طريقة عمل الشاورما السورية بالبيت،شاورما دجاج الشاورما السوريه،تحدى شاورما دجاج سورى أحلى من المطاعم

[ام رونزا]

https://up.kntosa.com/uploads/kntosa.com_03_19_155432492849441.gif
الميدترم قرب نتلم ونذاكر
ندخل المطبخ ونرفع الشعار البنت ملهاش الا بيت جوزها
الشاورما السوري بقي وهنيم ابو عمار من المغرب
الطريقة..
الفراخ /بنجيب صدور فراخ بانيه الكميه الي احنا عاوزينها ونحطها في التتبيله
الي هي عبارة عن معلقة صغيرة من التوابل دي كلها
(ملح، فلفل اسود، كمون، بابريكا، توم بودر، بصل بودر)ومكعب ماجي وورقتين او تلاته ورق لوري وحبهان ونحط عليهم علبة زبادي ومعلقتين صلصة طماطم وصويا صوص لو متوفر او صوص باربيكيو بيدوا لون وطعم الشوي
شوية وشويه خل ولمونة ونقلب التتبيلة كلها في بعضها ونحط فيها الفراخ ونسيبها تشرب بقي من التتبيلة أقل حاجه 4ساعات ويا سلام بقي لو سبتيها من بالليل بيفرق في الطعم جدا وبعدين هنجيب طاجن يكون صغير عندنا
ونحط فيه بصلاية كبيرة علي أده او بطاطساية ونثبت فيها اعواد من بتاع الشيش دي ونبدأ بقي نرص صدور الفراخ فوق بعضها لحد ما نخلص الكمية وفي الاخر نحط طمطايه او بصلايه هتتشوي ويبقي طعمها جميل وندخلها الفرن ونحط الطاجن في صينية هتاخد تقريبا ساعه ونطلعها بقي ونقطعها بالسكينه كده شرايح ونقطع عليها البصلاية والطمطماية بيدوها طعم حلو جدا
التومية /
بنجيب كوباية مايه ونحط عليها معلقتين نشا ونقلبهم علي البارد علشان ميبقاش فيه
اي كتل وبعدين نحطهم علي النار ونقلب بالمضرب لحد ماتتقل زي المهلبيه كده وتبقي لونها شفاف
مش ابيض علشان طعم النشا يروح منها ونسيبها تبرد ونحط في الكبه معلقة صغيره توم مفروم
او اقل وربع كوبايه زيت و معلقتين خل كبار وعصرة نص لمونه وومعلقتين او تلاته مايونيز
ومعلقتين لبن ونص معلقه صغيرة ملح ونضربهم كويس وننزل عليهم بخليط النشا وندوق
ونشوف السمك الي احنا عاوزينه هيبقي كريمي خالص كده زي بتاع برا.
العيش /
ممكن نعمله في البيت طريقته سهلة جدا والاسهل ان احنا نشتريه
الكلو سلو /
جزر مبشور وكرنب مفيش حطيت خس الجيش قالك اتصرف

ومايونيز وسكر وملح وخل ورشه فلفل اسود بس كده
https://up.kntosa.com/uploads/kntosa.com_15_19_157386165955241.jpg (https://up.kntosa.com/)
https://up.kntosa.com/uploads/kntosa.com_03_19_155432492856292.gif