طريقة عمل الفتة المصرية بالصور،مكونات الفته المميزه على طريقتى،أرز الفته علي طريقتي والطعم خيال‬‎

[ام رونزا]

https://up.kntosa.com/uploads/kntosa.com_15_18_153962437665071.gif
جيبالكم وصفة بقى ان شاء الله هتعجبكم اوى و كل اللى هيدوقها هينبهر بيها
ما شاء الله اللهم بارك شايفين الجمال و الألوان اللى تفتح النفس
https://up.kntosa.com/uploads/kntosa.com_12_19_157357445165841.jpg (https://up.kntosa.com/)
ب ١/٤ كيلو لحمه مفرومه هنعمل احلى طبق فته
ينفع فى غداء أو حتى عزومه وصفة تجنن و تشرف و فى نفس الوقت مش مكلفة خاااااالص
ان شاء الله تجربوها و تعجبكم و ماتنسونيش فى دعوه حلوه
الفته المميزه على طريقتى
البيتى يكسب
https://up.kntosa.com/uploads/kntosa.com_12_19_157357445174787.jpg (https://up.kntosa.com/)
المقادير :
ربع كيلو لحمه مفرومه و ممكن تزودوا طبعا حسب الرغبه
ملح و فلفل و طبعا تقدروا تضيفوا البهارات اللى تحبوها انا حبيت يبقى طعمها محايد من غير نكهات كتير
زيت
٢ كوب ارز بسمتى مغسول و منقوع حوالى نصف ساعه و متصفى
٢ م ك زبده و ٢ م ك زيت
بصله متوسطه مفرومه ناعم
ملح
م ص كارى
م ص كركم
ماء مغلى
صوص الزبادى :
٢ علبه زبادى كبيره وزن ١٦٠ جرام
٤ م ك طحينة خام
ملح و فلفل
خل و عصير ليمون
٢ فص ثوم مفرومين
مكعبات باذنجان اسود مقليه
مكعبات بطاطس مقليه
عيش لبنانى متقطع مكعبات و مدهون دهنت زيت و متحمص فى الفرن
للتزيين :
بقدونس مفروم
الطريقة :
بالنسبه للحمه المفرومة تقدروا تقدموها بطريقتين ياما تبقى على شكل كور كفته كده زى ما انا عملاها
أو تعصجوها مع شويه عصير طماطم و طماطم مفرومه و يبقى فيها شويه صوص كده فزى ما تحبوا انا هنا جيبت اللحمه
و عجنتها كويس اوى مع الملح و الفلفل و شكلتها كور بحجم متوسط لأنها بتكش شويه فى السوا و فى طاسه فيها شويه زيت
اول ما سخن نزلت بالكفته و اديتها صدمه و لون حلو من الناحيتين و سيبتها تستوى براحتها
بالنسبه للارز هنجيب حله و نحط فيها الزبده و الزيت و اول ما يسخنوا هننزل بالبصله و نشوحها كويس اوى
لغايت ما تاخد اللون الشفاف و بعدين هنضيف الأرز و الملح و الكارى و الكركم و نديهم كلهم
تشويحه حلوه كده مع بعض و بعدين هنضيف المياه المغليه و اول ما يغلى و يتشرب هنهدى عليه
و نسيبه يستوى براحته و بالنسبه لصوص الزبادى بنحط كل المكونات على بعض و نضربهم كويس اوى
بالمضرب السلك اليدوى لغايت ما يبقى القوام ناعم و مفيهوش اى تكتلات
و بنبدأ نقدم الطبق بتاعنا بنحط الأول طبقة من العيش المحمص و بعدين الأرز الاصفر و حاولين داير كرات الكفته
و بعدين شويه من مكعبات البطاطس و الباذنجان المقليين و عالوش صوص الزبادى و رشه بقدونس مفروم
و بالهنا و الشفا
https://up.kntosa.com/uploads/kntosa.com_12_19_157357445165841.jpg (https://up.kntosa.com/)
https://up.kntosa.com/uploads/kntosa.com_12_19_157357445167782.jpg (https://up.kntosa.com/)
https://up.kntosa.com/uploads/kntosa.com_12_19_157357445169153.jpg (https://up.kntosa.com/)
https://up.kntosa.com/uploads/kntosa.com_12_19_157357445170584.jpg (https://up.kntosa.com/)
https://up.kntosa.com/uploads/kntosa.com_12_19_157357445171935.jpg (https://up.kntosa.com/)
https://up.kntosa.com/uploads/kntosa.com_12_19_157357445173336.jpg (https://up.kntosa.com/)
https://up.kntosa.com/uploads/kntosa.com_12_19_157357445174787.jpg (https://up.kntosa.com/)
https://up.kntosa.com/uploads/kntosa.com_12_19_157357445176058.jpg (https://up.kntosa.com/)
https://up.kntosa.com/uploads/kntosa.com_12_19_157357445177589.jpg (https://up.kntosa.com/)
https://up.kntosa.com/uploads/kntosa.com_12_19_1573574451788310.jpg (https://up.kntosa.com/)
https://up.kntosa.com/uploads/kntosa.com_12_19_1573574451800811.jpg (https://up.kntosa.com/)
https://up.kntosa.com/uploads/kntosa.com_15_18_153962437668612.gif