طريقة عمل طاجن المكرونة باللحمة المفرومة زى محلات الكشرى بالصور

[ام رونزا]

طاجن مكرونة باللحمة المفرومة | مكرونة فرن أحلى من المحلات
طاجن مكرونه باللحمه
https://up.kntosa.com/uploads/kntosa.com_25_20_15826542575391.jpg (https://up.kntosa.com/)
نص كيلو لحمه مفرومه مع بصلتين مفرومين شوحتهم في شويه زيت عالنار
ولما بدا يدبل نزلت عليه اللحمه وضيفت رشه صغيره قرفه وفلفل اسود وكزبره وبهارات لحمه
وبابريكا وشطه واخر حاجه الملح وبعد مااستوت ضيفت معلقه كبيره صلصه وقلبتها كويس وقطعت
فلفل اخضر وضيفته اخر حاجه
صلصه المكرونه
هنشوح عالنار بصله صغيره مفرومه مع معلقه صغيره توم وننزل عليهم بشويه خل صغيرين
ونقلبهم كويس ونضيف كوبايتين عصير طماطم ومعلقتين صلصه ونقلب ونضيف البهارات ملح وفلفل وكمون
وكزبره وبابريكا ورشه سكر وشطه ولما تبدا تغلي نطفي عليها
ندهن الطاجن بالزيت ونوزع العصاج ونساويه كويس وفوقيه نص كيلو مكرونه بس مش مسلوقه ونوزع الصلصه
اللي عملناها فوق المكرونه كويس ونكمل فوق الصلصه بمايه مغليه عشان تغطي المكرونه وتستوي ونغطي
الطاجن بفويل ويدخل الفرن على٢٠٠ لمده نص ساعه هتكون المكرونه استوت
https://up.kntosa.com/uploads/kntosa.com_25_20_15826542575391.jpg (https://up.kntosa.com/)
https://up.kntosa.com/uploads/kntosa.com_25_20_158265425757662.jpg (https://up.kntosa.com/)