عجينة العشر دقائق الاصلية،فطائر العشر دقايق،فطائر العشر دقائق على الطاسة بدون عجن ولا مجهود

[ام رونزا]

فطائر العشر دقايق
https://up.3almc.com/uploads/3almik.com_07_20_15941631923381.jpg (https://up.3almc.com/)
زي ما شيف فاطمة ابو حاتي قالت
فطائر العشر دقائق على الطاسة بدون عجن ولا مجهود
#ملحوظة:
اول مرة اعملها فشكل الفطيرة مضبطش بس حشيته برده وطعمها خطير والله
تنفع فطار عشا او مقبلات جمب الغدا جربوها حلوة جدا
الطريقة بقي:
مقادير العجينة سهلة الصب:
٢كوب دقيق
٢كوب لبن
٢ بيض
٢ معلقة كبيرة زيت
معلقة كبيرة خل
رشة ملح
الطريقة
الحاجات السايلة تضربيها فالخلاط وبعدين نضيف الدقيق ونضربه ف الخلاط
وبعدين ع طاسة سخنة تمسحيها بالزيت وتصبي من الخليط ف طرف الطاسة
وتميليها عشان تملي الطاسة وسمك قليل اول ما الاطراف تسيب الطاسة كدة
بدءت تستوي وتقلبيها بالناحية التانية يادوب تاخد لون بسيط متحمريهاش
اوي عشان لسة هتتحشي وتحطيهم ف فوطة او طبق وتغطيه
#الحشوة
بقي زي ماتحبي عصاق لحمة او فراخ او بسطرمة ومعاها فلفل الوان وميكس جبن
وزيتون مخلل زي ماتحبو وتطبقوها بالشكل زي ما انا عاملة كدة وبعدين
تحمروها ف الزيت تاني يادوب برده معلقة زيت وع نار متوسطة عشان الجبن تسيح
وبالهنا والشفا
#تعديل:
هي نفس عجينة الكريب الل ببيض ولبن بس يمكن قالو عليها فطاير
عشان بتتحشي وسريعة....والبان كيك نفس الفكرة بالضبط ونفس الطريقة
بس انا قلت فطاير زي الشيف فاطمة ما قالت عليها..
الحلقة برنامج العزومة كانت يوم الاتنين الل فات وكانت عملة كمان فطاير بالجلاش الجاهز
وبتعمل خلطة كدة حلوة بتحطها بين الطبقات وفالاخر اسمه فطير وشكله زيه..
اي مسميات مش هتفرق المهم طعم الحاجة فالاخر
وبالهنا والشفا
https://up.3almc.com/uploads/3almik.com_07_20_159416308745371.jpg (https://up.3almc.com/)

https://up.3almc.com/uploads/3almik.com_07_20_159416308747752.jpg (https://up.3almc.com/)

دي لما تبدا تستوي وتسيب الاطراف قلبوها
لما تيجو تصبوها ميلو الطاية وحطو العجينة من فوق وحركوها دائري عشان تضبط معاكو
https://up.3almc.com/uploads/3almik.com_07_20_159416308749843.jpg (https://up.3almc.com/)

الحشو زي ما تحبو ...لون الفطيرة يادوي محمر نقط بسيطة
دا لما تقفلوها او تطبقوها كل جانبين قصاد بعض لو مرضتش تقفل او خايفة تفتح جربي نقطة مية كدة تلزق معاك ولما تجي تحطيها فالزيت حطيها من الجهة دي الاول الل فيها التطبيقة عشان متفكش
https://up.3almc.com/uploads/3almik.com_07_20_159416313486011.jpg (https://up.3almc.com/)

ودا شكلها بعد التحمير اول مرة اعملها بقي معلش
https://up.3almc.com/uploads/3almik.com_07_20_159416315172491.jpg (https://up.3almc.com/)

ودي مطة الجبن جواها
https://up.3almc.com/uploads/3almik.com_07_20_159416317124611.jpg (https://up.3almc.com/)

بالهنا والشفا
https://up.3almc.com/uploads/3almik.com_07_20_15941631923381.jpg (https://up.3almc.com/)