مقلوبه خطيره بالصور،طريقة عمل المقلوبة بالفراخ،المقلوبة الخطيرة بالخضار والدجاج روعة

[ام رونزا]

https://up.kntosa.com/uploads/kntosa.com_03_19_155425737241441.gif
انتباه انتباه
ممنوع لاصحاب القلوب الضعيفه
المقلوبه الخطيرة


https://up.kntosa.com/uploads/kntosa.com_15_19_157377799794666.jpg (https://up.kntosa.com/)

طريقتها سهله وبسيطة
هانحتاج: دجاج، باذنجان،بطاطس،فلفل،بصل،رز مصري
توابل لسلق الفراخ:
ورق لورا،حبهان،مستكه،زنجبيل،فلفل اسود وملح، وبصل.
توابل للرز:
معلقه صغيره من كل من كركم،قرفه، بابريكا وربع معلقه صغيره قرنفل مطحون، وطبعا ملح.
طبعا المكونات كميتها حسب عدد الاسره
انا استخدمت كيلو من كلا من الرز والباذنجان والبطاطس
الطريقه:
الاول نسلق الدجاج و يفضل يكون متبل من قبل
والميه تكون مش كتير عشان الشوربة تكون دسمه
ولما استوي دهنته بمعلقة سمن ودخلته يتحمر تحت الشوايه
وكمان بلاش تهري الدجاج في السوا كفايه ربع ساعه بس علي النار.
نقلي في الزيت البطاطس والبصل والفلفل واخيراً الباذنجان
برضوا يدوب يبقي لونهم دهبي مش لازم تسويه جامده
وبعدين نبتدي نرص الطبقات الاول فرشت الحله بورق زبده وكبيت باقي سمن تحمير الفراخ
وبعدين رصيت الباذنجان وعليه الفراخ وباقي الخضروات وبين كل طبقه والثانيه نرش شوية رز عشان الطبقات تمسك شويه
في الاخر نحط باقي كمية الرز ونكون مجهزين الشوربة سخنه وعليها توابل الرز....
نغطي الرز بالشوربه ومعاها قرن فلفل حار ونغطيها وعلي نار عاليه لحد ما الرز يتشرب نسيبه علي نار هاديه خالص
لنصف ساعه
مش بنقلبها علي طول لازم تهدي حوالي نصف ساعه والغطا متهوي شويه
لما نقلبها نسيب الحله مقلوبه شويه عشان نتأكد ان كله نزل
ونقدمها بألف هنا مع سلطه خضرا او فتوش وسلطة زبادي.
اللهم اغفر لي ولوالدي وللمؤمنين والمؤمنات الأحياء منهم والأموات صدقه جاريه على روح امي وابي
https://up.kntosa.com/uploads/kntosa.com_15_19_157377799787571.jpg (https://up.kntosa.com/)
https://up.kntosa.com/uploads/kntosa.com_15_19_157377799789512.jpg (https://up.kntosa.com/)
https://up.kntosa.com/uploads/kntosa.com_15_19_157377799790883.jpg (https://up.kntosa.com/)
https://up.kntosa.com/uploads/kntosa.com_15_19_157377799792184.jpg (https://up.kntosa.com/)
https://up.kntosa.com/uploads/kntosa.com_15_19_157377799793415.jpg (https://up.kntosa.com/)
https://up.kntosa.com/uploads/kntosa.com_15_19_157377799794666.jpg (https://up.kntosa.com/)
https://up.kntosa.com/uploads/kntosa.com_15_19_157377799796027.jpg (https://up.kntosa.com/)
https://up.kntosa.com/uploads/kntosa.com_15_19_157377799797298.jpg (https://up.kntosa.com/)
https://up.kntosa.com/uploads/kntosa.com_03_19_155425737273062.gif