طريقة عمل بسكويت النشادر بالصور،طريقة عمل بسكويت العيد بالنشادر،مكونات بسكويت النشادر

[رايما]

https://up.kntosa.com/uploads/kntosa.com_03_19_155432492849441.gif
السلام عليكم يا(أهل كنتوسه )
تحياتى لكم جميعا أينما كنتم ...
وصفة النهاردة لسه طالعة من الفرن
واتسألت عليها كتيير جدا على الخاص فقولت انزلها تانى لحبايبى الجداد
فى المنتدى بسكويت ولا أجمل ...
بسكويت النشادر بتاعى بفضل الله وصفة ناجحة جدا
https://up.kntosa.com/uploads/kntosa.com_30_20_158039292330766.jpg (https://up.kntosa.com/)
وكل اللى جربها اعتمدها عنده...
المقادير:
كيلو دقيق / ٤يضات/ كوب سمنة/ ربع كوب زيت/
كوبين ونصف سكر مطحون ناعم جدا/ فانيليا/ معلقة صغيرة بيكنج بودر/
معلقة كبيرة نشادر / ربع كوب لبن دافى بسيط/ رشة ملح
الطريقة :
*فى وعاء غويط حنضرب السمن مع السكر بالمضرب حتى يصبح الخليط كريمى ...
ثم نضيف البيض ومعه الفانيليا ....ونضيف البيكنج بودر .
ونستمر فى الضرب
*ندوب النشادر فى اللبن الدافى (الفاتر)ونقلبه كويس بمعلقة خشب
(حنلاحظ فوران) ويتم اضافته الى الخليط السابق ونستمر فى الضرب
الى أن يمتزج الجميع جيدا...
*حنحضر الدقيق المنخول المضاف اليه رشة ملح ....
ونضيفه الى الخليط السابق ونعجن كويس ....باضافة ربع كوب الزيت
(العجينة يابسة الى حد ما)مش بتلزق فى الايد خالص...مهم قوى العجينة ترتاح ساعة علشان تديكى النقشة الحلوة دى (تريكة مهمة جدا)
*حنستعمل المفرمة فى تشكيل البسكويت
*حنرص فى صينية مدهونة زيت خفيف قوى علشان البسكويت
ميفرش منك ونسيب فراغات
*حندخل الفرن على الشبكة فى وسط الفرن ونخبز على ١٨٠
*بياخد حوالى من١٠:١٢ دقيقة ونلاحظ كويس اول مايحمر من الحروف بنعلى
الشبكة لأعلى الفرن درجة واحدة ...يادوب الوش ياخد لون دهبى
نطلعه يتهوى كويس والف هنا وشفا
*طبعا هو ممكن يتعمل بمفرمة اللحمة بتاعة زمان اللى كنا بنركب ليها وش
البسكويت و اللى كنا بنلفها بإيدينا ....وممكن يتعمل بماكينة البيتيفور بيكون
معاها نفس الوش ده
*والجديد بقى والأسهل مفرمة اللحمة اللى بالكهرباء ..
اشتريت ليها وش وبركبه عليها وأعمله بيها ....أسهل طبعا وأسرع
ملحوظة:
*حبايبى الكوب المستخدم فى المقادير بيكون مج واحد فى المقاس
وهو المج اللى بيعمل من كيلو الدقيق (٨)أكواب..
*بيتخزن بحفظه فى حلة محكمة الغلق علشان مايمتصش بخار ماء من الجو
ويطرى ...مهم جدا علشان تحافظى على طعم البسكوتة المقرمش
*بفضل الله ..أى حاجة بانزلها باكون متأكدة من مقاديرها وبكتب كل (تركاتها )
بهدف الافادة وتوفير التجارب على الآخرين ....
كل أملى الحاجة تظبط معاكم وتفتكرونى بدعوة بظهر الغيب
....تحياتى ليكم(وما توفيقى إلا بالله)
مهم قوى :
*النشادر مش هى النشا...النشادر هى البودرة اللى ليها ريحة نفاذة بتجاب
من العطار ...بتخلى البسكويت هاش
*النشادر اسمها فى البلاد العربية ..أمونيا
*الوش بنشترى وش مكنة عادية يدوى ونوديه لحداد يظبطه على مقاس المكنة
الكهرباء ...بيحتاج يتقص داير مايدور
*كل حاجة متعلقة بالوصفة فى الصور
*الصور لكذا مرة اتنفذت فيها الوصفة والنتيجة ماشاء الله واحدة
*العجينة دى لا تصلح لكيس الحلوانى علشان تقيلة
*أفضل حاجة للخبيز الصوانى الألومنيوم ...وبأكد على كده ...
التيفال بيلسع الحاجة قبل ماتستوى
*ممكن نكتفى بكوبين سكر للى متعود على الحاجة (دلعة )
بس هو طعمه مظبوط جدا
*وش الماكنة بيتباع عند محلات بيع الأدوات المنزلية
تعديل :
تم اضافة صورة الماكنة الكهرباء
شكل العجينة بتكون يابسة
طريقة عمل بسكويت النشادر لتوفير ميزانية البيت
https://up.kntosa.com/uploads/kntosa.com_30_20_1580392923375310.jpg (https://up.kntosa.com/)
الوش اللى اشريته وظبطه على مفرمة اللحم الكهرباء
https://up.kntosa.com/uploads/kntosa.com_30_20_158039292342313.jpg (https://up.kntosa.com/)
الوش وهو راكب على وش مفرمة اللحمة
https://up.kntosa.com/uploads/kntosa.com_30_20_1580392923408512.jpg (https://up.kntosa.com/)
الكوب اللى بعاير بيه
https://up.kntosa.com/uploads/kntosa.com_30_20_1580392923438114.jpg (https://up.kntosa.com/)
وش مكنة البيتفور اللى بيطلع شكل البسكويت
https://up.kntosa.com/uploads/kntosa.com_30_20_15803929232191.jpg (https://up.kntosa.com/)
https://up.kntosa.com/uploads/kntosa.com_30_20_158039292326554.jpg (https://up.kntosa.com/)
بسكويت النشادر بفضل الله كما ينبغى
https://up.kntosa.com/uploads/kntosa.com_30_20_158039292330766.jpg (https://up.kntosa.com/)
بعد الفرن
https://up.kntosa.com/uploads/kntosa.com_30_20_158039292332877.jpg (https://up.kntosa.com/)
قبل الفرن
https://up.kntosa.com/uploads/kntosa.com_30_20_158039292328125.jpg (https://up.kntosa.com/)
مرة تانية
https://up.kntosa.com/uploads/kntosa.com_30_20_1580392923389911.jpg (https://up.kntosa.com/)
نقشة تانية بعد الفرن
https://up.kntosa.com/uploads/kntosa.com_30_20_158039292332877.jpg (https://up.kntosa.com/)
قبل الفرن
https://up.kntosa.com/uploads/kntosa.com_30_20_158039292323432.jpg (https://up.kntosa.com/)
التسوية من تحت
https://up.kntosa.com/uploads/kntosa.com_30_20_158039292334388.jpg (https://up.kntosa.com/)
https://up.kntosa.com/uploads/kntosa.com_03_19_155432492856292.gif