المساعد الشخصي الرقمي

مشاهدة النسخة كاملة : محاشى مشكله،محشي بتنجان وكوسه وفلفل بخلطه رهيبه،طريقة عمل محشي باذنجان و كوسة و فلفل


سينا
10-29-2019, 07:59 PM
https://up.kntosa.com/uploads/kntosa.com_03_19_155432492849441.gif
عمركم شفتوا محشي فى 12دقيقه اه والله
بصوا اى اكل الحمد لله مش بياخد وقت معايا لانى منظمه حبتين عارفه مصر فيها حبة ماميز لا يعلي عليهم
بس خدونى جمبكم
انهارده عملت محشي بتنجان وكوسه وفلفل
اعمل ايه بقي قبليها بيوم واحده ربنا يوسع رزقها بتقور البتنجان مش عيب اريح نفسي ورايا

توصيل مدرسه ودروس ومذاكره وتمارين ويوم جميل
فبستفاد من وقتى وافتح باب رزق لواحده حتى لو البتنجان كبير ومش عجبنى مش بكسر بخاطرها بخده منها
واوقات بكون فاضيه انقي اللى يعجبنى واقوره انا او هيا
المهم ادى المحشي نفسه جاهز علي الغسل والحشو
التخديعه بقي اى وقت بطبخ بشيل شويه بصل علي الفريزر شويه عصير اذود وعلي الفريزر
وبفرم بصل بذود كام بصله وعلي الفريزر
ولو فاضيه بعمل التخديعه وعلي الفريزر
بعمل سلطه اذود كام حزمه وعلي الصح الفريزر وعندى جهاز السلطه بعمل بيه الخضره فى ثوانى
وببشر بيه الجزر والملوخيه وحاجات كتيير
شويه شوربه بط لحوم علي كيس فى الفريزر لا صحصحوا معايا خصوصا المامز الصغنيينين
وهكذا كده كده انا واقفه فايه المشكله اذود كيس معايا
بردوه هعمل بانيه اذود لوقت زنقه
يبقي اقوم اصلي الفجر واخرج الشوربه والطماطم عبال نزول المدارس يبقي كله تمام
يا اما اخرج كيس التخديعه جاهز يا اما اعمله
احمر البصل خارج من الفريزر علطول علي حله فيها ليه سايحه وشويه زيت او سمنه احمر البصل وفصين توم
انزل بالصلصله وعليها الخضره بعد ما تتسبك وتوابلك وملحك وشوية نعناع مفروووم
اعذرونى لازم يكون عندى ضمير وانا بحكى
تمام احط الارز المغسول المتصفى واقلب وادوق ملحه
كل ده والظهر ماذنش اشوف بيتى وانظمه واعطره واقرأ وردى محدش واخد منها حاجه غير العمل الطيب
المهم احشي وارص في البطل بتاعي
حللللللللللة الضغغغغغغغغط بطل بطل بتنجز وروووعه برص فيها المحشي
وقبل نزولى للمدرسه بشغلها12
دقيقه فقط لا غير والمحشي يبقي ملبن وبعمل فيها ورق العنب بردوه تحفه
بتخلص وتقلب علي ووورم ياعنى دافي تخيلوا كده معايا
12دقيقه ومحشيك يكون جاهز ولو نازله اجيب الولاد مفيش مشكله برجع الاقيه دافي وجاهز قيسوا
علي كده بقي اكل كتييير
ونخلص والاطباق علي غساله الاطباق
ربنا يدمها علينا نعمه
معندكيش علطول اول باول ايدك فى الحوض
محدش بيجيب كل حاجه فى الاول ياما غسلنا ووقفنا
اخر الكلام استعينوا بالله والتسبيح قبل النوم ذى ما الرسول وصانا
اى جهاز مقدرتك تتحمله هاتيه ووقتك وصحتك ربنا هيسالك عنهم مش هتتسالى وقفتى كام ساعه فى المطبخ هناخد ثواب طبعا بس هتتسالى عن صلاتك ووردك وتربيتك لاولادك وتبعلك لزوجك
علي الاقل برتاح بنسبه 30٪
فى بيت واولاد ومذاكره وتمارين ودروس الله المستعان
طولت عليكم بس قلت افيد غيرى
ولعلها تكون صدقه جاريه عنى وعن امواتنا واموات المسلمين
https://up.kntosa.com/uploads/kntosa.com_29_19_157237133559981.jpg (https://up.kntosa.com/)
https://up.kntosa.com/uploads/kntosa.com_29_19_157237133561532.jpg (https://up.kntosa.com/)
https://up.kntosa.com/uploads/kntosa.com_29_19_157237133563323.jpg (https://up.kntosa.com/)
https://up.kntosa.com/uploads/kntosa.com_29_19_15723713356494.jpg (https://up.kntosa.com/)
https://up.kntosa.com/uploads/kntosa.com_29_19_157237133566385.jpg (https://up.kntosa.com/)
https://up.kntosa.com/uploads/kntosa.com_03_19_155432492856292.gif