طريقة عمل الحواوشى الاسكندرانى زى المحلات،الحواوشى الاسكندرانى زى الجاهز وتحدى،تحضير وصفة الحواوشي

[رايما]

https://up.kntosa.com/uploads/kntosa.com_03_19_15542573730637.gif
الحواووشي الاسكندراني
https://up.kntosa.com/uploads/kntosa.com_02_20_158060260724235.jpg (https://up.kntosa.com/)
كيلو دقيق
معلقة سكر صغيرة
معلقتين خميرة فوريه
معلقه لبن نيدو لبن بودر
ربع معلقه ملح صغيرة
ربع كوب زيت
معلقة ونص سكر لعمل تست الخميره
اول حاجه اعملها تست الخميرة لو ضامنه الخميره اشتغلي على طول تمام
نحط المعلقه ونص سكر ف كوب وعليها معلقتين الخميره ونص كوب مايه دافيه
مش سخنه ولا ساقعه ونقلبها ونغطيها ونسبها ف مكان دافي تختمر
نجيب طبق العجن نحط فيه الدقيق وعليه الملح والسكر واللبن البودر
واقلبهم وأنزل عليهم بتست الخميره اللي فارة وملت الكوبايه وانزل كمان
بكوب ونص مايه دافيه واكمل عجن وانزل بربع كوب الزيت واعجن فيها شويه
ممكن تحتاج مايه تاني لان انواع الدقيق تختلف بس خلي العجينه طريه
مش اسيه معاكي حطي على وشها معلقه من الزيت وغطبها
بكيس وبعدين فوطه المطبخ وسبيها فى مكان دافي تختمر
وتعالي نجهز الحشو
انا عملت كيلو الاربع لحمه اعملي اي كميه تحبيها
ضفت على اللحمه قطعه من الليه مبشوره او تفرميها مع اللحمه
فرمت اللحمه حطيتها في طبق عليها بصلتين كبار مبشورين وملح وفلفل اسود
وجوزة الطيب وبهارات لحمه وفلفلتين مكعبات صغيرة ولو حابه حامي براحتك
ولحم طمطمايه كبيرة وانا حبيت احط زيتون متقطع لو حابه حطي
مش حابه براحتك وكمان حطيط ورقتين من البقدونس مع اللحم وقلبتهم
مع بعض
عملت هنا تكه حلوة جدا عشان ريحه وطعم اللحمه يكون جميل معاكي
بعد ما قلبت اللحم كنت مولعه فحمه صغيرة على النار وسعت مكان وسط اللحم
كدا حطيط ورقه المونيوم وحطبط الفحمه وطفيت عليها بمعلقه زيت
ووغطيط عليها بسرعه وسبتها لغايه ما العجينه تختمر
العجينه اختمرت
قطعتها عدد زوجي وكل ٢ اد بعض عملت ٣ صغيرين و٢ وسط
وواحد كبير اعملي اللي تحبيه قطعتهم وحطيتهم على صينيه مرشوشه دقيق
عشان مايلزقوش وابتدي افرد اول واحده واخدها على الصينيه المدهونه طبعا
واحطها فيها وبعدين اخد قطعه من اللحم وافردها فيها وافرد قطعه العجين
التانيه واخدها علي القطعه اللي فيها اللحم وابتدي ألفها من الأطراف
وبعدين لازم افردها تاني واكمل باقي الكميه بالشكل ده
واجيب هنا بقي للوش بيضه وعليها معلقتين لبن حليب ورشه من القهوة
واقلبهم وادهن بيهم وش العيش وحطيط كمان سمسم وحبه البركه ورشه
من دقه الزعتر وممكن تستكفي بيه من غير السمسم وحبه البركه عادي
بس لازم الدهن عشان وش العيش يكون بيلمع ولونه حلو
لو مش حابه البيض تعمل ايه تعالي اقولك
ربع كوب لبن شويه قليلين كدا ربع معلقه قهوة ومعلقه سكر وقلبيهم
وادهني بيهم تمام بس دخليهم الفرن على حراره ٢٠٠ ومولعه الفرن
وكمان الشوايه هاديه خالص على شبكه الفرن وبس كدا
بالف هنا
https://up.kntosa.com/uploads/kntosa.com_02_20_158060260685431.jpg (https://up.kntosa.com/)
https://up.kntosa.com/uploads/kntosa.com_02_20_158060260697062.jpg (https://up.kntosa.com/)
https://up.kntosa.com/uploads/kntosa.com_02_20_158060260707893.jpg (https://up.kntosa.com/)
https://up.kntosa.com/uploads/kntosa.com_02_20_158060260717314.jpg (https://up.kntosa.com/)
https://up.kntosa.com/uploads/kntosa.com_02_20_158060260724235.jpg (https://up.kntosa.com/)
https://up.kntosa.com/uploads/kntosa.com_02_20_158060260732266.jpg (https://up.kntosa.com/)
https://up.kntosa.com/uploads/kntosa.com_03_19_155425737314858.gif