طريقة عمل الطحينة الخام،طريقة عمل الطحينة الاصلية،طريقة عمل الطحينة الجاهزة،طريقة عمل الطحينة

[ام رونزا]

https://up.kntosa.com/uploads/kntosa.com_01_19_155416051256211.gif
السلام عليكم يا أهل (منتدى كنتوسه)
تحياتى لكم جميعا أينما كنتم ....النهاردة وصفة سهلة جدا جدا وموفرة جدا جدا
الطحينة فى البيت ولااا أروع
طريقة عمل الطحينة الخام في البيت بطريقة بسيطة،طريقه عمل الطحينه فى البيت زى الجاهزه بالظبط
https://up.kntosa.com/uploads/kntosa.com_08_19_157325558522522.jpg (https://up.kntosa.com/)
المقادير :
كوب ونصف سمسم أبيض _كوب دقيق _كوب زيت ذرة
الطريقة :
*فى طاسة على النار بناخد السمسم تقليبة يادوب يسخن من غير مايغير لونه (علشان الطحينة يبقى لونها فاتح )
*بناخد السمسم ونحطه فى مطحنة التوابل ...شوية شوية ونطحنه كويس قوى لغاية لما يبقى زى العجينة
*بنقلب السمسم على الدقيق كويس ...
وبعدين فى الخلاط حنحط شوية زيت وشوية من خليط( السمسم والدقيق)
ونشغل الخلاط لما كله يختلط كويس ...
وهكذا شوية زيت وشوية من الخليط لغاية لما نخلص الكمية كلها ونضرب فى الخلاط كويس جدا
ونتأكد إن مافيش أى كلكعة أو تكتلات فى الخلاط
*الطحينة كده جاهزة عندنا للاستخدام ....بنحتفظ بيها فى علبة جافة ....وطبعا عند الاستخدام بنقلبها الأول
ملحوظة :
*الطحينة فعلا تحفة وأجمل بكتييير من الجاهزة وكلنا عارفين ان الجاهزة بيبقى فيها كلاكيع فى العلبة من تحت
*بتتحكمى فى قوام الطحينة بكمية الزيت اللى بتضفيها
(يعنى ممكن تزودى عن الكوباية اللى فى المقادير)
*اللى حيقول الزيت بيفصل على الوش ...فده عادى جدا وبنقلبها قبل الاستخدام ...
والطحينة الجاهزة بيكون الزيت فاصل على الوش
*تعالوا نحسب تكلفتها :
_ربع كيلو سمسم (١٥)جنيه خدت منه كوب ونصف ...يعنى تقريبا (١٠)جنيه
_كوب زيت ...لو بتستعملى زيت ذرة كريستال(أحسن نوع ب٢٥جنيه )...
حتاخدى كوب يعنى حوالى (٦جنيه)
_كوب دقيق ...بحوالى (جنيه)
_المجموع ....(١٧)جنيه لكمية أكثر من نصف كيلو طحينة ...
بنشتريها جاهزة ب(٣٥)..يعنى التكلفة النصف تقريبا ....
وحتلاقى اللى بتعمليها أنضف وأحلى بكتييير
*على فكرة الجاهزة نسبة الدقيق فيها أعلى من نسبة السمسم
يااارب تعجبكم وتجربوها ....ومستنية رأيكم ودعواتكم :bsmile (52):
(وما توفيقى إلا بالله)
https://up.kntosa.com/uploads/kntosa.com_08_19_157325558519161.jpg (https://up.kntosa.com/)
https://up.kntosa.com/uploads/kntosa.com_08_19_157325558522522.jpg (https://up.kntosa.com/)
https://up.kntosa.com/uploads/kntosa.com_01_19_155416051257692.gif