طريقة عمل المخ البانيه،طريقة طبخ مخ العجل،طريقة عمل المخ المحمر،طريقة عمل المخ زى المحلات

[ام رونزا]

https://up.kntosa.com/uploads/kntosa.com_15_18_153962437665071.gif
احنا اللى هانقعد البرنس وصبحى كابر فى البيت
المخ وجمال المخ وطعامه المخ حاجه كده كرييييييمه كرييييييمه
https://up.kntosa.com/uploads/kntosa.com_06_19_15756751238525.jpg (https://up.kntosa.com/)
صحيت من النوم ع الجزار جرى اول ما خلص دبح العجل خليته كسرلى راسه وطلعلى المخ القمر ده
من جواها سخن وصابح وزى الفل وشيلته بشويش ليتعجن وع البيت جرى
1_ حلتى ع النار تكون حجمها صغير ع قد المخ وفيها مايه وبصلايه مبشوره وجزرايه مبشوره وحبهان وورق لورى
وقرفه وملح ورشه صغيره اوى فلفل اسمر علشان بيسود المخ
واسيبهم يغلوا ويبكبكوا كدا نفسي اشوف وش اللى مش فاهمه يعنى ايه يبكبكبوا
2_ بالراحه يا اوختشى ع المخ امسكيه بايديكى وطبطبى عليه احسن بيتلكك ووسقطيه فى الشوربه اللى بتبكبك
وغطى عليه وهدى النار ع الاخر شمعه ها شمعه وسيبيه عشر دقايق او اقل ياخد نص سوا كده
3_ نطلعه بشووويش ع طبق ونسيه يبرد دقيقتين ودخليه التلاجه او الفريزر لو مستعجله علشان يجمد شويه ويمسك نفسه
ونعرف نقطعه بدل مايتعجن مننا
4_ نصايه ونطلعه ونقطعه بشويش بسكينه شرايح او مكعبات حسب ما تحبى
5_ تكونى بقي محضره ايه طبق ضاربه فى بيضتين بالشوكه كده عليهم شويه توابل فلفل اسمر وملح وكمون
وطبق تانى مصلطح فيه البقسماط الناعم وحاطه طاستك ع النار فيها شويه زيت حلوين لزوم القلى
6_ تاخدى قطعه قطعه تغطسيها فى البيض بتتبيلته وتطلعيها ع طبق البقسماط وفى الزيت المقدوح عدل
وتحطيها وتوطى النار ع الزيت علشان ميتلسعش بسرعه وهكذا لحد ما تخلصى
7_ سلطاتك بقى سلطه طحينه او ثوميه او برنجان مخلل وعيشك واضربى احلى مخ مقلى
احلى من البرنس وصبحى كابر ومضموووون من احلى ايد ست بيت فى الدنيا
تعديل
الناس اللى بتسأل ع غسيله امسكيه بأيدك وغطسي ايدك فى طبق فيه مايه وملح وخل وخرجى ايدك ع طبق
فيه مايه بس وده قبل ما يتسلق طبعا
الناس بتاعت يع وبتاع قومى انجرى اعملى كوبايتين شاى نحبس اللى كلناه
تعديل تانى
انا حاطه صورته وهو نى علشان اللى بتشتريه تعرف شكله وهو صابح بيبقي ازاى
ولونه ابه لان فى لونه بيبقي ابيض مش وردى كده وده بيبقي مش الكويس
سعره فى اغلب الاماكن دلوقتى ٧٠ ج
https://up.kntosa.com/uploads/kntosa.com_06_19_157567512377431.jpg (https://up.kntosa.com/)
ده مخ جمسي صابح وسخن وطالع قدام عينيا من الراس
دى بقى شربه السلق اول ما نزلته جواها الشوربه بصلايه مبشوره وجزرايه مبشوره وورق لورى وحبهان
وروز مارى وفلفل اسمر مش كتير علشان ميغمقش المخ وملحك المظبوط وتكون بتغلى كويس
اوى ونسقط المخ فيها بالراحه وبعد ما تنزلى المخ تهدى النار ع الاخر علشان يتسلق من غير ما يتفرتك
https://up.kntosa.com/uploads/kntosa.com_06_19_15756751237982.jpg (https://up.kntosa.com/)
بعد ما طلع من التلاجه وقطعته شرايح علشان اتبله واقليه
https://up.kntosa.com/uploads/kntosa.com_06_19_157567512381633.jpg (https://up.kntosa.com/)
بعد التتبيله بيض وبقسماط وجاهز ع القلى
https://up.kntosa.com/uploads/kntosa.com_06_19_15756751238364.jpg (https://up.kntosa.com/)
ده بعد ما قليته وفتحتلكم واحده علشان تشوفوا قلبها كرييييمه كريييمه
https://up.kntosa.com/uploads/kntosa.com_06_19_15756751238525.jpg (https://up.kntosa.com/)
بالهنا والشفا
https://up.kntosa.com/uploads/kntosa.com_06_19_157567512387076.jpg (https://up.kntosa.com/)
https://up.kntosa.com/uploads/kntosa.com_15_18_153962437668612.gif