طريقة عمل مكرونة بالكبدة،طريقة عمل طاجن المكرونة بالكبدة زى محلات الكشرى،احلي طبق مكرونة بالكبدة

[ام رونزا]

https://up.kntosa.com/uploads/kntosa.com_15_18_153962437665071.gif
خلصت صلاة الجمعة وكنت جعانة وماليش نفس اكل فول وطعمية طب اسكت لا طبعا .
كان عندي طبق كبدة اسكندراني وطبق مكرونة بايتين من امبارح روحت مطلعهم وتقمصت شخصية مطعم
بابا عبده اللي ف وسط البلد وحطيتهم علي بعض وحطيت عليهم صلصة بشطة ببقي عاملها دايما جنب المكرونة
وسخنتهم وكان احلي طبق مكرونة بالكبدة والله مايفرقوا عن بتاعة بابا عبده حاجة خالص .
https://up.kntosa.com/uploads/kntosa.com_08_19_157580792981083.jpg (https://up.kntosa.com/)

طريقة الكبدة :
بنزل ببصل وتوم واشوحهم في الزيت واطشهم بمعلقة خل واحط الكبدة اسيبها دقيقتين كده

وبعدين اقلب وانزل عليها بالبهارات مكعب مرقة دجاج وفلفل اسمر وكسبرة ناشفة وحبهان وورق لوري

مطحونين وبهارات كبدة وملح واسيبها 10 دقايق وقبل مااطفي بدقيقتين انزل بالفلفل الالوان وبعدين اغرفها .
طريقة المكرونة بالصلصة : بضرب 6 طماطمايات وعليهم كيس صلصة في الخلاط وبعدين في حلة اسخن زيت
وانزل بالصلصة واحط عليها بس مكعب مرقة دجاج وفلفل اسمر وملح ومعلقة بابريكا واسيبها تتسبك
واكون سلقت المكرونة وحاطط عليها معلقة زيت عشان ماتعجنش ولاتلزق ف بعضها واحط الصلصة
واقلبهم علي بعض ويبقي تمام كده .
اكلة خفيفة وسريعة ياجماعة وشهية جدا وبالهنا والشفا .

https://up.kntosa.com/uploads/kntosa.com_08_19_157580792977671.jpg (https://up.kntosa.com/)
https://up.kntosa.com/uploads/kntosa.com_08_19_157580792979562.jpg (https://up.kntosa.com/)
https://up.kntosa.com/uploads/kntosa.com_08_19_157580792981083.jpg (https://up.kntosa.com/)
https://up.kntosa.com/uploads/kntosa.com_15_18_153962437668612.gif