طريقة عمل كرات الشوكولاتة المقلية، كرات الدونات المحشية بالشوكولاته

[رايما]

الكرات المحشية شيكولاتة
https://up.kntosa.com/uploads/kntosa.com_01_20_158577546636681.jpg (https://up.3almc.com/)
كرات بالشوكولا| اللي قلبت الفيس بوك| شوكولا بابس
بجد طعمها حلو جدا وكمان مش بتشرب زيت جربوها حلوة جدا انا أول مرة اعملها
ونجحت من اول مرة الطريقة شفتها ع اليوتيوب هكتبها
المكونات :
احلي كرات محشية شوكولاته هشة ولا اطعم
كوباية الا ربع لبن دافى ومعلقة كبيرة خميرة فورية ورشة ملح ومعلقتين سكر وبيضة وفانيليا
ومعلقة سمنة ومعلقة زيت او ممكن معلقتين سمنة أو زبدة ع حسب المتاح عندك والدقيق جهزى
كوبايتين دقيق بس ممكن تاخد اكتر أو اقل ع حسب نوع الدقيق يعنى
الطريقة بقى
كرات الشوكولاتة المقلية
هتجيبى البولة اللى هتعجنى فيها وتحطى اللبن الدافئ والخميرة والسكر
ورشة الملح وتقلبى بالمضرب اليدوى لغاية ما تدمجى المكونات كلها مع بعض وبعدين تضيفى البيضة والفانيليا
وتقلبى وبعدين تضيفى الزبدة والزيت وتدمجيهم مع بعض وبعدين تبداى تضيفى الدقيق شوية بشوية
لغاية ما العجينة تلم معاكى وبعدين تغطيها وتسبيها تخمر
وبعدين تبداى تقسمى العجينة لكور لغاية ما تخلص وتبداى بأول كورة عملتيها وتحشيها بقى شيكولاتة
مكعب شيكولاتة اى نوع شيكولاتة انتى تحبيه وتريحى الكور المحشية دى عشر دقائق
وبعدين اقليها ف الزيت ع نار متوسطة وبعد ما تسويها غطيها باى حاجة خمس دقائق
بس عشان تطرى وكلى بالف هنا يارب تعجبكوا
https://up.kntosa.com/uploads/kntosa.com_01_20_158577069189132.jpg (https://up.3almc.com/)

https://up.kntosa.com/uploads/kntosa.com_01_20_158577069179361.jpg (https://up.3almc.com/)