؟
بسنت : مش عارفة تلاقيها برة
عمر : هندها تفطر
( يقوم عمر يطلع برة ، يشوف نورا من بعيد ، يقرب عليها )
عمر : نورا
نورا : ايوة ؟
عمر : مش هتفطري ؟
نورا : لا مش جعانة
عمر : مالك ؟
نورا : ماليش .. بشم شوية هوا
عمر : انتى كويسة ؟!
نورا : اه انا تمام
عمر : طب تعالي ندخل عشان متبرديش
نورا : عمر
عمر : نعم ؟
نورا : عوزاك بس تعرف انى لو عملت تصرف يضايقك انى عمري م هبقى قصداه ..

ممكن تعمل حاجات غصب عنك وحاجات انت متبقاش حاببها .. بس مطر ليها ..

او حد غصبك عليها او بتعملها عشان تحافظ ع حد بتحبه
عمر ب حيرة : بحاول افهم قصدك بس مش عارف
نورا : عمر انت ممكن تصدق فيا حاجة وحشة ؟؟
عمر : لا طبعاً .. ليه بتقولي كدة ؟!!
( تدمع عيونها )
عمر : في ايه يا نورا ؟!!
نورا : انت عارف انى بحبك .. انت ممكن تبعد عني ف يوم من الايام
عمر : ليه بتسألي السؤال دة ؟!!!!
نورا : عشان مقدرش انك تبقى بعيد عني .. عشان حرفياً ماليش غيرك
( يقرب عمر ع نورا ويحط ايده ع خدها يمسح دموعها )
عمر : مين قالك انى اقدر ابعد عنك .. انا مصدقت لقيتك ..

نورا انا كمان ماليش غيرك ومافيش حاجة ف الدنيا دي تقدر تفرقنى عنك
نورا : يعنى مش هتسيبنى
عمر : اسيبك ايه يا هبلة .. انا بحبك وعمري م هحب غيرك ولا حد يقدر يملى عيني ولا مكانك ف قلبي
نورا : وانا بحبك اوى
( يحط ايده ع خد نورا تييجى ع رقبتها )
نورا : ههااههه
عمر : ايه ؟!!
نورا : ايدك ساقعة
عمر : تجربيها ف قفاكي
نورا : لا لاااااا
( يجري وراها ويشيلها ويلف بيها ويهزروا ، يعدي الوقت )
عمر : بسنت
بسنت : ايه يا عمر ؟
عمر : اتصرفيلي ف مازن عاوز اخرج مع نورا
بسنت : وانا مالي .. اتصرف انت
عمر : لا والله ؟!!!
بسنت : مش قلتلك بكرة هتحتاجلي قلتلي بكرة ولعبتلي حواجبك خلي بكرة بقا ينفعك
عمر : بسنت وحيات امك انجزى ميبقاش قلبك اسود دة اخر يوم لينا انهاردة هنا
بسنت : ابقى اعمل حساب بكرة بقا هاااا
عمر : من عنيا حاضر
بسنت : وسع
عمر : اتفضلي حضرتك
( مازن وتامر قاعدين بيلعبوا بلايستيشن وباقي الشباب قاعدين بيتفرجوا ، تقرب عليهم بسنت )
بسنت : تامر ممكن دقيقة ؟
تامر : اوك
( يقوم تامر يقف ع جنب مع بسنت )
تامر : في ايه ؟
بسنت : خد مازن وامشي
تامر : امشي فين !!!!
بسنت : سربوا ي تامر
تامر : اااه عمر الي قالك ؟
بسنت : ايوة عاوز يخرج مع نورا
تامر : طب ماشي
بسنت : دلوقتى ها
تامر : حاضر
( يرجع تامر يلعب مع مازن )
تامر : بقولكوا ايه
مازن : قول
تامر : عمر كان قايل في نادى هنا م تقوموا نلعب كورة بدل البتاع دة وجعلي ايدي
باسم : اشطا يلا
تامر : اوك قوموا
( يقوم الكل الا عمر )
هيثم : اومال فين عمر ؟
تامر ب تفكير : امممم اه عنده شد عضل
هيثم : طيب
( يمشوا الشباب ، ينزل عمر )
عمر : مشيوا
بسنت : اه مشيوا عد الجمايل
عمر وهو بيبوس خدها : شكرا شكرا
بسنت : يلا انجز
عمر : باي
( يطلع عمر يخبط ع باب اوضة نورا )
نورا : مشيوا
عمر : ايوة يلا
نورا : اوك
( ينزلوا يركبوا العربية ويمشوا يروحوا يتفسحوا ويروحوا الملاهي مبسوطين ، يعدي الوقت ويخلص يومهم ف الفسحة ، ف الطريق راجعين ، يقفوا ف الاشارة ، ييجى ولد صغير عنده حوالي 9 سنين يقف ناحية نورا )
الولد : والنبي يا طنط خدى شوكلاتة انا معايا ورد احمر كمان اشتريلها ورد يا عمو او شوكلاتة اكيد هى بتحب الشوكلاتة
عمر : انت شايف كدة ؟
الولد : اه اسالها بتحبيها صح ؟؟
( يهمس الطفل ل نورا )
الولد : قولي بتحبيها والنبي
نورا : هههههه بحبها طبعا وبحبك انت كمان يا عسل
الولد : خلاص خودينى انا
نورا : هههههه
عمر : لا خليك انت ل امك وهات الشوكلاتة
الولد : والورد ؟؟
عمر : انت هتختم اليوم ع قفايا
نورا : خدوا منوا والنبي يا عمر
عمر : ماشي .. هات ي معلم
( ياخد عمر الورد والشوكلاتة من الولد ويديلوا الفلوس )
الولد : طنط انتى حلوة اوي
عمر : وبعدييين
نورا : ميرسي يا قمر انت احلى
الولد : ممكن ابوسك بوسة صغيرة
عمر ب انفعال : امشي يلا بدل منزلك
نورا : ههههههه

[ام رونزا]

الحلقة الثامنة { ٨ }
( يجري الولد )
عمر : بتضحكي ع ايه انتى كمان
نورا : دة عيل يا عمر
عمر : عيل سافل
نورا : ههههه طب هدي حالك
عمر : امسكي
( يديها الورد والشوكلاتة ، تاكل نورا م الشوكلاتة )
نورا : تاخد
عمر : لا بتعملي حساسية .. ومش مطمن اصلا ل شكلها كفياكي اكل منها
نورا : لا والله طعمها حلو
عمر : طاااايب
( يوصلوا قدام الفيلا ، عمر يتصل ب بسنت )
عمر : مازن روح ولا لسة ؟
بسنت : لا لسة انتوا فين ؟؟
عمر : احنا قدام البيت داخلين اهو
بسنت : طب يلا انجزوا
عمر : ماشي سلام .. انزلي
نورا : اااااه
عمر : مالك ؟؟
نورا : بطني وجعانى اوي
عمر : م قلتلك بطلي اكل الشوكلاتة دي
نورا : اااه
( عمر يلمح مازن والشباب جايين )
عمر : انزلي انزلي بسرعة
( تنزل نورا تمسك ايد عمر ويجروا يستخبوا ورا الفيلا ، يفضل مازن والشباب واقفين )
نورا : هنعمل ايه دلوقتى ؟
عمر : استنى دلوقتى يدخلوا
نورا ب خوف : افرض سأل عليا
عمر : ربنا يستر
( يفضل مازن واقف ، عمر ونورا بيراقبوا )
بسنت : انتوا
( يتخضوا )
بسنت : تعالوا ورايا
( تمشي بسنت ووراها عمر ونورا يدخلوا من باب المطبخ ويطلعوا كل واحد ع اوضته ، يقف عمر قدام اوضة نورا )
نورا : كانت الخروجة جميلة اوي
عمر : المهم تكوني مبسوطة
نورا : تسلملي ي قلبي انبسطت اوى
( عمر يحط ايده ع خد نورا ويقرب عليها هيبوسها تبعد نورا )
نورا : معلش يا عمر
عمر : ولا يهمك .. تصبحي ع خير
نورا : وانت من اهله
( يروحوا يناموا ، بسنت ونورا نايمين ف اوضة واحدة كل واحدة ع سرير ، تدق الساعة 3 ونص الفجر ، نورا نايمة ماسكة بطنها وعمالة تعيط ب كتمة ، تتقلب بسنت وتشوفها )
بسنت : بت يا نورا مالك ؟؟
نورا : تعبانة
بسنت : حاسة ب ايه ؟
نورا : وجع ف بطني فظيع
بسنت : من ايه طيب ؟!!
نورا : شكلها م الشوكلاتة الي كلتها برة .. الي بيبعوها ف الاشارة
بسنت : يخربيتك دة محدش بيشتري منهم دول
نورا : الي حصل بقا
بسنت : ليكون جالك تسمم
نورا : مش عارفة اااااااه
بسنت : لازم تروحي مستشفى
نورا : مينفعش عشان مازن
بسنت : طب استنى
( تروح بسنت الاوضة الي نايم فيها عمر وتامر )
بسنت : عمر .. عمر قوم
عمر : ايه في ايه ؟!!
( يصحى عمر وتامر )
تامر : في ايه ؟!!!!
بسنت : نورا تعبانة اوى
عمر : نورا !!!!
تامر : تعبانة من ايه ؟
( ينط عمر من ع السرير يجري ع برة يدخل عند نورا ، يقرب يقعد جنبها ف الارض ويمسك ايدها )
عمر : مالك حاسة ب ايه ؟؟
نورا : بطنى وجعانى اوي
عمر : اكيد من ام الشوكلاتة دي
تامر : لازم تروح مستشفى
نورا : لا لا مستشفى لا مازن كدة هيعرف انى كنت برة
بسنت : هنسيبك تموتي يعنى
نورا : هبقى كويسة دلوقتى
( يحط ايده ع وشها )
عمر : سخنة اوى
بسنت : طب استنى هتصل ب دكتور انس يمكن في حاجة نقدر نعملها هنا
( تطلع بسنت وتامر يتصلوا ب انس ، نورا عمالة تعيط وعمر قاعد متضايق عمال يمسحلها دموعها )
نورا : هبقى كويسة والله
عمر : انا السبب ياريتنى م خرجتك
نورا : وانت مالك انا الي كنت طفسة
( يبتسم عمر ، تدخل بسنت )
عمر : قالك ايه ؟؟
بسنت : بيقول تشرب لبن ب البيض ني
عمر : لبن ب البيض !!!
بسنت : ايوة عشان تقرف ف ترجع .. هروح اعملك
نورا : لا مش هشرب القرف دة
تامر : دة المطلوب انك تقرفي
تامر : ع فكرة لازم تروح مستشفى
بسنت : مينفعش اخوها لو عرف انها كانت برة هيطين عيشتها
تامر : هو لازم تقولولوا انها كلت حاجة من برة قولوا م البيت وخلاص
بسنت : مش عارفة بقا هعملها اللبن دة لو فضلت تعبانة هنوديها والي يحصل يحصل
( تعمل بسنت اللبن ب البيض وتطلع تديه ل نورا ، تشربه نورا ب العافية بعدها تقوم ترجع وترجع تنام ، تدق الساعة 5 الفجر )
تامر : انا هدخل انام
بسنت : اوك
( يدخل تامر ينام ، نورا نايمة وعمر قاعد جنبها )
بسنت : مش هتنام يا عمر ؟
عمر : لا ل تتعب تانى
بسنت : هي بقت كويسة اهى وانا نايمة جنبها لو في حاجة هقولك
عمر : لا نامي انتى .. مش هعرف انام بعيد عنها مش مطمن
بسنت : اوك
( تنام بسنت ويفضل عمر قاعد جنب نورا ماسك ايدها بينام ع روحه يجيب اخره مع النوم وينام ، تدق الساعة 9 الصبح ، تفتح نورا عينها تلاقي عمر نايم جنبها )
نورا : عمر
عمر : انتى كويسة ؟
نورا : ايوة الحمدلله .. انت هاتقع
( يقوم عمر يقعد )
عمر : معلش عينى غفلت بس
نورا : انت سهران من امبارح ؟!!
عمر : معرفتش اروح انام وانتى تعبانة .. قلقتينى عليكي اوى
نورا : انا بقيت كويسة متقلقش
عمر : اوك .. لو عوزتى حاجة اندهي عليا او صحي بسنت
نورا : حاضر
( يقرب عمر ع نورا يبوس دماغها ويروح ينام ، تدق الساعة 2 الضهر ، الكل يصحى ويجهز نفسه عشان يمشوا ، يروح الكل ويوصلوا البيت كل واحد يدخل شقته ، نورا بتكلم عمر ع الواتس )
عمر : حبيبي
نورا : ايوااااااا
عمر : ايوالله عليكي
نورا : مش هقولك نعم ع فكرة
عمر : نعم الله عليكي
نورا : رخم
عمر : بصي كدة
نورا : ع ايه
عمر : استنى الصورة بتحمل
نورا : اوك
( تحمل الصورة تظهر صورة كلب )
عمر : ايه رأيك فيه ؟
نورا : جميل خااالص
عمر : هو حد عندك ف البيت ؟
نورا : لا اشمعنا ؟
نورا : فينك ؟
نورا : عمر
نورا : عمووووووري
نورا : عمري
نورا : انت ياض رحت فين ؟!!!!!
( يرن جرس البيت ، تقوم نورا تفتح ، تلاقي عمر وشايل الكلب )
عمر : تراااااااا
نورا : لا لا لا لا جايبهولي
عمر : اها
نورا : احيه هيغمى عليا وربنا
عمر : لا والنبي امسكي نفسك
نورا : هحاول
عمر : خدي
نورا : لا استنى هخاف امسكه هو ميعرفنيش ل يعضني
عمر : دة لسة صغير مبيعضش قوليلي طيب احطهولك فين ؟
نورا : مافيش حد هنا
عمر : طااايب
( يدخل )
نورا : ي بني بقولك مفيش حد !!
عمر : انجزي طيب وقولي احطه فين م انتي خايفة تشيليه
نورا : طب دخله اوضتي عبال م اعرفله مكان
عمر : انهو اوضتك ؟
نورا : تعالى ورايا
( يروح وراها يدخلوا الاوضة )
عمر : دى اوضتك ؟
نورا : اها ايه رأيك ؟
عمر : تجنن زي صاحبتها
نورا : احم حطه ف اي حتة
( يقعد ع ركبته ويحط الكلب ف الارض ، تقعد جنبه نورا )
عمر : هتسميه ايه ؟
نورا : عمر هههههه
عمر : ي حيوانة
نورا : هههههههههه
( متنسوش اللايك ورأيكم )

[ام رونزا]

الحلقة التاسعة { ٩ }
( يفضل باصصلها وهي بصاله ، يحط ايده ع خدها )
عمر : يارب اكون دايماً سبب ف ضحكتك دي .. ومتحرمش منها ابداً
نورا : ولا يحرمني منك ي قلبي
( يبوس دماغها )
بسنت : ي حلاوتكم
( يتخضوا ويقوموا يقفوا )
نورا : يخربيتك سرعتيني
بسنت : الباب مفتوح ايه دة كلب
( تقعد تلعب معاه ، يطلع عمر و نورا م الاوضة ويقفوا ع باب الشقة )
عمر : متلبسيش حاجة مفتحة بكرة
نورا : هههههه اوك
عمر : عاوزة حاجة ؟
نورا : لا ي قلبي سلامتك
( يبوس ايدها ويدخل شقتهم ، تدخل نورا تلعب مع الكلب وبسنت معاها )
نورا : هييجوا امتى البنات
بسنت : صحيح يلا قومى دول ف السكة
نورا : يلا
( تقوم نورا وبسنت يرتبوا بيت بسنت عشان عاملين ليلة قبل خطوبة بسنت ، ييجوا صحابهم ويقعدوا يرقصوا ويسقفوا ويقضوا يوم مبسوطين ، تانى يوم ، يوم خطوبة بسنت ، ف القاعة ، الكل فرحان وغنى ورقص ، نورا قاعدة ع ترابيزة مع صحابها ، لابسة فستان سيمون تايبست طويل وبكم )
فاتن : لا انا هقوم ارقص مش قادرة استنى
( تقوم فاتن )
غادة : انتى مش هتقومي ؟
نورا : مش عارفة عمر هيضايق ولا لا
غادة : طب قوموا يلا ولو اتضايق هيقولك وابقي اقعدي
نورا : اوك
( تقوم نورا تقف مع البنات ع البيست والكل بيرقص الا هي بتسقف ، تشتغل اغنية هو دة ل شيرين ، بسنت تشد نورا ترقص معاها ، ترقص نورا والكل يقعد يسقف ، تلاقي الي مسك ايدها وشدها ، تتخض ، تروح معاه ، يطلعوا برة القاعة )
عمر ب انفعال : اغيب 5 دقايق ارجع الاقيكي قالبة صافيناز جوة
عمر : لا اكسفيها متقفيش تتمايلي واكتر من 100 شاب واقفين يسقفولك ولا فرحانة ب اللمة دي
( تتخض نورا م الكلام ، تدمع عينها ، تمشي )
عمر : رايحة فين ؟
( متردش ، يقرب يشد ايدها )
عمر : مش بكلمك
نورا : عمر سيب ايدي
عمر : يعني انتي عاجبك الي عملتيه جوة ؟
نورا : انا معملتش حاجة
عمر : انتى شايفة كدة ؟
( تدمع عينها اكتر خلاص هتعيط )
عمر : اقسم بالله لو عيطي انتي حرة
نورا : يعني تقولي الكلام دة ومش عاوزني اعيط
عمر : يعني انتى مغلطيش لما رقصتي وسط الشباب ؟
نورا : قلتلك .........
( تحاول تهدى عشان دموعها متنزلش عشان عمر بيعصبه لما تعيط مبيحبهاش تعيط )
نورا : قلتك ان .. بسنت شدتني .. وانا اتحرجت
عمر : ومتحرجتيش ترقصي
نورا : عمر خلاص بالله عليك
عمر : يعني انتى عاوزة تعيطي والله اظرفك قلم اخليكي تعيطي بجد
( تبتسم نورا غصب عنها )
عمر : خلصنا بقا .. انا اسف
نورا : لا مش متقبلة
عمر : عاوزة ايه طيب وتتقبلي ؟
نورا : مش عاوزة منك حاجة
عمر : راجعي نفسك كدة
( تسكت نورا شوية )
عمر : هاااا ؟
نورا : تؤ
عمر : طب ان ...........
( تقرب مريم وبنت عمتها داخلين )
روني : ازيك ي عمر
عمر : روني عاملة ايه
روني : فل الحمدلله
مريم : ايه ي عمر
عمر : عاملة ايه
مريم : فل
عمر : اتأخرتوا كدة ليه ؟
مريم : كنت بظبط فستانى .. ايه رايك فيه
( نورا ع اخرها ، مريم لابسة الفستان الي بسنت قالتلها متلبسهوش ، يبصلها عمر من فوق لتحت وميردش )
روني : مش داخلين ولا ايه ؟
عمر : اه داخلين يلا
( يدخلوا قدامه )
نورا : عمر
عمر : نعم ؟
نورا : ممكن اسألك سؤال ؟
عمر : اسالي
نورا : هي مريم بتعمل كدة ليه ؟!!
عمر : بتعمل ايه ؟
نورا : دايماً بتحاول تستفزني بيك .. هو كان في حاجة بينك وبينها ؟؟
عمر : بصي هو واحنا صغيرين كان جو هجوزك بنتي وهجوزك ابني والكلام دة .. ووانا ف ٣ اعدادي قروا فتحتنا بس لما كبرت فشكلت الموضوع لانه كان حب لعب العيال دة وبعاملها دلوقتى زي بسنت بالظبط وكان محصلش حاجة
منورا : اهااا .. عشان كدة
عمر : عشان كدة ايه ؟!!
نورا : ولا حاجة فكك .. يلا ندخل
( يدخلوا القاعة .. يعدي اليوم والكل يمشي .. نورا واقفة مع عمر ع ببان الشقق )
عمر : لا طبعا دي كانت ماضي ف حياتي وفات خلاص كنا عيال قلتلك
نورا : عارفة بس كنت ملاحظة عليها بتبصلك بشوق اوي ف الفرح وفهمت كل تصرفاتها الي فاتت سببها ايه
عمر : دي حاجة ترجعلها اما انتى عارفة مين ف قلبي
نورا : مين
عمر : امي
نورا : كنت عارفة انا مش مرتاحة للست دي
عمر : اخبارك ايه مع بويكا ؟
نورا : بنيمه جنبي
عمر : ي بختك ي سي بويكا عقبالنا ي رب
نورا : بعينك
عمر : ليه كلها كام شهر واتخرج
نورا : اقعد احسب بقا
عمر : حاسبها بالثانية والله
نورا : هههههه ماشي
( تقرب بسنت )
بسنت : عمر
عمر : نعم ؟
بسنت : الفراخ .. اتحرقت
عمر : لا والله
بسنت : معلش نسيت انها ف الفرن .. والرز شااط كمان
عمر : الله يخربيتك انا ميت م الجوع
بسنت : قلت معلش بقا اطلع كل عند خالوا انا نازلة ورايا كورس سلام ي نونو
نورا : سلام ي قلبي
( تمشي بسنت )
عمر : عاجبك كدة ؟
نورا : عاجبني اه
عمر : هاقتلك صاحبتك قريب
نورا : متقدرش
عمر : اه م انا ي عيني المظلوم ف النص .. هاطلع اكل عند خالي
نورا : ع فكرة لو طلعت ملكش دعوة بيا تاني
عمر : لا والله !!!
نورا : اه والله
عمر : انتى هبلة ي بنتي !!!!
نورا : لا ابقا هبلة فعلا لو سيبتك تطلع عند حبيبة القلب
عمر : حبيبة قلب مين ؟!!
نورا : حبيبة قلبك
عمر : طب بطلي الكلام دة
نورا : ايه دوست ع الجرح ولا ايه ؟
عمر : قلتلك بطلي وقفلي ع ام الموضوع دة
نورا : وانت ايه الي مضايقك اوي كدة ف سيرة الموضوع ؟
عمر : ولا مضايق ولا زفت
نورا : لا مهو واضح .. دانت فاضلك شوية وتضربني عشانها
عمر : عشانها ازاي يعني !!
نورا : عشان جبت سيرة الهانم بتاعتك
عمر : لا ادخلي بيتكوا قبل متعصب اكتر من كدة
نورا : هدخل ي عمر ... مش انت زعلان عليها اوي روح ارجعلها
( تدمع عينها )
عمر : ارجع لمين انتي متخلقة
نورا : انت مش شايف نفسك عامل ازاي لما اتكلمت عليها !!
عمر : عشان كل الي انتى بتفكري فيه غلط ومش موجود .. ليه عاوزة توجعيني وخلاص .. موضوع وخلص من سنين وقلتلك كنا زفت عيال بترجعي الي فات ليه .. لازم اقولك اني مبحبش اجيب سيرة الموضوع دة اصلا .. لازم اقولك .. لازم ؟؟
نورا : للدرجة دي كنت بتحبها ؟!!
عمر : كنت .. كنت اوك وكنت عيل ومش فاهم حاجة لعبة وشبطت فيها وانا قايلك بالتفصيل مخبتش عليكي حاجة .. وقلتلك ان انتى وبس الي ف قلبي دلوقتي
( تنزل دموع نورا )
عمر : استغفر الله العظيم ي رب .. ارتحتي كدة .. ارتحتي لما عيطي ونكدتي عليا
( متردش بتنزل دموعها .. يمسحلها )
عمر : بطلي عياط
نورا : انا من ساعة م عرفت الي كان بينكم وانا عايشة ف توتر
عمر : ليه بس
نورا : حاسة انها هتاخدك مني

[ام رونزا]

الحلقة العاشرة { ١٠ }
عمر : انتى هبلة انا لو لسة عاوزها مكنتش سيبتها اصلاً كنت فضلت معاها .. او لو لسة بحبها زي م انتى فاكرة مكنتش ارتبطت بيكي .. انا لما عرفتك نستيني الدنيا كلها .. دة انا بقولك بحسب بالثانية عشان ييجي اليوم الي نبقى فيه مع بعض ف بيت واحد .. مين دي الي تقدر تاخدني منك ؟!!!
نورا : يعني انت مش ممكن تحن ليها وتسيبني
عمر : وربنا هبلة انا بحب واحدة هبلة
( تذيد ف العياط )
نورا ب عياط : انا مبقتش اقدر استغنى عنك .. مش هتحمل انك تسيبني ي عمر صدقني ممكن اموت فيها
عمر : بالله عليكي بطلي عياط اقسم بالله م هسيبك ولا انا اقدر استغنى عنك .. انا كان نفسي تعرفي انتى اد ايه حاجة غالية عندي وتعرفي ان عمر م اقدر ابعد عنك .. انتى بقيتي النفس الي طالع مني .. اقسم بالله انا الي من غيرك اموت
( ياخد دماغها ف حضنه ، تذيد ف العياط )
عمر : بطلي بقا بطلي عياط قبل م نتقفش ع السلم وتبقا ليلتنا فل
نورا : هههههه
( تعدي الايام ، عمر بيكلم نورا ف الفون )
نورا : م تقول يا عمر مفاجأه ايه ؟
عمر : طب هو في حد عندك بالبيت ؟
نورا : لا ماما ومازن لسة ف الشغل
عمر : اوك انا جايلك
نورا : جايلي فين
عمر : دقتين بس مش هطول
نورا : لا ل احسن مازن ييجي انا كنت مرعوبة يوم الكلب
عمر : مش قلتى ف الشغل
نورا : ايوة بس ...........
عمر : م بسش بقا دة دقتين بقولك
نورا : طب ماشي بسرعة طيب
عمر : اوك
( يقفل عمر مع نورا ويفتح الدرج ياخد منه علبه فيها خاتم يحطها ف جيبه ، يروح يخبط ع باب شقة نورا تفتحله يدخل )
نورا : يلا قول مفاجأه ايه ؟؟
عمر : طيب مستعجلة كدة ليه
نورا : يا عمر انت موترني !!!
عمر : طيب مافيش ازيك اتفضل اشرب شاي
نورا : انت اتفضلت وازيك ومعندناش شاي انجز
عمر : يا ساتر ي رب
( يدخل عمر اوضة نورا )
نورا : ي ربي ي عمر رايح فيين
( تدخل وراه )
عمر : بتفرج ع اوضتك
نورا : م انت شوفتها قبل كدة وبعدين يعني ؟؟
( يرن فون نورا )
نورا ب خضة : ي نهار اسود دة مازن
نورا ب توتر : اا الو
مازن : ايوة يا نورا انتى فين ؟
نورا : فين البيت ف البيت اقصد .. هكون فين يعني
مازن : طيب انا هتأخر لو ماما جت متقوللهاش انى مع علاء اوك
نورا : اوك حاضر .. سلام
( تقفل نورا مع مازن )
عمر : في ايه ؟
نورا : مافيش خضني
( يلمح عمر الصندوق الي فيه لعب نورا محطوط ف الارض )
عمر : ايه لعبي دة .. انتى لسة بتلعبي ب لعب ؟!!
نورا : اه فكرتنى كنت عاوزة ارصه دة انا نسيته من وقت العزال
( يمسك عمر الصندوق يحطه ع سرير نورا ويفتحه ويناولها اللعب وهى تحطها ع الرف ، يلمح عمر صورة نورا وعلي ، يمسكها ويبصلها وشه يتقلب لما يفتكر علي )
عمر : نورا
نورا : ثواني
عمر ب زعيق : زفتااااا
( تبصله نورا ب خضة ، يوريها الصورة )
عمر : ايه دة ؟؟؟
( تتصدم نورا لما تشوف الصورة )
نورا ب توتر : دي ااااا .. دااا ...........
عمر ب انفعال : دا ايه م تنطقي
( تتخض نورا من زعيق عمر يبدء يتعصب )
عمر : مش دة الظابط الي جه معايا ڤيلا اكتوبر ؟؟
نورا : اااا اة
عمر : ايه الي مخليه متصور معاكي وقريبين من بعض كدة ؟؟!!!!
نورا : م انا ............
عمر : م انتى ايه .. تعرفيه ؟
( تتوتر نورا اكتر وتخاف )
عمر ب زعيق : م تردي عليااااا ؟؟
نورا : اوك هقولك
عمر : قولي
نورا : كان خطيبي
عمر ب صدمة : لا والله .. خطيبك !!!!!!
نورا : اه
عمر : مقلتليش يعنى انك كنتى مخطوبة قبل كدة
نورا : ماااا مجتش فرصة بس
عمر : مجاتش فرصة اه .. اعرفك اكتر من 7 شهور ومجاتش فرصة .. مع انى سألتك قبل كدة وقلتيلي لا ..

المفروض انى اصدق الكلام دة ؟؟
نورا : عمر دة كان ماضي وعدى خلاص
عمر ب زعيق : هتستهبلي اهلي لما هو ماضي معاكى صورته لييييه
نورا : مش عارفة جت منين !!
عمر : لا ف دي عندك حق .. ي ترى جت منين
نورا : والله م اعرف
عمر : وانتى بقا الخاينة الي كان بيحكي عنها ؟؟
نورا : لا انا مش خاينة يا عمر
( تبتدي نورا تعيط )
عمر : يعني انتى الي بيحكي عنها ؟
نورا : ايوة بس انا مخنتوش والله
عمر : لا وعملالي فيها مؤدبة ومعلش يا عمر وانا بصدق زى الاهبل
نورا : لانى فعلا مش كدة
عمر : ولسة بتجري وراه كمان .. وبتروحيله شغله وبتتقابله وبتتحايلي عليه يرجعلك وهو مش راضي يعنى كمان معندكيش دم
نورا : لا مش صح الي قاله انا ............
عمر : كنتى متفقة بقا معاه انوا يجيلك ع هناك ؟؟
نورا : لا والله ابداً انا اتفاجأت ب وجوده
عمر : طبعاً لازم تتفاجأي .. حبيبك الاولاني وحبيبك التانى ماس كهربائي دة بالنسبالك .. قصدي كنت حبيبك دة لو اصلاً كنت بالنسبالك حبيب .. للدرجة دى انتى شيفانى بريالة وسهل يضحك عليا .. باين اوى عليا كدة ؟؟
نورا ب عياط : والله م ضحكت عليك يا عمر
عمر : كمان كدابة .. اومال تسمي الي عملتيه دة ايه .. بتتسلي مثلاً .. بتجربي تنسيه بيا ولا تغيظيه عشان يرجعلك ؟
نورا : انا ...........
( يطلع عمر م الاوضة ، تجري وراه نورا )
نورا : يا عمر استنى
( تمسك ايده يزقها )
عمر : اوعي .. من بعد انهاردة ملكيش دعوة بيا ولا تتصلي ع رقمي ولا تخبطي ع شقتى ولا تبصيلي حتى ف شارع تبعدى عنى خالص
نورا : ليه كدة
عمر ب انفعال : عشان مش بت صايعة زيك تضحك عليا وتستهبلني
( تتخض نورا )
نورا : انا صايعة يا عمر
عمر : انتى انيل من كدة .. خليني مراعي مشاعرك ك بنت احسن .. دة لو اصلاً عندك مشاعر
( يمشي عمر يقرب ع باب الشقة تمسكه نورا م التيشيرت )
نورا : استنى والنبي
عمر وهو بيلف ويضربها بالقلم : قلتلك ابعدي عني بقا
( تتصدم نورا ، يمشي عمر يدخل شقتهم يجري ع اوضته يقعد ع طرف السرير ، تدخل عليه بسنت )
بسنت : عملت ايه فرحنى .. عمر مالك ؟!!!
( عمر عينه مدمعة ووشه احمر وع اخره ، تقعد جنبه بسنت )
نورا : هى مرضتش تاخده موافقتش
( يطلع عمر العلبة الي فيها الخاتم من جيبه ، يفضل يفتح ويقفل فيها )
بسنت : م ترد عليا يا عمر .. حصل ايه ؟؟
( عمر عمال يفتكر علي وكلامه ع نورا لما قال انها لسة عاوزة ترجعله وبتقابله وانها مش كويسة وخانته مرة وتقدر تخون تانى ، يحدف عمر العلبة ف الحيطة تنزل مكتسرة ، تتخض بسنت ، يبتدي عمر يعيط )
بسنت : مالك
( يترمي عمر ف حضن بسنت ويقعد يعيط ب حرقه )
بسنت : لو تقولي حصل ايه بس !!!
( نورا قاعدة ف الارض حاطة ايدها ع خدها وعماله تعيط )
نورا : ليه بس كدة .. ليه مقلتلوش م الاول مكانش حصل كل دة .. كان لازم تقوليله ليه كدبتى ليه كدبتي
( بعد شوية ، عمر نايم ع السرير وجنبيه بسنت )
بسنت : انا كنت اعرفها من فترة قصير اه .. لكن عمري م سمعت عنها حاجة وحشة .. ولما سألتها قبل كدة كانت مخطوبة او مرتبطة قالتلي لا
عمر : عشان كدابة .. انا بس ايه الي عملته ف دنيتى عشان يحصل معايا كدة .. طب كانت قالتلي وادتنى حرية الاختيار .. والله م كنت هسيبها كنت هتأكد من الموضوع واعرف حصل ايه بالظبط .. لكن تكدب عليا .. طب ليه .. انا عمري م كدبت عليها ف حاجة .. ولا عمري خنتها ولا جرحتها .. قدرت تعمل فيا كدة .. للدرجة دي انا كنت ولا حاجة بالنسبالها .. دة انا محبتش حد قدها
بسنت : طب م تديها فرصة يا عمر
عمر : خلاص بعد ايه .. الي حصل حصل .. انتى مشفتهوش كان بيتكلم عليها ازاى .. مشفتهوش وهو بيتكلم ع خيانتها ومقبلاتهم ؟؟
بسنت : ايوة بس يمكن هو كان بيتسلى
عمر : كانوا مخطوبين .. مخطوبين وخانته .. اومال كانت بتعمل ايه معاه بقا لما خطيبته وبتخونه وف الشقة الي هيتجوزوا فيها .. كانت علاقتهم ب بعض عاملة ازاي دول .. شوفتى بجاحة اكتر من كدة
( يرن فون بسنت )
بسنت : دي نورا
( ترد بسنت )
بسنت : الو
نورا : ايوة ي بسنت
بسنت : ايه ي نورا
( متنسوش اللايك ورأيكم )

[ام رونزا]

الحلقة الحادية عشر { ١١ }
نورا : عمر قالك حصل ايه ؟؟
بسنت : ايوة قالي .. انا مش لما سألتك قبل كدة قلتيلي مش مرتبطة يا نورا ؟؟
نورا : ايوة ماضي ومبحبش اجيب سيرته
بسنت : بس ماضي بالشكل دة كان لازم تجيبي سيرته انتى عارفة عمر مبيكرهش قد الكدب وانتى كدبتى عليه
نورا : عارفة انى كدبت بس والله غصب عنى .. خفت يسيبنى بس
بسنت : وايه الفرق دلوقتي .. اهو سابك يا نورا
( تسكت نورا وتنزل دموعها )
نورا : يعنى خلاص كدة
( بسنت تبص ل عمر ، عمر قاعد ع السرير باصص قدامه وعينه مدمعة ، تشاوله بسنت انه يكلم نورا يشاورلها لأ خلاص .. )
نورا : بس انا مكانش قصدي .. والله م كان قصدى اكدب
بسنت : دة كان جاي يطلب ايدك يا نورا .. كسرتي فرحته
( تتصدم نورا وتفتكر المفاجأه ، تعيط اكتر )
نورا ب عياط : طب خليه يكلمنى .. هقوله حاجة بس وخلاص كدة
بسنت : مش راضي يا نورا .. معلش
نورا : هو جنبك ؟
بسنت : اه
نورا : طب قوليله ............
( تفتح بسنت مايك الفون )
نورا : انى عمري م حبيت ولا هحب حد قد م حبيته
( عمر سامع الكلام وعينه مدمعة ونورا بتتكلم ب عياط )
نورا : وانى والله م قصدت اجرحه او اكدب عليه .. انا اعتبرته الاول والاخر ف حياتى .. انا مش هقدر اعيش من غيره .. بس انا مش بلومه ع حاجة ان شاء الله يلاقي حد احسن مني
( ميستحملش عمر يسمع تانى ويقوم يطلع برة )
نورا : وانا فعلاً مستاهلش حد زيوا .. سلام
( تقفل نورا مع بسنت وتقعد تعيط ، ينزل عمر الشارع يفضل ماشي وعينه مدمعة ، غصب عنه بيفتكر كل لحظة حلوة بينهم عدت ، تعدي الايام ، مافيش كلام ولا سؤال ، بيشوفوا بعض صدفه ، هى تبص ب وحشة وشوق وهو يبص ب قلب موجوع ومخدوع ، دايماً عيونه تايهة بيدوروا عليها ومش لقينها مع انها دايماً قريبة عمر راجع من برة يدخل الاسنسير تقرب عليه نورا يشوفها داخلة يخرج هو ، يطلع الاسنسير ويطلع عمر ع السلم ، تقف نورا عند باب شقتهم لحد عمر م يطلع ، يطلع عمر ويطلع المفتاح يفتح الباب من غير م يبص عند نورا )
نورا : عمر
( يدخل عمر ويقفل الباب ، تدخل نورا بيتهم )
بسنت : عمر
عمر : نعم ؟
بسنت : اطلع ل خالوا عايزك
عمر : اوك
( يطلع عمر يخبط ع الباب يفتحله خاله )
عمر : بسنت قالت انك عايزنى
الخال : طب ادخل مستعجل كدة ليه
( يدخل عمر ، مريم قاعدة مع رونى )
رونى : مش تسلم ي بنى داخل ع كفار
عمر : عاملين ايه ؟
رونى : تمام انت ازيك ؟
عمر : كويس
الخال : تعالى
( يروح عمر ورا خاله يقعده ف الانتريه )
الخال : ايه مالك ؟
عمر : ماليش لسة جاي م الجامعة وتعبان
الخال : مبقتش بتطلع ولا بتسأل زى الاول !!!
عمر : الامتحانات شغالة ولهيانى
( مريم قاعدة عمالة تتكلم مع رونى )
مريم : وبعدين ؟؟
رونى : بس بعد اما انتوا مشيتوا م الفرح عمتك هبة سألتنى عليها
مريم : ليه ؟
رونى : طلعت تعرفها
مريم : لا والله تعرفها منين دى
رونى : كانت جارتهم قبل م يسكنوا هنا
مريم : اهاااا
رونى : قالتلي بلاوى
مريم : بلاوى ايه ؟؟؟
( تحكي رونى ع كل حاجة وعن اخو نورا )
مريم ب صوت عالي : تعالى يا عمر اسمع
عمر : اسمع ايه ؟!!!
مريم : الي انتوا متصاحبين عليها اخوها مدمن مخدرات وابوها ميت م الحسرة عليه وهى بقا بسم الله ما شاء الله عليها ..
صايعة وسمعتها زفت ف منطقتهم .. يعنى عيلة زى الفل
( يتصدم عمر )
الخال : عرفتى منين كل دة ؟!!
مريم : عمتوا هبة كانت جارتهم ف الشقة القديمة
رونى : لازم تمشوهم م العمارة هيعروها ويبوظوا سمعتها
الخال : بس الشقة ملكهم .. مش كدة يا عمر ؟
عمر : اه .. انا نازل
الخال : م تقعد ي بنى انت لحقت !!
عمر وهو بيقوم : معلش يا خالوا عاوز انام
الخال : ماشي ي حبيبي ع مهلك
( ينزل عمر شقتهم ، يدخل اوضته ، يفضل رايح جاى جاى رايح مستغرب الي سمعه ومصدوم )
عمر : يا ترى في ايه تانى هسمعه عنك .. يا ترى هتصدمينى ب ايه تانى .. ماشي ي نورا
( تعدى الايام ، يطلع عمر عند خاله هو وابوه ويطلب ايد مريم ويحدده ميعاد قري الفاتحة ، ف بيت عمر )
بسنت : ايه الي انت عملته دة يا عمر
عمر : عملت ايه ؟
بسنت : هتقرى فاتحة مريم ازاي ؟!!!!!
عمر : وايه يعنى .. هى بتحبنى وانا عايزها وعارفها ليه منتخطبش
بسنت ب استغراب : انا مبقتش فهماك !!
عمر ب انفعال : مهو انا مش هفضل عايش دور المجروح كتير ماشي
بسنت : يبقى انت بقا الي عاوز تنساها ب حد مش هي
عمر : اياً كان
بسنت : ماشي .. براحتك يا عمر
( يوم قري الفاتحة الصبح ، تنزل مريم تخبط ع باب شقة نورا ، تفتحلها )
نورا : ازيك تعالي
مريم : لا مش جاية ادخل انا جاية اعزمك ع اري فتحتى بالليل
نورا : لا بجد مبروك
مريم : الله يبارك فيكي .. انا خفت عمر يكون معزمكيش ف قلت اعزمك بنفسي اوعي متجيش
نورا : لا طبعاً هاجي
مريم : اوك باي
نورا : باي
( تمشي مريم ، كل دة ونورا متعرفش ان عمر العريس ومريم قاصدة انها متقلهاش تفاصيل عشان تفاجأها ، عمر ف اوضته ، تدخل بسنت )
بسنت : هتطلع بالليل ؟
( يتنهد عمر )
بسنت : انت ليه بتعمل ف نفسك كدة .. دة اصلاً منظر واحد اري فتحته بعد كام ساعة ؟!!!!
عمر : هو المفروض افرح ؟
بسنت ب انفعال : انت بتسألني انااا !!!
عمر ب حزن : انا مش حاسس اني فرحان .. ولا حاسس اني عريس .. حاسس ان رجوعي ل مريم غلطة
بسنت : بس انت محدش غصبك ترجعلها
عمر : عارف
بسنت : انت مبتحبهاش ي عمر .. مبتحبش مريم .. انت بتحب نورا ولسة بتفكر فيها كمان
عمر : كل يوم .. كل ساعة كل دقيقة كل ثانية .. كل لحظة بتمر عليا مبفكرش غير فيها .. عارف ان مش من حقي اعمل كدة واعتبر ل مجرد التفكير اني ابقا خاين ل مريم .. بس غصب عني .. مش عارف مشتقلهاش واحنلها .. هي لسة جوة قلبي .. انا بندم اني اتقدمت ل مريم وانا عارف اني مش هعرف احبها تاني من بعد نورا .. هظلمها معايا .. ولو سيبتها هبقا دمرت حياتها ل تانى مرة لانها بتحبني
بسنت : والحل ؟؟
عمر : مش عارف .. قوليلي حل .. حل يخرجها من قلبي .. حل ينسيهالي .. رغم انها جرحتني بس مش عارف اكرها وافكر ف حياتي انا .. تفكيري ف حياتي مش قادر يخلى منها
( تنزل دموعه )
عمر: انا كل يوم بقوم من نومي بعيط م الاحلام الي بحلمها .. احلم انها رجعتلي وبقت معايا وابقا هطير م الفرحة ف الحلم .. واقوم ملقهاش .. هي دلوقتي بقت مجرد حلم .. كابوس كمان
( بسنت مش عارفة تقول ايه )
عمر : المفروض اعرف غيرها واحبها واتعود عليها .. طب ازاي .. مش هعرف .. قوليلي حل .. قوليلي انا اعمل ايه .. ايه الي انا غلطت فيه .. عشان حبيت بجد .. عشان كل حاجة بتطلع من قلبي
( يقوم يقف )
عمر : انا تعبت .. اقسم بالله تعبت .. انا مش عارف اعيش .. مش عارف اعيش من غيرها .. مش عارف اكرها .. بس كرهت نفسي ع كتر الحب الي حبتهولها وف الاخر تعمل كدة .. عادي كدة .. بكل بساطة .. انا نفسي ابقا زيها كدة ويبقا سهل عندي اني اخون واكدب .. بس انا مش قادر اعمل كدة .. مش عارف .. مش عارف بجد
( تنزل دموعه ، تقوم بسنت تاخده ف حضنها ، يحضنها هو كمان لانه فعلاً محتاج حضنها )
*( دي الي سابت لما غابت جوة مني حاجات كتير دي الوحيدة الي ف غيابها صعب جداً اكون بخير ، صعب اكمل يومي عادي ، صعب حالتي تكون عادية ، مش هعود نفسي عمري اني اعيش مع غيرها هيمش هقول اهي راحت او مسيري الاقي غيرها ، فكرة النسيان دي ممكن تبقا سهلة مع حد غيرها ، دة الي هنساه هو فكرة اني احب غيرها .. )*
( ييجي الليل ، عمر واقف بيلبس وامه عمالة تزغرط ، تستغرب نورا الزغاريط الي من شقة عمر بس تفكر امه بتجامل )
عمر : بردوا مش هتطلعي معايا ؟!
بسنت : لا
عمر : ماشي
( تلبس نورا وتطلع عند مريم ، مريم والبنات قاعدين ف اوضتها معاها لسة بيظبطوها )
مريم : ايه رأيك ي نورا احط انهوا لون روج ؟

[ام رونزا]

الحلقة الثانية عشر { ١٢ }
نورا : دة احلى
مريم : طب تعالي حطهولي .. اومال فين بسنت ؟
رونى : اكيد هتطلع مع العريس
( تستغرب نورا )
نورا : هى بسنت تعرف العريس ؟
روني : بسنت اخت العريس
مريم : انتي متعرفيش انه عمر ولا ايه ؟؟
نورا ب ارتباك : لا .. لا معرفش
مريم : طب يلا حطيلي الروچ
( تمسك نورا الروچ وايدها بتترعش )
نورا : معلش حطيه انتي انا مش بعرف اظبطه
( تمشي نورا )
مريم : رايحة فين ؟؟
نورا : جاية
( تطلع نورا م الاوضة ع برة وعمالة تخبط ف الناس مش عارفة هي رايحة فين ولا حاسة انها ماشية ع الارض اصلا ، تنزل تلاقي عمر ومامته وبباه طالعين )
الام : ازيك ي نورا ؟
نورا : الحمدلله ي طنط .. مبروك ل عمر
( يبصلها عمر )
الام : الله يبارك فيكي ي حببتي عقبالك
نورا : تسلمي
الاب : انتي رايحة فين مش طالعة ؟
نورا : لا طالعة ي عمو بس نسيت الفون تحت هجيبه
الام : مهو ف ايدك ي بنتي
نورا ب ارتباك : اه اه هشحنوا بي واجي
الام : طيب متغبيش بقا
نورا : حاضر
( تجري نورا ع تحت تفتح شقتها وبسنت طالعة من شقتها )
بسنت : نورا !!
( متردش نورا وتدخل ع جوة ، تدخل وراها بسنت )
بسنت : نورا انتي كنتي فوق ؟!!
نورا وهي تقريباً بتلف ف الشقة كلها مش عارفة هي رايحة فين ودموعها بتنزل : اه بس هشحن الفون هشحنه
بسنت : انتي بتعيطي !!!
( تقعد نورا ع السرير وتتفتح ف العياط ، تاخدها بسنت ف حضنها )
بسنت : اهدى خلاص
( فوق ، يقعد عمر وتقعد جنبه مريم هتنفجر م الفرحة والاغاني شغالة وهو قاعد مش مع حد خالص زى م يكون تقضية واجب ونازل ، تحت )
بسنت : لازم تكوني اقوى من كدة انا مش هطلع من غيرك .. مريم اه بنت خالي لكن انا عارفة نيتها السودة كل اما تشوفك ضعيفة هتستقوى هى اكتر
نورا : صدقينى مافيش حاجة الي بينا انتهى .. انا بس اتفاجأت
بسنت : عارفة .. قومي اغسلي وشك خلينا نطلع نفرسها اكتر
( تقوم نورا تغسل وشها وتطلع هى وبسنت يقعدوا ، تشتغل اغانى وتصمم رونى انها تقوم نورا ترقص )
بسنت : سيبيها ي روني
نورا : يا رونى مش عايزة مبعرفش
رونى : لا هتقومي يلا
( تقرب ام مريم )
ام مريم : يلا قوموا ارقصوا انتوا جايين تقعدوا ي بنات
( تشد رونى ايد نورا وتوقفها ف نص المكان عشان ترقص ، تتحرج نورا وعمر يتخض )
رونى : يلا ارقصي شغلتلك الاغنية الي مريم بتحبها
( تشتغل الاغنية و تبدء نورا ترقص بس خلاص دموعها هتنزل ، يتخنق عمر ويقوم من جنب مريم )
مريم : رايح فين ؟!!
( يدخل عمر البلكونة ، توقف نورا رقص وتمشي )
رونى : هى لحقت
بسنت ب غيظ : اهمدي بقا
( تنزل نورا شقتهم وتتفتح ف العياط ، تعدي الايام ، تطلع نورا البلكونة ، عمر واقف ساند ع السور ، يشوفها تبصله ويفضل باصصلها ، يضير وشه ويدخل جوة ويقفل ، تنزل دموعها )
*( ما وحشناااااك ، يلي غايب عننا ، يلي ناسي حبنا ، ما وحشناااااك ، لا تكابر ف الهوااا ، خلينا نبقى سواااا ، قلبي دايب وانت غايب عن غلااااااك ، انا وقلبي نسألك منهو فينا زعلك ، انت قاسي ولا ناسي حبي يا أجمل ملاااااك ، صعب ننسااااااك ، غبت لحظة او سنة مالنا الا بعضنا ، صعب ننساك .. )*
( نورا قاعدة ف اوضتها ، يخبط الباب ، تقوم تفتح يدخل مازن )
مازن : ماما جت ؟
نورا : لا لسة
مازن : طب كويس
( يمسك الفون )
مازن : الو .. اطلع يلا
( يقفل )
نورا : حد جاي ؟
مازن : اه علاء
نورا ب خضة : علاء تانى ي مازن انت ايه حكايتك معاه اليومين دول
مازن : وانتى مالك ملكيش دعوة تخشي اوضتك وتسكتى
نورا : انت رجعت تشرب تانى ؟؟؟!!!
مازن : لا طبعاً
نورا : ماما لو عرفت انك بتدخل علاء هنا هتبقى كارثة
مازن : حسك عينك تجيبلها سيرة
( يخبط الباب )
مازن : خشي جوة يلا
( تدخل نورا اوضتها وتقفل عليها الباب وتقعد مرعوبة ، يفتح مازن ل صاحبه )
مازن : ادخل
علاء : امك هنا ؟
مازن : لا يا عم ف الشغل
علاء : اه والنبي احسن دى بتشوفنى يركبها ميت عفريت
مازن : لا مش هنا تعالى
( يدخل مازن اوضته ووراه علاء ، يقعده ، يطلع علاء من جيبه كيس فيه بودرة )
علاء : مش عاوز ؟
مازن : لا يا عم بطلنا الكلام دة وبعدين انا قلتلك متجبش معاك حاجة زى كدة هنا
علاء : دى كانت ع السكة بس .. م تجرب طيب
مازن : جربت كتير كفينا خلاص
علاء : طيب براحتك
( يفتح علاء كيس البودرة ويظبطوا ل نفسه ، بعد شوية ، يتفتح باب الشقة وتدخل ام مازن ، تقرب ع اوضة نورا )
الام : بتعملي ايه ؟
( تتخض نورا )
نورا : بذاكر
الام : فين اخوكى ؟
نورا : ف اوضته
الام : طيب
نورا : متدخليش عنده
الام : ليه ؟؟
نورا : معاه واحد صاحبه
الام : طب وايه يعنى
( تروح ام نورا تفتح اوضة مازن ، تشوف علاء )
الام ب خضة : بتعملوا ايه
( يقوموا هما الاتنين مخضوضين )
الام : ايه الي جاب ابن الكلب دة هنا
( تشوف البودرة )
مازن : دة كان جاى بس ...........
الام ب انفعال : تانى يا مازن تانى حرام عليك الطم ع وشي يا ناس
مازن : والله م بتاعي
( توطى ام مازن تمسك جزمتها وتحدفهم بيها )
الام ب زعيق : اطلعوا برة اطلعوا برة انتوا الاتنييييين
( يجري علاء يمشي )
نورا : يا ماما دة جاى يقعد معايا بس
الام : والي قدامه دة اييييه .. ضيعت كل الي حيلتى عشان اعالجه ورجعت تانى
مازن : والله ابداً اقسم بالله م قربت منها دة هو فجأنى انوا جايب معاه بس انا والله م رجعت ليها تانى وحياتك م حصل
الام ب تعب : ااااه اااااه
نورا : ماما مالك ؟؟
( تقع امهم ف الارض يطلبولها الاسعاف وتروح المستشفى ، امهم ف العناية وهما قاعدين برة ، عمر وابوه وامه قاعدين )
بسنت : انا ماشية
الاب : رايحة فين ؟
بسنت : مامت نورا تعبت اوي ونقلوها المستشفى هروح اشوفها
الام : لا بجد .. مقلتيش ليه كنت جيت معاكي
بسنت : دة لسة عارفة من شوية
الاب : قوم روح معاها يا عمر
عمر : اوك
( يقوم عمر يوصل بسنت قدام باب المستشفى )
بسنت : مش هتطلع معايا ؟
عمر : لا
بسنت : عيب يا عمر دة واجب ومازن صاحبك
عمر : بسنت انزلي ومتتأخريش
بسنت : ماشي براحتك
( تزل بسنت م العربية ويستناها عمر فيها ، تطلع تلاقي نورا ومازن قاعدين ، تقرب تسلم عليهم وتقعد جنبيهم ، نورا عمالة تعيط )
بسنت : اهدى كدة .. ان شاء الله هتطلع بالسلامة
نورا : ان شاء الله
( بعد شوية تمشي بسنت وتروح ، يطلع الدكتور )
الدكتور : هتفضل محجوزة هنا لحد حالتها م تستقر
مازن : طب هى عاملة ايه ؟
الدكتور : حالتها متطمنش .. انتوا روحوا واحنا واخدين بالنا منها
( يمشي مازن ونورا يروحوا البيت ، يقعد مازن ف الانتريه وتنزل دموعه ، تقرب عليه نورا )
نورا : متزعلش .. هتبقى كويسة وترجع تزعقلنا تانى وصوتها يملى البيت
( يعيط مازن اكتر )
مازن : انا السبب
( تاخده نورا ف حضنها )
نورا : لا يا حبيبي انت ملكش دعوة .. ربنا عاوز كدة
( تفضل ام نورا محجوزة بالمستشفى ونورا بتروحلها كل يوم تطمن عليها ، عمر ومريم قاعدين ف كافيه )
مريم : عمر .. انت ي بنى !!
عمر : ايه ي نورا ي مريم
( متنسوش اللايك ورأيكم )

[ام رونزا]

الحلقة الثالثة عشر { ١٣ }
مريم ب انفعال : سرحان فيها ع كدة
عمر : مش سرحان ف حد وبالله عليكي انا مش حمل مناقشات
مريم : ماشي يا عمر .. هنتخطب امتى ؟
عمر : م احنا مخطوبين
مريم : متستهبلش يا عمر احنا مقري فتحتنا لكن امتى الخطوبة ؟
عمر : لما ربنا يسهل
مريم : امتى يعنى ؟؟
عمر : لما اخلص امتحانات
مريم ب انفعال : نااااااااااااااعم
( تتخض مريم وتهز الترابيزة )
عمر : ايه يا بنت الهبلة وقعتى العصير
مريم : امتحانات ايه حرام عليك عاوزنى استنى شهرين اومال عبال م نتجوز اقعد اد ايه ؟؟
عمر : وانتي مستعجلة ع ايه دول شهرين مش سنتين ولا عيزانى اسقط وتطري تستنى سنة كاملة لما اعيدها
مريم : لا والله دلوقتى بقت خطوبتنا هتسقطك وتعيدك السنة ؟؟ بس ماشي يا عمر انا معاك للاخر
عمر : قومى نروح
( يقوم عمر ومريم يروحوا ، عمر يقابل صحابه وهو طالع )
عمر : اطلعي انتى وانا هقف شوية تحت
مريم : الساعة 10 !!
عمر : اطلعي يا مريم
مريم : ماشي
( تطلع مريم ، يقف عمر مع صحابه ع اول الشارع ، واحد من صحابه يشوف نورا جاية )
عبد الله : بفكر اخطب اجدعان
باسم : يا عم اتنيل
عمر : لما امك تمنع المصروف الاول
( يضحك الكل ، عمر يشوف نورا جاية من بعيد )
عمر : انا طالع
باسم : لحقت ي بنى !!
عمر : معلش ورايا جامعة الصبح تصبحوا ع خير
الكل : وانت من اهله
( يطلع عمر ، تعدي نورا من جنب صحابه وشها ف الارض جاية م المستشفى ، عبد الله يقف قدامها يوقفها )
عبد الله : انتى ايه رايك ؟
باسم : اه ابتدينا
نورا : عدينى
اسامة : مبلاش دي يا عبد الله لتتكسر منك
( يضحك الكل ويتريقوا ، يبص عبد الله ل نورا )
عبد الله : ليه ان شاء الله مصنوعة ف الصين
( نورا واقفة وشها ف الارض وعنيها مدمعة عاوزة تعدى ومش راضي عبدالله يعديها )
نورا : وبعدين طيب ؟؟
عبد الله : واقفين مع بعض شوية مالك
نورا : انت تعرفنى عشان تقف معايا ؟
عبد الله : طبعاً اعرفك وهل يخفى القمر
باسم : عبدالله عديها عشان ميحصلش مشكلة
عبد الله : ومين ان شاء الله الي هيعمل معايا مشكلة ؟؟
اسامة : يعنى مش عارف مين ؟
عبد الله : اااااه لا يا بابا عمر خلاص سلت ايده منها .. وبعدين دة راجل خاطب دلوقتى مش فاضي للتسالي
نورا : ع فكرة لو معدتنيش هفرج عليك الشارع
عبد الله : ي جامد انت يا بلطجي .. طب احلفي كدة
نورا : والله
عبد الله : طب حلفان ع حلفانك مش هتعدي قبل م اخطفلي حاجة
اسامة : يخربيتك
( ترجع نورا ل ورا يقرب عليها تمشي قدام يقف قدامها ، تنزل دموع نورا )
باسم : لم نفسك بقا اعبد الله خلتها تعيط
عبد الله : لا دة انا امسح دموعك بقا
( يهزر عبد الله ويقرب مرة واحدة ع نورا يمسكها من هدومها ، تتخض وتديله بالقلم من قوة الضربة يتخبط ف باسم )
باسم : قلتلك اهمد بقا
عبد الله ب عصبية : يا بنت الكلب
( باسم ماسك عبد الله عاوز يضرب نورا ، تخاف نورا لسة هتجري يمسكها عبد الله من وسطها تصوت ، يزقها ع العربية عاوز يبوسها غصب عنها ، يعدى ابو عمر ب عربيته يشوفهم ينزل منها ، يجري باسم واسامة لما يشوفوه )
يسري ب زهول : ولا ي عبد الله
( يتخض عبد الله ، تجري نورا ع البيت مفلوقة م العياط ومخضوضة )
يسري : انت اجننت يلا انت !!!!
عبد الله : كنت بهزر معاها بس
يسري : هتستهبل
عبد الله : والله
يسري : انا ليا كلام مع ابوك شكلك عاوز تربية من جديد
عبد الله : يا عم يسري اسف والله
( يركب ابو عمر عربيته ويروح ، تدخل نورا شقتهم مفلوقة م العياط ، يقرب باسم واسامة ع عبد الله )
عبد الله : مافيش اوطى منكم خلعتوا لما شوفتوه
باسم : عشان قلنالك بلاش
عبد الله : اهو دلوقتى يفضحنى ويقول ل ابويا
باسم ب ضحك : هتتنفخ
اسامة : تستاهل عشان انت زودتها معاها
عبد الله : يا عم دى بنت صايعة
اسامة : صايعة ولا مؤدبة انت مالك بيها
عبد الله : مهو متوصي عليها
( يدخل ابو عمر البيت ع اخره )
الام : مالك ي يسري ؟
الاب ب عصبية : الحيوان عبد الله
الام : ماله ؟؟
( يحكى ابو عمر ع الي حصل وطبعاً عمر قاعد سامع كل حاجة )
الام : ازاى يعمل كدة دة مبقاش في احترام خلاص
بسنت : هروح اشوفها
( تروح بسنت عند نورا ، عمر قاعد ع اخره ، يقوم يفتح باب الشقة وينزل الشارع ، صحابه لسة واقفين ، يقرب ع عبدالله وفجأة يديله بوكس يوقعه ف الارض وينزل يكمل عليه ، يتلم عليهم الشارع مش عارفين يسلكوهم ، بسنت قاعدة مع نورا )
بسنت : روقي بقا بابا هيقول ل بباه .. ايه الصوت دة ؟!!
نورا ب استغراب : صوت زعيق !!
( تطلع بسنت البلكونة وتدخل ف ساعتها )
بسنت ب خضة : عمر بيتعارك
نورا : لا بجد !!!
( يطلعوا تانى البلكونة ، ينزل ابو عمر يسلكهم من بعض وييجي ابو عبد الله )
عبد الله ب انفعال : لما هى تهمك اوى كدة رحت خطبت بت خالك وسيبتها ليه
عمر : وانت مال امك
بسنت : شكلهم بيتخانقوا عشانك
نورا : عشانى !!!
بسنت : ايوة بابا قال ع الي حصل من عبدالله وكان عمر قاعد
( تفرح نورا ان لسة عمر بيحبها وبيدافع عنها وتضايق ف نفس الوقت عشان بيتعارك )
عبد الله : بت صايعة زى دى تعمل مابينا كدة !!!
عمر : متشتمش عليها بدل م اطلع روح اهلك
ابو عبد الله : عاجبك الي بيعمله ابنك دة
ابو عمر : خلصنا انت و هو امشي يا عمر بقا
( ابو عبد الله ماسك ابنه وابو عمر ماسك عمر بالعافية ويطلعوا ويفضوا الحكاية )
الاب : مكانش في داعي لكل دة يا عمر انا كنت هقول ل ابوه
عمر : كان هيعمل ايه يعنى ابوه .. ولا حاجة
( بسنت قاعدة مع نورا )
بسنت : هروح اشوف عمر
نورا : اوك طمنينى والنبي
بسنت : حاضر باي
نورا : باي
( تدخل بسنت ل عمر )
بسنت : ايه يا عم هيرقليز
عمر : ايه يختى
بسنت : وبعدين معاك ؟؟
عمر : عاوزة ايه ؟
بسنت : ايه الي خلاك تضرب عبد الله عشان نورا ؟
عمر : اضايقت من الي سمعته مش اكتر
بسنت : وربنا انت لسة بتحبها
عمر : ومين قالك انى بكرها
بسنت : انت فاهم قصدى
عمر : طب روحى اتخمدى
بسنت : م ترجعلها بقا يا عمر وفكك من مريم
عمر : حاضر بكرة لما اقوم م النوم هرجعلها
بسنت : بتتريق عليا
عمر : طبعاً
بسنت : ماشي يا عمر
( تدق الساعة 12 ، يوصل مازن البيت )
نورا : ايه الي اخرك كدة ؟
مازن : كنت بشوف ماما
نورا : م انا رحتلها بردوا
مازن : قالولك انها طالعة بكرة ؟
نورا : لا بجد طالعة مقالوش حاجة
مازن : لا يستى طالعة بكرة
نورا : الحمدلله
( يطلع الصبح ، يروح مازن ونورا يجيبوا مامتهم م المستشفى )
الام : مازن
مازن : ايوة يا ماما
الام : انا كلمت خالك هتسافر معاه
مازن : اسافر معاه .. ليه
الام : هتسافر معاه تشتغل هناك
مازن : م انا شغال هنا
الام : الي بقوله يتنفز متناقشنيش وتتعبنى
مازن : حاضر خلاص
( بعد اسبوع ، بيجهز مازن شنطته )
نورا : خلاص هتمشي ؟
مازن : اه

[ام رونزا]

الحلقة الرابعة عشر { ١٤ }
نورا : بس انا مش عوزاك تمشي
مازن : انتى عارفة مش هقدر اناقشها مش ناقص تتعب تانى وابقا السبب
( نورا تحضن مازن وتعيط )
نورا : هتوحشنى اوى
مازن : وانتى كمان .. خلي بالك من نفسك ومن ماما
نورا : حاضر
( يدخل مازن يسلم ع امه ونورا تروح معاه المطار ، نورا راجعة م المطار ، مريم وبسنت واقفين ع باب شقة مريم ، تقف نورا عند باب شقتهم وتطلع المفتاح ، تتكلم مريم ب صوت عالي )
مريم : العمارة لمت والله
بسنت : لمت ايه !!!
( طبعاً نورا سامعة وفاهمة ان الكلام عليها تفضل واقفة )
مريم : تعرفي يا بسنت ان حبيبي وخطيبي عمر كان هياخدلي الدور الي فوق بس انا مردتش صراحة اسكن هنا تانى
بسنت : ليه ؟؟
( تقرب مريم عند السلم ، تشوف نورا وتشوفها بسنت )
مريم : اصل الناس الي ف وشكم ناس صيع
بسنت : بس يا مريم عيب
نورا : والله يا بسنت لو متلميتى ف ليلتك دي ل اكون طالعة جيباكي من شعرك
بسنت : احم هتلم اهو وادخل جوة
نورا : ياريت
بسنت : يلا
مريم : لا مش هتدخلي يا بسنت وانا عايزة اشوف الدكر الي هيطلعلك
نورا : استغفر الله العظيم
( تفتح بسنت الشقة ، تتكلم مريم بالراحة بس نورا تسمعها )
مريم : بنت كلب صحيح
بسنت : احترمي نفسك يخربيتك انا نازلة
( تسمعها نورا تجيب اخرها ، تحدف شنطتها جوة الشقة وتطلع تجيب مريم من شعرها تجرجرها ع تحت )
مريم : ااااااه سيبينى
نورا : عشان انا ساكتة لامك م الصبح هتجيبي سيرة اهلي هطلع روح اهلك
بسنت ف سرها : تستاهل
( نورا تسيب شعر مريم وتنزل فوقيها ضرب تسلكهم بسنت بالعافية وتجري مريم ع فوق وبسنت حايشة نورا )
مريم ب عياط : والله ل اكون مبيتاكي ف القسم انتى وعيلتاااااااااك
بسنت : اطلعي بقا مصدقت عرفت امسكها
نورا : سيبينى يا بسنت
بسنت : اهدى يا نورا خلاص
( تجري مريم ع بيتهم وشها وارم وتدخل نورا وبسنت )
نورا : بنت ستين كلب .. لامؤخذة
بسنت : لا خدي راحتك
نورا : انا اصلاً معبية منها طلعت كل الي فات عليها
بسنت : هي تستاهل .. بس انتى بهدلتيها
نورا : مقدرتش امسك اعصابي .. معقول عمر هيتجوز الحيوانة دى
بسنت : ع جثتى وربنا .. في كدة فكرة ف دماغي
نورا : فكرة ايه ؟
بسنت : هقولك
( عمر جاي م الجامعة ، يشوفه عبد الله يروح يقف قدام عربيته )
عبد الله : وقف وقف
( ينزل عمر م العربية )
عمر : عاوز ايه ؟
عبد الله : عاوز اقولك انى اسف .. الي حصل مني غصب عنى .. انا بس حبيت زيك
عمر ب استغراب : مش فاهم !!!!
عبد الله : بص يا عمر .. انا مش هخسر صحوبيتنا الي بقالها سنين عشان حد مهما كان
عمر : عبد الله ياريت توضح كلامك !!
عبد الله : مريم بنت خالك الي قالتلي اعمل كدة وهتظبطنى مع رونى بنت عمتها
عمر : لا والله
عبد الله : انا قلت هى كدة كدة مبقتش تهمك وهى قالتلى انها بنت مش كويسة يعنى مش هتتكلم اصلاً .. وانا بردوا كنت هغلس عليها شوية مش اكتر بس هي الي استفزتنى لما ضربتى بالقلم .. عشان كدة اتعصبت عليها .. انا قلتلك عشان بس مش عاوز اخسرك ك صاحب .. لو كنت اعرف انها لسة تخصك صدقنى مكنتش هلمسها
عمر : ماشي يا عبد الله حصل خير
عبد الله : يعنى صافي يا لبن ؟
عمر : حليب يا اشطا
عبد الله : اشطا
( يسلموا ع بعض ويطلع عمر ع اخره يقابل مريم ع السلم )
عمر : بنت حلال كنت لسة طالعلك .. مال وشك ؟؟
مريم ب حزن : شفت الشرشوحة الي ساكنة جنبكم عملت ايه فيا
عمر : نورا الي عملت فيكي كدة ؟!!
مريم : ايوة اطلع هاتها من شعرها زى م عملت فيا هاتلي حقي
عمر : انا هطلع اجيبها تكمل عليكى
مريم ب خضة : نعم
عمر : نعم الله عليكي .. بقا متفقة مع عبد الله عليها
مريم : احيه كداب والله
عمر : هو الي كداب .. تعرفي انتى لو مش بنت خالي ي مريم كنت عملت فيكي ايه
مريم : والله كداب ودبسها فيا لما اتخانقتوا
عمر : ع العموم جت سليمة
مريم : اه جت سليمة م انا اضربت
عمر : دة اقل واجب
مريم : وانا الي فكرتك هدافع عني
عمر : لو ليكي حق كنت دافعت عنك
( يقلع عمر الدبلة ويديها ل مريم ، تتخض )
مريم : لا يا عمر بالله عليك
عمر : شوفيلك حجة تقوليها ل ابوكي بدل م اقوله انا
( تقعد مريم ع السلم تعيط ، يطلع عمر بيتهم ، بسنت ف اوضته ، تنده عليه )
بسنت : عمر عوزاك
( يدخل عمر الاوضة )
عمر : نعم ؟
بسنت : في واحد بينادى علينا معرفش مين دة
( يدخل عمر البلكونة ، تقفل عليه بسنت ، يبص عمر م البلكونة ميلاقيش حد )
عمر : مافيش حد ي بنتى .. بسنت افتحي البلكونة بتعملي ايه ؟!!
بسنت : خمسة بس
( تمسك بسنت الفون )
بسنت : اطلعي خلاص .. سلام
( تنام بسنت ع سرير عمر وتتفرج ع التليفزيون )
عمر : افتحى بلاش لعب عيال افتحيييي
نورا : عمر
عمر ب فهم : ااااه هي الحكاية كدة بقا
نورا : م انت مش عاوز تكلمني
عمر ب انفعال : بسنت افتحي البلكونة بدل م اكسرها عليكي
نورا : ممكن بس تهدى وتسمعنى شوية ؟
عمر : عاوزة ايه مني ؟؟
نورا : عوزاك تسمعنى والله م هتخسر حاجة بس
( يتنهد عمر ويسند ع سور البلكونة )
عمر : متفتكريش اى حاجة هتقوليها هتعدي الي فات او حتى هتغيروا
نورا : عارفة .. بس انا مش عايزة اعدى الي فات او اغيروا .. الحاجة الوحيدة الي انا غلطت فيها انى كدبت عليك وكدبت عشان متضعش انت مني .. مش قلتلك انك ممكن تعمل حاجات غصب عنك عشان تحافظ ع حد بتحبه
عمر : وانتى شايفة انك كدة عرفتى تحافظى ؟
نورا : متوقعتش تمشي ب الطريقة دى .. انا فكرت ان بعد الهم الي شوفته الدنيا ضحكتلي معاك .. بس رجعت نكدت عليا تانى كالعادة
عمر : بصي يا نورا .. انا حالياً بحاول اتعود ع حاجات جديدة وانسى الي فات ف ياريت متقلبيش عليا المواجع وتفكرينى .. انتى بالنسبالي ماضي .. ومش الي افتكره واضحك عليه كمان .. انا عمر دموعي م نزلت غير ع الغاليين وقلتهالك قبل كدة .. وللاسف انتى كنتى منهم .. بس خلاص كنتي
( تنزل دموعها )
نورا : طيب ي عمر انا عاوزة اقولك ان الصورة الي انت شوفتها ل علي معايا دى اتحطت غلطة واحنا بنلم حاجاتنا م الشقة القديمة .. ولو انا عارفة انها معايا وقاصدة انها تبقى معايا زى م انت متوقع مكنتش فتحت الصندوق دة قدامك .. بالنسبة ل علي لما جه ڤيلا اكتوبر ف انا والله م كنت اعرف حاجة كانت صدفة مش اكتر وكل الكلام الي قاله وحيااات ربي كدب والانسان دة اصلاً بالنسبالي ماضي .. بس حط نفسك انت مكانى بس .. اخوك يتلم ع صحاب فاسدة يخلوه يدخل ف طريق ملهوش رجوع ويكتر كلام الناس .. يموت اعز الناس ليك .. يموت سندك ف الدنيا م الحسرة عليه .. وف عز م انت مكسور ب كدة وملكش دهر ولا أمان يجيلك حد يمدلك ايده وميهموش كلام الناس .. تحب وتعشق وتتخان .. من طيبتك ف نيتك تسامح بس تتقلب عليك الاية وتبقى انت الي خاين وابن كلب .. تعرف لما بنت تبقى ماشية ف الشارع وشها ف الارض خايفة ترفعه لتشوف نظرة من حد تكسرها اكتر م هي مكسورة .. تعرف لما تمشي وتسمع كلام من شباب تريقة عليك متقدرش انت ك راجل تسمعه وتستحمله .. ولما تبقى قاعد ف امان الله ويتهجم كل يوم والتانى حد ع بيتك عاوزين حق الي بيشربه اخوك بالزوق او بالعافية
( يبصلها عمر )
نورا ب عياط : حسيت قبل كدة كأنك قاعد ف الشارع .. حسيت الاحساس دة .. اكيد ﻷ .. بس انا حسيته كتير لان انا كنت عيشاه .. كنت بدعي اليوم يعدي من قبل م ييجي اصلاً .. لا عارفة يبقا ليا صحاب ولا عارفة اخلي اهلي سندي لان الي كنت معتبراه كدة راح خلاص .. بعدها عرفت بسنت ومرضتش اقولها حاجة خفت تفكرني فعلاً بنت مش كويسة زي تفكير باقي الناس وتبعد عني .. ولما عرفتك نسيت اصلاً نسيت الي فات .. انت نسيتني كل حاجة ي عمر .. انت مجروح انى كدبت عليك وانا بقولك سامحنى انا بجد شوفت كتير .. حياتي كانت سودة .. مكانتش حياة ينفع احكيها .. ومن ساعة م جيت هنا وعرفتك نسيت كل الي فات والله نسيته اقسملك
( يبصلها عمر ساكت وعينه مدمعة ، يقرب ع البلكونة )
نورا : عمر
عمر : بسنت افتحي
نورا : بردوا مش هتسامحنى .. ربنا بيسامح يا عمر
عمر : انا مش ربنا .. افتحي ي زفتة
( متنسوش اللايك ورأيكم ، اخر حلقة )

[ام رونزا]

الحلقة الخامسة عشر والاخيرة { ١٥ }
( تنزل دمعة من عمر ويمسحها ، تنهار نورا م العياط )
نورا : انا تعبت والله تعبت انت ليه كدة
عمر : انتي ادرى انا ليه كدة
نورا : سامح ي اخي
( يسكت عمر )
نورا : عمرك م غلطت ابداً
عمر : ...........
نورا : طيب ماشي
( تطلع نورا تقعد ع سور البلكونة وتطلع رجليها برة ، يشوفها عمر ، يتخض )
عمر : انتى اجننتى بتعملي ايه
نورا : مهو انت مش عاوز تسامحني
عمر : مسامحك خلاص انزلي
نورا : لا مش من قلبك
عمر : يا نورا انزلي وربنا مسامحك انزلي احنا ف السابع يخربيتك هتموتي !!
نورا : مش هحس ب حاجة .. هموت ع طول
عمر : لا هتحسي وهتتوجعي انزلي بقا
نورا ب عياط : وهتفرق ايه م انا طول عمري موجوعة .. طول عمري ف الهم والكسر دي .. لتاني مرة احس ان ليا سند ويضيع .. يعني وجعي مش هيفرق م انا موجوعة وانت بعيد
عمر : يا نورا انزلي عشان خاطري بالله عليكي .. انا كان ليا حق ازعل
نورا : بس مش عاوز تديني فرصة تسامح وانا والله م هقدر اكمل لوحدي وانا حرفياً بقيت لوحدي
( نورا تقرب ل برة شوية وتبص ل تحت )
عمر : يا زفتااااا
( تغمض نورا عينها ، الفرق بين البلكونتين بسيط ينط عمر من ع السور ل بلكونة نورا ، لسة هتنط يحضنها من دهرها ، تتخض نورا تفتح عينها وتمسك ايده )
عمر : انتى اجننتى كنتى هتنطي
نورا : وانا افضل ف الدنيا دي ليه وانت مش جنبي فيها
عمر : انا جنبك .. الي مصبرنى انك قريبة مني .. انا ع طول جنبك
نورا : يعنى مش هتسيبنى تانى ؟
عمر : طب ممكن تدخلي جوة الاول وبعدين ونتكلم
( تدخل نورا رجليها جوة وعمر ماسكها لكن مازالت قاعدة ع السور )
عمر : انتى عارفة انى بحبك وهفضل طول عمري احبك .. بس انا مبكرهش ف حياتى قد الكدب وانتى كدبتى عليا وكدبة صعبة اوي
نورا : والله غصب عنى .. انا مش من عادتى الكدب وعمري م كدبت عليك غير ف دى وبس والله وعشان هحكي اقول ايه الي حصلي صعب يتحكي ي عمر
عمر : لا تحكيلي .. انا كنت اقربلك من انك تخبي كان لازم تحكيلي
نورا : كنت اكيد هييجي عليا الوقت الي احكي فيه مهما طولت بس ملحقتش
عمر : اوك .. حصل خير
نورا : يعنى انت مش زعلان مني ؟
عمر : لا مش زعلان
( تحضن نورا عمر ، تطلع بسنت )
بسنت : دة الموضوع اتطور اوى
عمر : هطلع روحك بس اجيلك
بسنت : المفروض تبوسني عملت معاك واجب
عمر وهو بيبص ل نورا : دة انا ههريكي بوس
نورا : هههههههه
( بعد اسبوع ، بسنت قاعدة مع عمر )
بسنت : اومال امتى يا عمر
عمر : بس يهدى موضوع مريم انا لسة سايبها
بسنت : دة ع اساس انك كنت بتحبها ومحتاج وقت تفصل ؟!!
عمر : مش قصدي كدة متنسيش انها بنت خالي يعنى مش غريبة .. مش عاوز اعمل مشاكل عائلية
بسنت : انا مصدقت انكوا اتصالحتوا ورجعتوا زى الاول .. انتوا نحس صراحة بتشائم
عمر : لا اتفائلي المرة دي
بسنت : ماشي .. ربنا يستر
( بعد شهر وشوية ، يخلص عمر امتحانات هو وبسنت ونورا وياخدوا الاجازة ، الساعة 12 الصبح ، يرن فون نورا )
نورا : الو
عمر : ايه يما انتى لسة نايمة ؟!!
( تبص نورا ف الساعة )
نورا : عمر الساعة 12 الضهر !!!!
عمر : محسسانى انها 8 دى 12 قومي
نورا : انا واخدة الاجازة عشان اناااام
عمر : لا والله
نورا : طبعا
عمر : طب قومي معلش
نورا : انت عاوز تقومني ليه في ايه ؟!!
عمر : امك ف الشغل صح ؟
نورا : ايوة
عمر : قومى افتحي الباب
نورا : لييييه ؟!!
عمر : قومي بقا وبلاش كسل
نورا : حاضر .. اما نشوف اخرتها
( تقوم نورا تفتح الباب تلاقي برة كلوا متزين ب ورد احمر حتى الحيطان )
نورا : ايه دة
عمر : طلعتى ؟
نورا : اه طلعت .. انت الي عامل دة ؟؟؟
عمر : قربي عند السلم الي فوق
( تقرب نورا عند السلم تلاقي عمر قاعد عليه )
نورا : ايه الي عامله دة !!!
عمر : تعالي
( تطلع سلمتين تقعد جنبه ، يمسك ايدها )
عمر : بصي ي ستي .. انا عديت معاكي مرحلة الحب دي .. انا بقيت عاشقك مش بعشقك .. انتى العالم بتاعي .. انتى اختى لما يكون عندي سر اجري اقولهولك .. وابويا اعمل المشكلة وادبسك تشوفيلي حل .. وامي لما اتخنق اهرب ل حضنك .. انا قررت خلاص اتجوزك برضاكي او غصب عنك
نورا ب ضحك : ايه داااا فصلتني لييييه
عمر : هههه معلش
( تترمي ف حضنه ، يلبسها دبلة ، تبتسم نورا )
نورا : تعرف اني بعشقك
عمر : عارف طبعا .. موافقة تتجوزيني ؟؟
نورا : ﻷ
عمر : اشطا اقابل امك امتى ؟
نورا : ههههههه
عمر وهو بيبوس دماغها : بحبك
نورا : وانا كمان بحبك
( تعدي الايام ، يتقدم عمر يخطب نورا رسمي ويحدده ميعاد الفرح ، قبل الفرح ب يوم ، الساعة 6 ونص المغرب ، بسنت ونورا ف اتيليه ، نورا بتقيس فستان الفرح وبتظبطهولها صاحبة الاتيليه ، تدخل مريم )
بسنت : مريم !!!!
مريم : عاملين ايه ؟
بسنت ونورا : كويسين .. تمام
مريم : انا عارفة انكم مستغربين وجودى هنا .. بس انا جاية اتأسفلك ي نورا .. متزعليش مني ع اى حاجة وحشة عملتها معاكي .. انا اسفة بجد
نورا : اعتبري محصلش حاجة احنا اخوات
( تقرب مريم ع نورا وتحضنها )
بسنت : وهيييييييييح
( يدخل عمر يصفر ويسقف )
عمر ب ضحك : قشعرتونى ي جدعان
بسنت : ايه دة ايه الي دخلك هنا
عمر : هو انا دخلت عليكوا الحمام ولا ايه
بسنت : فال وحش انك تشوف العروسة بالفستان ي رخم
عمر : لا ي شيخة ؟!!
نورا : لا عادي انا مش بعتقد بالحاجات دي
بسنت : براحتكم انا قلت
( يقرب عمر ع نورا )
بسنت : تعالي يا ميرو
( تطلع بسنت ومريم ، تفضل البنت تظبط ل نورا الفستان )
عمر : ايه القمر دة
نورا : حلو
عمر : جميلة
نورا : ميرسي .. ايه الي جابك ؟
عمر : دة سؤال !!!
نورا : ههههههههه
عمر : وحشتينى
نورا : وانت كمان
( يقرب عمر ع نورا )
سيرينا : احمممم
عمر : طااااايب هروح انا الشباب مستنينى هنجيب حاجات
نورا : اوك ع مهلك
عمر : خلي بالك من نفسك وانتوا مروحين
نورا : حاضر
عمر : باي
نورا : باي
( يمشي عمر ، تدخل بسنت ومريم )
بسنت : يلا يا سوسو خلصي ورانا حنة ولسة هنجيب حاجات
سيرينا : خلصت خلاص
( تاني يوم ، فرح نورا وعمر ، نورا قاعدة ف الكوشة بتتكلم مع عمر وبتهزر والكل قاعد فرحان ، يقرب شاب يسلم ع عمر ويقف يتكلم معاه ، نورا تلمح علي واقف بعيد باصصلها ، تتخض وتفضل متنحة وهو يفضل باصصلها ، تبص نورا ع عمر تلاقيه ملهي ف الكلام ، ترجع تبص ع علي تلاقيه مشي ، تقعد متوترة )
عمر : حبيبي
نورا : نعم ؟
عمر : عاملك مفاجأه
نورا : ايه ؟؟
عمر : استني
الدي جي : في مفاجأة جامدة جدا للعروس ياريت تقف
( تستغرب نورا وتقف )
الدي جي : في حد عزيز اوي عليكي جايلك من مكان بعيد اوي مخصوص
( تفتكر نورا اخوها )
نورا : مازن
( تنزل دموعها وتنزل م عند الكوشة وتفضل تبص يمين وشمال بتدور ف وشوش كل الناس الموجودة ، يدخل مازن من باب القاعة ، تشوفه نورا ترفع فستانها وتجري عليه يحضنها ويشيلها يلف بيها وتفضل ف حضنه بتعيط فرحانة ب وجوده ويقف يرقص معاها ، بعد شهر ، يرن جرس باب بيت نورا ، تقوم تفتح نورا ، متلاقيش حد ، لسة هتقفل تلاقي ورقة ع الباب ، توطي تاخدها وتدخل ، تفتح الورقة )
المكتوب : انا قلت لو كلمتك مش هتردي عليا او ممكن تفهمينى غلط او اعملك مشكلة .. انا اسف ع اي وجع سببتهولك ف حياتك .. انا لما سيبتك عرفت قيمتك ف حياتى بقيت عاوز ارجعك ليها ب اي طريقة عشان مكانش ليا غيرك .. احتياجى ليكي عماني عن تصرفاتى معملتش حسابي ممكن تسببلك ايه .. انا جيت الفرح عشان كان نفسي اشوفك ب الابيض بس وشوفتك .. انا فعلاً خسرتك .. عمر انسان كويس اوي وبيحبك ويستاهل حبك ليه .. ربنا يوفقكم ف حياتكم ووعد مني من بعد انهاردة مش هزعجك ابدا .. بس سامحينى
..... علي .
( تقفل نورا الورقة )
نورا : مسمحاك
( النهاية )
( متنسوش اللايك ورأيكم ف القصة ، مستنياكم ف الكومنتات )