طاقة الحب مابتستخباش

[سينا]

https://up.kntosa.com/uploads/kntosa.com_03_19_155432492849441.gif
"طاقة الحب مابتستخباش"!!

https://up.kntosa.com/uploads/kntosa.com_29_19_15723087625681.jpg (https://up.kntosa.com/)

جملة ممكن ترد على ٩٠٪‏ من تساؤلاتنا وتلخص خلافاتنا ومشاكلنا اللي محيرانا.
- يا ترى بيحبني ولا لأ؟ --> طاقة الحب مابتستخباش.
- هي قالتلي كده عشان بتكرهني ولا غصب عنها؟ --> طاقة الحب مابتستخباش
-هو يقصد يطلع منظري وحش قدام الناس؟ -طاقة الحب مابتستخباش.
مفيش شخص جسمه بيطلع ناحيتك طاقة حب من غير ماتوصلك، مش ممكن، مستحيل.
لو صاحبك جايلك منه مشاعر سلبية تجاه نفسك أو الآخرين أو الدنيا يبقى ببساطة مابيحبكش.
لو جوزك بيحسسك إنك قليلة قدام الناس أو قدام نفسك، مابيحبكيش. لو أي حد بيصدرلك أي طاقة غير إيجابية يبقى فيه حاجة غلط.
خطيئتنا كلنا "النفخ في الإرَب المقطوعة" و تكبير الدماغ في الوقت اللي لازم فيه الصوت يعلى بس يعلى بالحق ومن غير ظلم أو تجني.
اتعود ماتصدقش الدنيا لو قالتلك إن فلان ولا فلانة بيحبوك وانت مش شايف ولا حاسس ده.
الصوت اللي جوه مابيكذبش في المواقف دي. لو من غير ماتحس سألت نفسك، "يا ترى فلان بيحبني ولا مابيحبنيش؟" الإجابة: شكراً! مابيحبكش.
الحب صعب قوي يستخبى.
افتكر..
طاقة الحب مابتستخباش

https://up.kntosa.com/uploads/kntosa.com_03_19_155432492856292.gif