المساعد الشخصي الرقمي

مشاهدة النسخة كاملة : العيش البيتى الهش جدا من غير فرن، طريقة عمل العيش الشامى فى الطاسة


ام رونزا
11-13-2019, 11:13 PM
https://up.kntosa.com/uploads/kntosa.com_25_18_154577750256275.gif
اخبزوا فى البيت يا حبايبى ريحه الخبيز فى البيت حاجه تانيه خالص بتملى البيت خير و بركه
سواء فى الفرن أو على البوتجاز مفيش حاجه هتوقفنا بإذن الله
جيبالكم بقى عيش رهييييييب طعم و ريحه روووووعه غنى و هش جدا و منتفخ و يجنن
ما شاء الله اللهم بارك شايفين الجمال
https://up.kntosa.com/uploads/kntosa.com_13_19_157367854688923.jpg (https://up.kntosa.com/)

و الحلو فيه انه على البوتجاز و من غير فرن
و هقولكم معلومات كتير عن المخبوزات ان شاء الله الموضوع يعجبكم و يفيدكم
و ماتنسونيش فى دعوه حلوه من القلب لانى بمر بشويه تعب كده الحمدلله على كل حال
مقادير سهله جدا و بسيطه و نتيجه مضمونه بإذن الله
العيش البيتى الهش جدا من غير فرن
البيتى كسب
اول حاجه لازم نختار نوع الدقيق المظبوط سواء سايب أو مغلف من السوبر ماركت
لازم نتأكد انه دقيق ليه عرق و قوى و خاص بالعيش و المخبوزات
دايما لازم نتأكد من صلاحيه كل المنتجات اللى بنستخدمها و خصوصا الخميره
طبعا لو احنا ناسيين أو شاكين انها ممكن تكون مش شغاله لازم نختبرها ازاى اى وصفة مخبوزات بيبقى فيها نسبه سكر
و السكر مهم لأنه يعتبر الغذاء اللى الخميره بتتغذى عليه و كمان بيدى لون و طعم حلو
فى بوله صغيره هناخد مقدار الخميره اللى عندنا و عليه مقدار السكر اللى فى الوصفة
و شويه من السائل الدافئ اللى هنعجن بيها سواء لبن أو مياه و نقلبهم و نغطيهم و نسيبهم ربع ساعه
يتفاعلوا مع بعض لو لقيناها عملت فقاقيع يبقى كده تمام و شغاله لو لا يبقى كده بايظه
و مينفعش نستخدمها حاجه كمان دايما السائل اللى بنعجن بيه لازم يكون دافئ علشان الخميره تشتغل معانا
لأنه لو سخن الخميره هتموت و لو ساقع هتشتغل ببطئ جدا من أهم الحاجات فى المخبوزات
هى العجن و العجن الكتير كمان يبقى مش اقل من ٧ إلى ١٠ دقايق لازم نعجنها كويس اوى لغايت ما نلاقى العجينه بقيت ناعمه
و ملساء و مفيهاش اى تشققات نيجى بقى لنقطة مهمه جدا و هى التخمير العجين دايما بيخمر
على اكتر من مرحله و لازم ندى كل مرحله حقها علشان يدينا نتيجه كويسه اول مره بعد العجن
مفيش وقت معين لأن حسب المكان و الجو العلامه ان حجمها يتضاعف و تانى مره إن إحنا دايما بنقسم العجينه
لأجزاء و دى قبل التشكيل و لازم نغطيهم علشان وشهم ما ينشفش و نسيبهم ربع ساعه مثلا و اخر مره
بعد التشكيل قبل الخبز يعنى بنسيبهم يخمروا لغايت ما يتضاعف حجمهم و فى
ملحوظه مهمه اوى
ما تخمروش المخبوزات زياده عن اللزوم علشان فى الحاله دى لما تدخل الفرن هتهبط
و كمان لما تيجوا تدهنوا الوش لازم تدهنوا بفرشاه بالراحه جدا علشان ماتوقعوش التخمير
أو ببخاخه و دى اضمن لو قلقانين نيجى بقى للتسويه معظم المعجنات بندخلها فرن سخن
من قبل على درجه حراره من متوسطه إلى عاليه و مش بنطول عليها علشان تفضل طريه
و يفضل أثناء الخبز نحط صينيه فيها مياه
المقادير :
١/٢ كيلو دقيق بيتزا و مخبوزات او جميع الاغراض يعنى حوالى ٣ و ١/٢ كوب
م ك خميرة فورية
م ص سكر
م ص ملح
كوب زبادى الكوب اللى بنعاير بيه كوبايه مش علبه
ماء دافئ للعجن
https://up.kntosa.com/uploads/kntosa.com_13_19_157367854685631.jpg (https://up.kntosa.com/)

https://up.kntosa.com/uploads/kntosa.com_13_19_157367854687562.jpg (https://up.kntosa.com/)

https://up.kntosa.com/uploads/kntosa.com_13_19_157367854688923.jpg (https://up.kntosa.com/)

https://up.kntosa.com/uploads/kntosa.com_13_19_157367854690284.jpg (https://up.kntosa.com/)

https://up.kntosa.com/uploads/kntosa.com_13_19_157367854691755.jpg (https://up.kntosa.com/)

https://up.kntosa.com/uploads/kntosa.com_13_19_157367854693096.jpg (https://up.kntosa.com/)

https://up.kntosa.com/uploads/kntosa.com_13_19_157367854694517.jpg (https://up.kntosa.com/)

https://up.kntosa.com/uploads/kntosa.com_13_19_157367854695688.jpg (https://up.kntosa.com/)

https://up.kntosa.com/uploads/kntosa.com_13_19_157367854697089.jpg (https://up.kntosa.com/)


https://up.kntosa.com/uploads/kntosa.com_25_18_15457775025856.gif