كوكيز الكنافة بالشيكولاتة و الكريمة اللذيذة

[Nancy N]

طريقة عمل كوكيز الكنافة بالشيكولاتة السايحة تحفة تحفة تحفة و معاها كريمة خفيفة هتدي الحلويات طعم تاني
و انتو بتجربواكوكيز الكنافة ياريت تلتزموا بالمقادير عشان تظبط معاكوا, و محدش يعمل زينا و يحرق الشيكولاتة فالمايكرويف
😊😊😊
ممكن تستخدموا شيكولاتة كادبوري عادي و واحدة واحدة كده فحمام ماية عشان لو ماتكلكعش
مقدار كوكيز الكنافة هيعمل تقريبًا 10 كوكيز من الحجم الكبير فاللي حابب يعمل نص الكمية يجرب بيها عشان الدايت بس

الكريمة بقي طعمها رائع, هشة و متماسكة و بتدوب فالبوق, و عشان هي مش مسكرة فا هتقدروا تستخدموها مع اي حاجه شاربة سكر و شربات و اتفرجوا علي الكونتراست فالطعم هيبقي عامل ازاي
احنا هنا استخدمناها مع كنافة محمرة بالشربات و عملناها طبقتين, بس متخيل طعمها علي وش صينية بسبوسة غرقانة سمنة و شربات 😍😍😍😍😍😍
اهم حاجة اول ما تطفوا عليها النار تغطوها ببلاستيك راب عشان وشها ماينشفش و عند الإستخدام لو تقلت اوي ضيفوا عليها ملعقه لبن ساقع (ملعقه صغيرة) و قلبوا هتخف معاكو
* الفيديو 3 دقايق بالظبت ... اتمني يعجبكوا
لينك الفيديو من قناتي علي اليوتيويت (https://www.youtube.com/watch?v=JNVtaEm7qb0)

https://www.linkpicture.com/q/كوكيز-الكنافةو-الكريمة-Thumpnail.png (https://www.linkpicture.com/view.php?img=LPic60856f753657b431803268)