تتبيله البط الروستو،طريقة عمل البط المتبل، طريقة عمل البط المشوى فى الفرن، احلى طريقة لعمل البط

[رايما]

https://up.kntosa.com/uploads/kntosa.com_03_19_15542573730637.gif
البط الروستو يا جماعة وجماله
https://up.kntosa.com/uploads/kntosa.com_02_20_158065495103184.jpg (https://up.kntosa.com/)
اول مرة اعمله بالطريقة دى وبجد طعمه حكاية ⁦
جربيه فى العزومات بيبقى شكله حلو وحاجة كده تشرف
- بصى ياستى اول حاجة هتعملى محلول عبارة عن ماية ومعلقتين كبار ملح
ومعلقة كبيرة سكر و3 معالق كبار خل وليمونة و حبايتين حبهان وورق لورا
وتسبيها فى المحلول ده مش اقل من ساعتين ..
كده هتضمنى انك مش هتلاقى ريحة زفارة فيها خاااالص أو دم
- ندخل بقى على أهم حاجة والتتبيلة
- بصلة كبيرة
- حبة طماطم كبيرة
- قرن فلفل احمر
- 4 فصوص توم
- معلقة كبيرة ملح
- معلقة كبيرة خل
- معلقة صغيرة من كل الحاجات الجاية دى ..
" توم بودر - بصل بودر - بابريكا - كارى - فلفل اسود - شطة "
- معلقة كبيرة عسل نحل
- نص معلقة صغيرة من الحاجات الجاية دى برضو
" جنزبيل - سماق - قرفة "
* الطريقة بقى
هتضربى كويس الطماطم والبصل مع التوابل دى كلها فى الكبة
وبعدين هتجيبى البطة وتعملى فيها فتحات بسن السكينة علشان التتبيلة
تتغلغل فيها
وتتبليها من برا وجوا كويس وتشيلى جزء من التتبيلة للخضار
- سبيها فى التتبيلة دى مش اقل من ساعتين ولو ليلة كاملة يكون افضل ..
انا سبتها ليلة كاملة
- بعد كده هتجيبى الصنية وتحطى فيها كل الخضار اللى انتى عايزاه زى
" بصل - بطاطس - جزر - كرفس - كوسة - بروكلى ..
او اى خضار انتى بتحبيه ويسلام بقى لو معاهم شريحتين برتقال وليمون "
- المهم أن يكون كل الخضار ده متقطع قطع كبيرة جداا علشان ميتهريش فى الفرن ..
- هتحشى بقى البطة ببصلة و ورقة لورا وليمونة شرايح وفصين توم
وتقفليه وتحطيه على وش الخضار وعليهم باقى التتبيلة كلها
- وتحطى كوبايتين ماية مغليه مع الخضار وبعدين هتقفلى الصنية كويس
جداا بالفويل
- هتسيبى الصنية الاول على البوتجاز من فوق على النار
لحد ما تلاقيها ابتدت تغلى وبعدين هتدخليها فرن سخن فى اخر رف
من تحت ومتفتحيش عليها قبل ساعتين .. انا خدت معايا ساعتين ونص
- وبعد ماتستوى هتشيلى الفويل وتشغلى الشواية تاخد لون
- اوعدكم بالطريقة دى هتاكلوا أحلى بط فى حياتكم وعايزة اقولكم
أن الخضار اللى فيها بيكون طعمه جبااااار وتحفة
* قولولى رايكم فى الكومنتات وشجعونى ..
انا بحب تشجيعكم جداااا وكلامكم الحلو ⁦
تدلكيه بالتتبيلة كويس زى الصورة كده من برا وجوا

واعملى فتحات بسن السكينة علشان التتبيلة تتغلغل جواه
https://up.kntosa.com/uploads/kntosa.com_02_20_158065495092981.jpg (https://up.kntosa.com/)
قبل مايدخل الفرن ..

و حطى رشة ملح وفلفل اسود على الوش ولفيه بالفويل كويس
ومتنسيش كوبايتين ماية مغليه معاهم ⁦
https://up.kntosa.com/uploads/kntosa.com_02_20_158065495100462.jpg (https://up.kntosa.com/)
شكله اول ماخرج علطول من الفرن

https://up.kntosa.com/uploads/kntosa.com_02_20_158065495101773.jpg (https://up.kntosa.com/)
و ممكن مع الفراخ
https://up.kntosa.com/uploads/kntosa.com_02_20_158065495103184.jpg (https://up.kntosa.com/)
https://up.kntosa.com/uploads/kntosa.com_03_19_155425737314858.gif