الكبسه السعودى بكل أصولها وتكاتها فقط من منتدى كنتوسه

[أسيا]

كل سنه وانتم طيبين وربنا يجعلها أيام خير وبركه على جميع المسلمين وعيد أضحى مبارك وسعيد
الكبسه السعودى بكل أصولها وتكاتها فقط من مطبخى بس إيه حقيقى كانت وهم
اية العظمه دى

https://up.kntosa.com/uploads/kntosa.com_27_21_162740103891081.jpg (https://up.kntosa.com/)

المكونات الكبسة الخليجية
لحمه (ضانى أو عجالي اللي تحبيه بس حلاوه الكبسه بالضاني )
رز بسمتي منقوع لمده نص ساعه
بصل مقطع قطع صغيره وتوم وطماطم وفلفل حار
بهارات الكبسه (ليمون مجفف وقرفه خشب وورق لورا وفلفل اسمر حصى
وحبهان وكسبره ناشفه حصى وقرنفل و شيبه وخرزمان)
التوابل البودر معلقه كبيره بهار مشكل وكارى
طبعاً بتحددى البهارات حسب الكميه اللى تعمليها
https://up.kntosa.com/uploads/kntosa.com_27_21_162740108063941.jpg (https://up.kntosa.com/)

طريقة عمل الكبسة السعودية باللحم على أصولها

فى حله على النار فيها زيت دافى
ننزل بكل التوابل الجافه ويدوب تتحمص وتطلع الروائح العطرية اللى فيها
https://up.kntosa.com/uploads/kntosa.com_27_21_162740112064321.jpg (https://up.kntosa.com/)

نضيف عليها البصل والثوم و تقلب كويس
https://up.kntosa.com/uploads/kntosa.com_27_21_162740116616851.jpg (https://up.kntosa.com/)

ضيفى الطماطم والفلفل الحار والبهار البودر ويقلب معا جيداً
مش قادره اوصفلك الريحه بتكون ماليه الشارع
https://up.kntosa.com/uploads/kntosa.com_27_21_162740120268211.jpg (https://up.kntosa.com/)

انزلى بعد كده باللحمه وقلبيها كويس مع الخضار والتوابل دى قلب قلب ما يهمكش
https://up.kntosa.com/uploads/kntosa.com_27_21_162740130206381.jpg (https://up.kntosa.com/)

غطيها شويه وسيبيها تتجانس مع بعض كده هتنزل أحلى صوص ولسه الريحه معانا رهييييبه
https://up.kntosa.com/uploads/kntosa.com_27_21_162740137933941.jpg (https://up.kntosa.com/)

هنا ضيفى عليها ميه بتغلى وظبطى الملح وسيبيها لما تاخد ٤/٣ سوى
https://up.kntosa.com/uploads/kntosa.com_27_21_162740141702111.jpg (https://up.kntosa.com/)

وانزلى عليها بالرز البسمتى المنقوع وظبطى ميتك وملحك وخدى بالك

مكتريش ميه عشان انتى كنتى ناقعه الرز وكمان عشان يطلع معاك مفلفل وحلو
https://up.kntosa.com/uploads/kntosa.com_27_21_162740145836951.jpg (https://up.kntosa.com/)

تعالوا بقى نعمل صوص الطماطم المشطشطه اللى لازم تكون موجوده مع الكبسه
طماطم بنشيل القمع بتاعها والقطع السفليه وتسلق على النار
https://up.kntosa.com/uploads/kntosa.com_27_21_162740150911891.jpg (https://up.kntosa.com/)

بعد كده تقشر وضيفى عليها حوالى 4 فصوص توم وفلفل حاررررر وصوص الشطه الرهيب
ده بتاخدى منه شويه ومع بعض فى الخلاط
https://up.kntosa.com/uploads/kntosa.com_27_21_162740156330791.jpg (https://up.kntosa.com/)

وبس كده شايفين الرز مفلفل والحبايه سيبه التانيه ازاى
وكمان الصوص الخطير ده اعطيها مترحمهاش
https://up.kntosa.com/uploads/kntosa.com_27_21_162740160256931.jpg (https://up.kntosa.com/)

دى كانت الكبسه السعودى على أصولها
إيه رأيكم فيها جربوها بجد خطيييييره
https://up.kntosa.com/uploads/kntosa.com_27_21_162740103891081.jpg (https://up.kntosa.com/)
وبألف هنا وعافيه على قلوبكم الصافيه متنسونيش بدعوه حلوه ولكم المثل إن شاء الله
تفاعل ولايكاااات اد كده