المساعد الشخصي الرقمي

مشاهدة النسخة كاملة : [من مطبخي] طريقة عمل سندوتشات كبدة وسجق،مكونات ساندوتش مشكل روعه،مقادير ساندوتش سجق و كفتة مقلية و كبدة وكلاوي


رايما
02-15-2020, 03:34 PM
https://up.3almc.com/uploads/3almc.net_2018_2_152276422637434.gif
ساندوتش مشكل (سجق و كفتة مقلية و كبدة وكلاوي) الطريقة تحت الصور
https://up.kntosa.com/uploads/kntosa.com_15_20_158177351385661.jpg (https://up.kntosa.com/)

اولا الكفتة المقلية
في الكبة نفرم بصلة وسط و قرن فلفل احمر بارد بلدي مش الوان ونضيف لحمة مفرومة نديهم لفه في الكبة مع بعض
و اخيرا ننزل عليهم بملح و فلفل و بهارات لحمة و شوية كربونات صغيرين جدا و اوراق بقدونس من غير العود
ناخد الورق بس نديهم لفة كمان في الكبة و نسيبهم في التلاجة شوية لحد ما نكمل باقي الخطوات
ملحوظة /اللي مش عنده كبة يبشر البصل و يخرط الفلفل بالسكينة ناعم و يضيفهم ع اللحمة و يعجن بإيده عادي جدا
https://up.kntosa.com/uploads/kntosa.com_15_20_158177315376811.jpg (https://up.kntosa.com/)
https://up.kntosa.com/uploads/kntosa.com_15_20_158177291113231.jpg (https://up.kntosa.com/)
ثانيا الكبدة و الكلاوي
نغسلهم أو لأ دي حرية شخصية
انا عن نفسي برش عليهم شوية (ملح و خل و نص ليمونة) و اشتفهم بسرعة تحت المية و اتبلهم و لا بيبقي فيهم اي زفارة
بتبل كل حاجة لوحدها علشان الكلاوي بتحتاج تسوية اكتر شوية من الكبدة لكنهم نفس التتبيلة
التتبيلة بقي/
توم و فلفل اخضر (بارد او حامي)
وملح كمون و كسبرة و رشة بسيطة فلفل اسود (نفرم كله أو ندقهم في الهون و نقلبهم كويس جدا ع الكبدة و الكلاوي)
نسيبههم سيكا و نرجع للكفتة بتاعتنا زمانها اتبلت تمام
https://up.kntosa.com/uploads/kntosa.com_15_20_158177295288291.jpg (https://up.kntosa.com/)
نبل أيدينا زيت و نكور الكفتة بتاعتنا كور صغيرة و ممكن اصغر من كدة
بس انا كنت مستعجله فكبرتها علشان اخلص بسرعة
https://up.kntosa.com/uploads/kntosa.com_15_20_158177299713051.jpg (https://up.kntosa.com/)
نجيب طاسة مبتلزقش و نحط فيها شوية زيت صغيرين و ننزل بحتة من الدهن اللي جاي مع الكبدة

و نخلي حتة دهن علشان هنحتاجها كمان شوية اول ما يسخنوا جدا نهدي النار وننزل بالكفتة بتاعتنا
مهم الطاسة تبقي سخنة علشان الكفتة متلزقش و مهم جدااا نحط الدهن بتفرق في الطعم و يا سلام بقي لو كانت لية ضاني
https://up.kntosa.com/uploads/kntosa.com_15_20_158177304153021.jpg (https://up.kntosa.com/)
نزلنا بالكفتة نخلي النار وسط
و طلعي بقي الشيف الشربيني اللي جواكي و امسكي ايد الطاسة و هزيها من وقت التاني علشان الكفتة تتحمر

من كل الجوانب
تمام كده الكفتة خدت لون من الجناب كلها
https://up.kntosa.com/uploads/kntosa.com_15_20_158177308149011.jpg (https://up.kntosa.com/)
اول ما الكفتة تلون و تمسك نفسها ننزل عليها بكوباية مية دافية مش سخنة و لا ساقعة
https://up.kntosa.com/uploads/kntosa.com_15_20_15817731169291.jpg (https://up.kntosa.com/)
بعد ما نزلنا بالمية نغطي بقي عليها و نهدي النار و نسيبها تستوي براحتها
و نقلبها من وقت للتاني و نركز معاها علشان مش تتلسع
https://up.kntosa.com/uploads/kntosa.com_15_20_158177315376811.jpg (https://up.kntosa.com/)
نجيب بقي طاسة كبيرة أو صينية فرن واسعة زي دي
نحط فيها شوية زيت و باقي الدهن اللي اتفقنا فوق أننا نسيبه
اول ما يسخنوا ننزل عليهم ببصلة صغيرة مجرد بس أنها تدي نكهة للاكل و تعزز الطعم تمام كدة
بعد ما البصلة تصفر ننزل عليها كمان بطماطماية صغننة
https://up.kntosa.com/uploads/kntosa.com_15_20_158177318331381.jpg (https://up.kntosa.com/)
بعد الطماطم نحط بقي
ملح و فلفل و روزماري بيدي طعم و ريحة تحفة جدا
نشوحهم مع بعض سيكا و ننزل عليهم بالسجق بتاعنا
https://up.kntosa.com/uploads/kntosa.com_15_20_158177321698171.jpg (https://up.kntosa.com/)
نشوح السجق معاهم شوية
https://up.kntosa.com/uploads/kntosa.com_15_20_158177326480231.jpg (https://up.kntosa.com/)
بعدين نركنه في الصينية علي جنب
https://up.kntosa.com/uploads/kntosa.com_15_20_158177329690131.jpg (https://up.kntosa.com/)
بالشكل ده
و ننزل الاول بالكلاوي
https://up.kntosa.com/uploads/kntosa.com_15_20_15817733483831.jpg (https://up.kntosa.com/)
تمام كده
ملحوظة مهمة /
احنا بنكمل و مركزين مع باقي الحاجات التانية يعني بنقلب في الكلاوي و نفس الوقت بنقلب السجق
و الكفتة اللي سيبناها في الطاسة
https://up.kntosa.com/uploads/kntosa.com_15_20_158177337870761.jpg (https://up.kntosa.com/)
نشوحها شوية و تقفل المسام بتاعتها و بعدين نركنها علي جنب في الصينية زي السجق و اخيرا ننزل بالكبدة
https://up.kntosa.com/uploads/kntosa.com_15_20_158177341544421.jpg (https://up.kntosa.com/)
نشوح الكبدة بتاعتنا بقي و تقفل المسام بتاعتها هي كمان نقلب كله مع بعضه بالشكل ده
https://up.kntosa.com/uploads/kntosa.com_15_20_158177347763411.jpg (https://up.kntosa.com/)
بعد ما قلبناهم مع بعض كلهم نضيف عليهم الكفتة بتاعتنا اللي كنا سبناها في الطاسة تستوي براحتها
https://up.kntosa.com/uploads/kntosa.com_15_20_158177351385661.jpg (https://up.kntosa.com/)
و ده كده الشكل النهائي لأكلتنا النهاردة
نجيب بقي عيش بلدى نتنيه نصين جوه بعضه ونحشيه جرجير و نعمل سلطة طحينة نقدمه معاه بألف هناو شفا
⁩⁦ بس للاسف ملحقتش اصور طبق التقديم كنا جعانين من الريحة
بعد الاكل بقي بلاش انتخة
https://up.kntosa.com/uploads/kntosa.com_15_20_158177354571891.jpg (https://up.kntosa.com/)
https://up.3almc.com/uploads/3almc.net_2018_2_152276422639035.gif