طريقة عمل بسبوسة اللبن المحموس

[رايما]

( بسبوسة اللبن المحموس )
https://up.kntosa.com/uploads/kntosa.com_01_20_160158350491496.jpg (https://up.kntosa.com/)
المكونات :
٢ كوب سميد
نص كوب سكر
نص كوب سمنه
ربع كوب لبن بودره محمص ( اللبن المحموس )
تلت اربع كوب لبن
معلقه كبيره عسل أبيض
السيرب ( الشربات ) :
٢ كوب ميه
٢ كوب سكر
عصرة ليمون
الطريقه :
اول حاجه هنجيب طاسه مانعه للالتصاق و نحط فيها اللبن البودره على نار وسط
مع التقليب المستمر لحد ما ياخد لون الكراميل و نطفي عليه .
هنجيب بوله نحط فيها السميد و السكر و البيكنج بودر و نقلبهم كويس و نسخن السمنه و العسل
و ننزلهم على السميد و نفركه كويس لحد ما يتغلف بالسمنه و بعدين ندفي اللبن و نضيفه و نقلب بمعلقه
مش كتير و مش عايزين نعجن عشان البسبوسه متبوظش.
هنجيب صنيه او بايركس ندهنه بالسمنه و ننزل خليط البسبوسه و نوزعه كويس .
التسويه :
هندخل البسبوسه فرن سخن على درجة حراره ٢٠٠ من تلت لنص ساعه لحد ما الأطراف تحمر
و بعدين نطفي و نولع الشوايه عشان تاخد لون و نطلعها نسقيها بالسيرب و هو سخن
و نغطيها و بالهنا .
https://up.kntosa.com/uploads/kntosa.com_01_20_160158350479831.jpg (https://up.kntosa.com/)
https://up.kntosa.com/uploads/kntosa.com_01_20_160158350482292.jpg (https://up.kntosa.com/)
https://up.kntosa.com/uploads/kntosa.com_01_20_160158350484353.jpg (https://up.kntosa.com/)
https://up.kntosa.com/uploads/kntosa.com_01_20_160158350486824.jpg (https://up.kntosa.com/)
https://up.kntosa.com/uploads/kntosa.com_01_20_160158350488585.jpg (https://up.kntosa.com/)