طريقة عمل رموش الست بالسميد,حلوي رموش الست بالطريقة الصحيحة والمقادير المظبوطة,رموش الست الشيكربار

[لوسيندا]

https://up.kntosa.com/uploads/kntosa.com_09_18_154178842290749.gif
حبايب قلبى احلى كنتوسه.

وعملت النهارده احلى رموش ست على طريقة الشيف فاطمه أبو حاتى..

بس أنا عملت فيها تعديل بسيط جدا بس فرق فى النعومه جدا جدا..

هقولكوا عليه مع المقادير.. واكيد هستنى رايكوا زى الكيك كده..... هااااااا😒😒
المقادير
٢ كوب دقيق...

نصف كوب دقيق سميد...
نصف كوب سكر بودر...

نصف كوب جوز هند ناعم...
نصف كوب سمنه لينه...

نصف كوب زيت...

ربع معلقة صغيره بيكنج بودر..
٢ معلقة كبيره لبن بودر...

معلقه فانيليا...

بيضه كامله وصفار بيضه
وهو ده الفرق إللى عملته لأن الوصفه بتاع شيف فاطمه فيها بيضه وبياض بيضه..
أنا استبدلت البياض بالصفار لأن البياض بينشف والصغار بيدى نعومه أكتر..
الطريقه
فى طاسه على النار احط اللبن البودر وعلى نار هاديه أقلب فيه تقليب مستمر لحد مياخد لون دهبى جميل وكده
يبقى اتحمص.. ده بيفرق فى لون الرموش وطعمها جدا
فى بوله انزل بالسكر والسمنه والزيت وبمضرب سلك عادى اخلطهم لحد ميمتزجوا مع بعض وميبقاش فى اى تكتلات...
اضيف البيضه وصفار البيضه والفانيليا واخلطهم مع بعض.
فى بوله تانيه اضيف الدقيق ودقيق السميد والبودر واللبن البودر إللى حمصناه وجوز الهند وذرة ملح
ونخلطهم مع بعض كويس. بعدين نضيفهم على الخليط الأول وتعجن كله مع بعضه كويس.
تدهن صينيه بزيت قليل جدا او سمنه وتشكل الرموش شكل بيضاوى زى الصوره ونسيب مسافه بسيطه بينهم..
متقلقوش الوصفه دى مظبوطه جدا مش بتنفش فى الفرن.
قبل مندخلها الفرن ندهن وشها بصفار بيضه عليه فانيليا.
الفرن يكون سخن من قبلها على ١٨٠ فى الرف الوسطانى لما تاخد لون دهبى من تحت تولع الشوايه تاخد لون من فوق.
أول متخرج من الفرن بنسيقيها شربات خفيف سخن زى البسبوسه
وغطيها وسبيها تتشرب الشربات بعدين قدميها وبالف هنا..

الصوره دى عن قرب كده عشان اجوعكوا
https://up.kntosa.com/uploads/kntosa.com_31_19_154896913934234.jpg (https://up.kntosa.com/)
لازم تكون العجينه كده مش مفروله بتلم زى الكوره وبتكون البوله نظيفه كده
https://up.kntosa.com/uploads/kntosa.com_31_19_154896913914361.jpg (https://up.kntosa.com/)
ده شكلها وحجمها وبتكون ايدك فيها الزيت كده من العجينه مش بتبليها زيت خالص وأنت بتشكلى
https://up.kntosa.com/uploads/kntosa.com_31_19_154896913941015.jpg (https://up.kntosa.com/)
بترصيها كده فى الصينيه وهتلاحظوا أنها بعد مخرجت من الفرن نفس الحجم والشكل يعنى مفرشتش ولا نفشت
https://up.kntosa.com/uploads/kntosa.com_31_19_15489691392142.jpg (https://up.kntosa.com/)
ده شكلها بعد مخرجت من الفرن قبل الشربات
https://up.kntosa.com/uploads/kntosa.com_31_19_154896913928393.jpg (https://up.kntosa.com/)
وده شكلها فى الاخر
https://up.kntosa.com/uploads/kntosa.com_31_19_154896913941015.jpg (https://up.kntosa.com/)
https://up.kntosa.com/uploads/kntosa.com_09_18_1541788422921610.gif

[الساجدة الله]

https://betel3z.com/up/uploads/betel3z153720836203969.gif