عيش الطاسة،العيش البيتى على الطاسة بدون فرن في دقائق روعة،طريقه عمل العيش المصري في الطاسه

[ام رونزا]

https://up.kntosa.com/uploads/kntosa.com_03_19_155425737241441.gif
العيش بتاعى ع الطاسه
https://up.kntosa.com/uploads/kntosa.com_27_20_158014268587991.jpg (https://up.kntosa.com/)

الحمدلله وما شاء الله كله طلع منفوخ وجميل جدا وخفيف
الطريقه:
انا عملت كوبايتين دقيق وحتة خميرة بيرة ورشة ملح ورشة سكر وعجنتهم كويس جدا

وسبتهم يخمروا وبعدين قطعتهم كور وكل كورة غلفتها بالدقيق وسبتهم يرتاحوا شويه وبقيت افرد كل كورة رغيف
واسيبه يرتاح شويه وف طاسه تيفال احط الرغيف يتشمع ع الوش الاول واقلبه ع الوش التانى يتشمع بردو وارجعه

ع الاول هلقاه ينفخ ويتكور كده وشكله حلو اوي ويحمر ع الناحيتين ويستوى وبالف هنا
تعديل: اولا بشكركم ع تفاعلكم
ثانيا: يا جماعه العجينة بتكون تخينة وبتخمر كويس والوقت ف خمورها ده حسب الجو اللى محطوطه
فيه وبعد تقطيعها بسيبها ترتاح حبه وبعد فرد كل رغيف بسيبه يرتاح حبه صغيرة ومش بدهن الطاسة اى حاجه
تعديل:
يتشمع ياجماعه يعنى يدوب يشم النار على الناحية الاولى وتقومى قلباه ع طول ع الناحية التانية
*بحط ميه حسب ما العجينة تلم معاكى
*ينفع خميرة فوريه والكميه دى اخدت خميرة بيرة اد فص توم اما لو فوريه تحطى ملعقة صغيرة
*برش دقيق او رده تحته وانا بفرده
*ينفع يتعمل ف الفرن
*وانتى بتسوى العيش ف الطاسه بين كل واحد والتانى امسحى الطاسة من الردة بمنديل مطبخ

عشان الرده بتتحرق وبتحرق العيش من تحت
*الكميه دى عملت ١٦ رغيف حجم صغير
*الناس اللي مستغربة أن كوبايتين دقيق يعملوا الكميه دى
ياجماعة انا عندى كوبايه كبيرة هى اللى عايرت بيها وبعدين هو حجمه صغير بس الكاميرا مكبراه حبه
دى اسئله اتكررت فقلت افيد الكل باجابتها
https://up.kntosa.com/uploads/kntosa.com_03_19_155425737273062.gif