العيش الكيزر بعجينة العشر دقائق،طريقة عمل العيش التوست الهش، طريقة عمل فينو الافران

[رايما]

حبايبى الحلوين اخباركم ايه يا رب تكونوا بخير وحشتونى قد الدنيا كلها
ماتنسونيش فى دعواتكم الطيبه بالصحه و العافيه و الستر و راحه البال خصوصا في الفتره دى
و لكم بالمثل يا رب ربنا يصلح حالنا جميعا و يسترها علينا و يعدى الأيام دى على خير يا رب العالمين
رجعالكم بقى بمفاجأة كبيره
العجينه السحريه بتاعت كله
https://up.3almc.com/uploads/3almik.com_10_20_1591796655602510.jpg
بعجينه واحده بس هنعمل احلى توست و عيش فينو و كيزر ايه رأيكم بقى
https://up.3almc.com/uploads/3almik.com_10_20_1591796655638311.jpg

ما شاء الله اللهم بارك شايفين الجمال
انا راضيه زمتكم داه فينو و لا كرواسون
شايفين الهشاشه و التوريقه الرهييييييبة
بجد عجينه من أروع ما يكون ناعمه و هشه جدا و لا ريحتها لا و كمان اقتصاديه جدااااا
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
العجينه السحريه للخبز
المقادير :
المقدار داه طلع الكميه دى قالب توست صغير و اتنين رغيف فينو كبير و اتنين كيزر وسط
داه حوالى نصف كيلو دقيق و طبعا تقدروا تضاعفوا الكميه براحتكم
نصف كيلو دقيق بيتزا و مخبوزات او جميع الاغراض يعنى حوالى من ٣ و ١/٢ إلى ٤ كوب دقيق
م ك خميرة فورية
نصف م ك سكر
ملح
ربع م ص خل
م ك لبن بودرة بيفرق جدا فى النتيجه لأنه بيعتبر محسن و بيدى غنى و طراوه و هشاشة رهيبه للعجينه
م ك زبده طريه بدرجة حرارة الغرفة بتدى غنى و نعومه حلوه اوى للعيش
ماء دافئ للعجن
خليط دهان الوجه :
صفار بيضه و شويه لبن و رشة قهوه سريعة الذوبان أو كام نقطه خل
للوجه :
سمسم
الطريقة :
هنجيب بوله و نحط فيها الدقيق و الملح و اللبن البودره و نقلبهم كويس و نسيبهم على جنب
و هنجيب بوله تانيه و نحط فيها شويه من المياه الدافيه حوالى نصف كوبايه و الخميره و السكر و نقلبهم كويس
و نغطيهم و نسيبهم ربع ساعه يتفاعلوا مع بعض و بعدين هنضيفلهم الخل و نقلب و بعدين هنضيف الدقيق
اللى حاطين عليه باقى المكونات الجافه بالتدربج بالتبادل مع المياه الدافيه و فى اخر مرحله من العجن
هنضيف معلقة الزبده الطريه و لازم نعجنها كويس اوى مش اقل من ٧ إلى ١٠ دقايق
و بنغطيها و بنسيبها تخمر لغايت ما يتضاعف حجمها و بعدين بناخدها و بنقسمها لكور حسب حجم الرغيف
اللى احنا عايزينه و بالنسبه للتوست بناخد جزء على قد القالب اللى هنخبزه فيه
و بالنسبه للتوست بناخد قطعه العجينه و بنفردها بشكل مستطيل و بنلفها
على شكل رول أو اسطوانه و بنقفلها كويس و بنقفل الجوانب و بنحطها فى قالب الإنجليش كيك المستطيل
و يكون مدهون زيت و متعفر بالدقيق و بنضغط عليها شويه بحيث نسكنها كويس فى القالب
و بنغطيها و بنسيبها تخمر لغايت ما يتضاعف حجمها و بعدين بندهنها بخليط الدهن بالراحه
علشان ما نوقعش التخمير و بالنسبه لتشكيل العيش الفينو بناخد جزء من العجينه و بنفردها على شكل مستطيل
و بنلفها على شكل رول أو اسطوانه و بنقفلها كويس و القفله تكون لتحت و لو حابين نديله شكل حلو و مميز
بنجيب سكينه حاده و بنعمل تشريحات عالوش
https://up.3almc.com/uploads/3almik.com_10_20_159179665544391.jpg

https://up.3almc.com/uploads/3almik.com_10_20_159179665547042.jpg

https://up.3almc.com/uploads/3almik.com_10_20_159179665548423.jpg

https://up.3almc.com/uploads/3almik.com_10_20_159179665549894.jpg

https://up.3almc.com/uploads/3almik.com_10_20_159179665551385.jpg

https://up.3almc.com/uploads/3almik.com_10_20_159179665552896.jpg

https://up.3almc.com/uploads/3almik.com_10_20_159179665555647.jpg

https://up.3almc.com/uploads/3almik.com_10_20_159179665556768.jpg

https://up.3almc.com/uploads/3almik.com_10_20_159179665558019.jpg

https://up.3almc.com/uploads/3almik.com_10_20_1591796655602510.jpg

https://up.3almc.com/uploads/3almik.com_10_20_1591796655638311.jpg

https://up.3almc.com/uploads/3almik.com_10_20_1591796655680912.jpg

https://up.3almc.com/uploads/3almik.com_10_20_159179665572713.jpg

https://up.3almc.com/uploads/3almik.com_10_20_1591796655770714.jpg

https://up.3almc.com/uploads/3almik.com_10_20_1591796655807915.jpg

https://up.3almc.com/uploads/3almik.com_10_20_159179726824821.jpg