بعض النقاط المهمة حتى نتجنب الاختناق بالغاز

[كنتوسه هانم]

https://up.kntosa.com/uploads/kntosa.com_17_18_153981817146611.png
نظرا لان حالات الاختناق بالغاز زادت خاصه بسبب سخان الغاز حبيت اوضح بعض النقاط للناس اللي مش اخده بالها لعل يكون سبب في انقاذ حد
https://up.kntosa.com/uploads/kntosa.com_21_19_154808473912561.jpg (https://up.kntosa.com/)

اولا سبب الاختناق هو استنشاق غاز اول اكسيد الكربون الناتج عن الاحتراق الغير كامل للغاز الطبيعي مع عدم وجود تهويه جيده للتخلص من الغاز
اذا لابد من التهويه الجيده و عدم غلق الباب من الداخل وقت تشغيل سخان الغاز خاصه لو في الحمام و عدم اطاله مده التعرض نظرا لان الغاز عديم اللون و الرائحه فمن الصعب تحديد وجود تسريب غاز

ثانيا
الناس كتير بيسالو دلوقتي هو اللي بيتخنق مش هيقدر يطلع من الحمام او المكان ليه ؟؟ و الناس اللي لاقدر الله لاقوهم متوفيين ف الحمام ف نفس اللحظه ازاي مفيش واحد انقذ التاني ؟؟
اللي بيحصل كالاتي الغاز زي مقولنا عديم اللون و الرائحه فبيفضل الشخص يستنشقه لحد مالدم يتشبع بيه و للاسف الدم بيحب الغاز ده اكتر من حبه للاكسجين فبيمسك فيه زياده و للاسف برده مش بيسبب تهيج للاغشيه المخاطيه خااالص فالشخص مستحيل هيحس بيه الا اذا كان واعي و فاهم اعراض استنشاقه زي
صداع شديد
غثيان
دوخه
و اخطر حاجه بيسببها هي ارتخاء تام في العضلات علشان كده المصاب لو وصل للمرحله دي مبيقدرش ينقذ نفسه و لا حد حواليه و في عائلات ماتت بالسبب ده في نفس اللحظه للاسف
و اللي المفروض نعمله وقتها لو كنا اتعرضنا للغاز نفتح الباب سريعا و نقف ف شباك نتنفس هواء نقي لو تعرض بسيط و لو شديد التوجه لاقرب مستشفي
فرجاء ناخد بالنا من نفسنا و اولادنا و ننبه ع اللي حوالينا بخطوره الموضوع ده لعل يكون سبب في انقاذ حياه حد
https://up.kntosa.com/uploads/kntosa.com_17_18_153981817147922.png

[لا تخبرو امى]

https://up.kntosa.com/uploads/kntosa.com_10_18_1539184668743212.png

[shahed]

:bsmile (108): موضوع قيم تسلم الايادي