العيش الشمسى الخطوات بالصور،طريقة عمل عيش شمسى خفيف وهش، العيش الشمسى بكل تكاته

[ام رونزا]

https://up.kntosa.com/uploads/kntosa.com_03_19_15542573730637.gif
احب اقولكم لقد فعلتها ده عيش فرن مش عيش شمس
اسهل واسرع طريقه لعمل العيش الشمسى البلدى الصعيدى
https://up.kntosa.com/uploads/kntosa.com_23_20_157977935697411.jpg (https://up.kntosa.com/)
لانه متخمر ف الفرن مش ف الشمس وكمان اخاف اقول عليه عيش شمس لبتوع الصعيد يزعلو
ويزعلوني ده بالنسبالي انجاز فظيع اول مرة اعمل العيش ده ومش هتكون اخر مرة باذن الله
طلع طعمه تحفه ولا يفرق اي حاجه عن اللي بيتعمل ف الصعيد بالظبط الحمدلله
ندخل ف الطريقه كيلو دقيق وعلبة زبادي صغيرة جدا ومعلقة كبيرة خميرة ومايه دافيه قلبت الزبادي والخميرة وشوية دقيق صغيرين
وشوية مايه دافيه مع بعض وسيبتهم لحد ما خمرو كويس وبعدين نخلت عليهم باقي الدقيق
وحطيت معلقتين ملح صغيرين ومايه دافيه وعجنت كله في بعضه وفضلت اعجن لحد ما تعبت
والعجينه كانت طريه وبتلزق بسيط خالص قطعتهم لاربع قطه وكل قطعه في طبق في رده
وسخنت الفرن وطفيته ودخلتهم يخمرو وبعد ما خمرو قلبتهم علي وشهم وشيلت الرده ونفضته كويس من الرده
وسيبته خمر وبعدين قلبته تاني وسيبته خمر وفتحته بالخله من فوق وسخنت فرن البوتجاز جامد
ودخلته بالصاج لحد ما استوي شغلت الشوايه حمرت وشه وبالف هنا علي قلبنا بقي
بالنسبه لموضوع الزبادي عشان هتعلقو عليه واحده صعيديه هنا ف المنتدى
اللي قالت عليه يعني مش من تاليفي وفعلا طلع تحفه وطري وجميل واكيد انا مش بعمل الخطوات مظبوطه
بس ده لاني عمري ماشوفت حد بيعمله نهائي ده كده عن طريق السمع
يارب يعجبكم وما حدش يتريق الله يخليكم
والبنسبه لشكله انا اول مرة كلته من الصعيد كان شكله كده انا حبيت شكله كده
ما حبتش اللي بيتفتح من الجنب انا فتحته من فوق شكل اكس
وطبعا العيش ده مايحلاش من غير ملوخيه فعملتها
https://up.kntosa.com/uploads/kntosa.com_23_20_157977895856811.jpg (https://up.kntosa.com/)
https://up.kntosa.com/uploads/kntosa.com_23_20_157977895858532.jpg (https://up.kntosa.com/)
https://up.kntosa.com/uploads/kntosa.com_23_20_157977895859893.jpg (https://up.kntosa.com/)
https://up.kntosa.com/uploads/kntosa.com_23_20_157977895861224.jpg (https://up.kntosa.com/)
https://up.kntosa.com/uploads/kntosa.com_23_20_157977895862595.jpg (https://up.kntosa.com/)
https://up.kntosa.com/uploads/kntosa.com_23_20_157977895863966.jpg (https://up.kntosa.com/)
https://up.kntosa.com/uploads/kntosa.com_23_20_15797789586557.jpg (https://up.kntosa.com/)
https://up.kntosa.com/uploads/kntosa.com_23_20_157977895867598.jpg (https://up.kntosa.com/)
https://up.kntosa.com/uploads/kntosa.com_23_20_157977895869099.jpg (https://up.kntosa.com/)
https://up.kntosa.com/uploads/kntosa.com_03_19_155425737314858.gif