كيكه الشاي هشه ولذيذه بالصور, طريقة عمل كيكة الشاي العادية,كيكة هشه ولذيذه كانها جاهزه

[ام رونزا]

https://up.kntosa.com/uploads/kntosa.com_15_18_153962437665071.gif
حبايبى الحلوين وحشتوني
جيبالكم بقى حاجه مفيش حد مابيحبهاش كبار و صغيرين و لازم تكون موجوده فى كل بيت و بتنقذنا لو جالنا ضيوف
الكيكة اللى دايما مشاكلها كتير و ساعات مش بتظبط معانا
https://up.kntosa.com/uploads/kntosa.com_12_19_157358665809395.jpg (https://up.kntosa.com/)
بس ان شاء الله هتعملوا احلى كيكة و تدعولى
هشه و ناعمه و عاليه و فاتحه و ريحه و طعم رووووووعة و هقولكم على كل التفاصيل اللى تخليها ناجحه بإذن الله
و من اول مره
ما شاء الله اللهم بارك شايفين الجمال
كيكة الشاي السريعة الهشة وبمكون جديد يعطيها طعم تحفة،
https://up.kntosa.com/uploads/kntosa.com_12_19_15735866580522.jpg (https://up.kntosa.com/)
مقادير سهله و بسيطه و كلها من البيت و اقتصاديه جدا
كيكة الشاى اليوميه الهشه جدا
البيتى يكسب
اولا هتكلم على شويه ملاحظات مهمه جدا و تفرق فى نجاح اى كيكة
لازم نتأكد من صلاحيه كل المكونات اللى بنستخدمها و انها طازه و نستخدم نوع سكر كويس
و فاتح علشان الكيكة تبقى فاتحه و مانكترش فى البيكنج بودر علشان ماتغمقش مننا و يفضل تكون المكونات
بتاعتنا بدرجه حراره الغرفه و يفضل استخدام صينيه فاتحه الومنيوم فى الخبز لانها بتوصل الحراره ببطئ
و بتدى نتيجه كويسه فى التسويه لو حسينا انها اخدت لون و كانت لسه ماستوتش يبقى نغطيها
بورقه فويل لو اضطرنا نسوى فى قالب غامق يبقى نحطه على صينيه فاتحه مانفتحش على الكيكة
ابدا قبل مرور من ٢٥ الى ٣٠ دقيقه و نفتح و نقفل سريعا بس من غير ما نهبد باب الفرن و اهم حاجه طبعا
يكون الفرن مظبوط بنشغل الفرن من تحت بس مش شرط خالص المروحه و طبعا الشوايه
لا معظم الكيكات بتستوى على درجه حراره متوسطه اللى هى ١٨٠ طبعا الا انواع معينه
و لازم تدخل فرن سخن مشغلينه من قبل ما نشتغل فيها لو فرننا كان عالى بزياده نقدر نحط صينيه فى قاع الفرن
فيها شويه مياه بحيث تمتص الحراره الزياده دايما بنحط الكيك على الرف الاوسط فى الفرن و لما الكيكة تستوى
يفضل نطفى الفرن و نسيبها ٥ دقائق و بعدين نوارب باب الفرن و نسيبها ٥ دقائق كمان
و بعدين نطلعها على سطح ميكنش ساقع على فوطه مطبخ مثلا و المكان ميكنش فيه اى تيار هوا
المقادير :
٤ بيضات بدرجه حراره الغرفه
كوب و نصف سكر عادى مش بودره بس يفضل يكون ناعم الحبيبات
٣/٤ كوب زيت
كوب لبن اللى هو الحليب
فانيليا
رشه ملح
٢ م ص بيكنج بودر
٢ و ١/٢ كوب دقيق منخول
باكو كريم شانتيه دريم و دى تريكه جديده و مميزه و بتخلى الكيكة هشه بشكل رهيب
و لو مش متوفر تقدروا تستغنوا عنه
م ك خل هندوب فيها ١/٢ م ص بيكنج صودا الخطوه دى بتخلى الكيكة هشه جدا و لونها فاتح
الطريقة :
هنجيب بوله و نحط فيها الدقيق و البيكنج بودر و رشه الملح و باكو الكريم شانتيه و نقلبهم مع بعض كويس
و نسيبهم على جنب و فى الخلاط هنضرب البيض مع السكر و الزيت و اللبن و والفانيليا و الخل
اللى دوبنا فيه البيكنج صودا هنضربهم كويس اوى لغايت ما يهيشوا و لونهم يفتح هناخدهم و نضيفهم
على خليط المواد الجافه و تقلب كويس و نكون مجهزين صينيه مقاس ٢٢ أو ٢٤ سم و ندهنها بالزيت
و معفرنها بالدقيق و نحط فيها خليط الكيك و بندخلها فرن سخن على الرف اللى فى النص
https://up.kntosa.com/uploads/kntosa.com_12_19_157358665803471.jpg (https://up.kntosa.com/)
https://up.kntosa.com/uploads/kntosa.com_12_19_15735866580522.jpg (https://up.kntosa.com/)
https://up.kntosa.com/uploads/kntosa.com_12_19_157358665806473.jpg (https://up.kntosa.com/)
https://up.kntosa.com/uploads/kntosa.com_12_19_157358665808134.jpg (https://up.kntosa.com/)
https://up.kntosa.com/uploads/kntosa.com_12_19_157358665809395.jpg (https://up.kntosa.com/)
https://up.kntosa.com/uploads/kntosa.com_15_18_153962437668612.gif