المساعد الشخصي الرقمي

مشاهدة النسخة كاملة : اعجبتني صفحتها على الفيس بوك ♥


لوسيندا
03-13-2019, 06:37 PM
https://up.kntosa.com/uploads/kntosa.com_09_18_154178842278335.gif
لانها اعجبتني صفحتها على الفيس بـــوك <<
ليه
ليه لما تشوف بنت وتعجبك صفحتها وتحس انها فعلا محترمه
بتحاول توقعها ؟!!
ليه مش بتحافظ عليها وتتركها ؟
* ليه مش عايز الجزء النقي اللي في مجتمعنا يفضل زي ما هو بحيائه ونقائه وطهارته ؟
* ليه بتفضل تدخلها من كل المداخل عشان توقعها ؟
* ليه لما تشوف اكونتها ويعجبك فكرها تبعت رسالة وتقولها :
"ما شاء الله عليكي ربنا يحفظك ويحميكي ويثبتك و ياريت بنات المسلمين زيك ".
^ تفتكر انت كدا بتساعدها علي الثبات ؟!
طيب استفدت ايه لما بعتلها الرسالة دي ؟!
مش كنت ممكن تخصها بالدعوة دي في صلاتك ؟
ولا هو لازم هي تعرف انك بتدعيلها ؟
يعني مصدق انك بتدعلها بالثبات ؟
^ دا انت كدا بتكون وسيلة للشيطان يدخلها بيها...
مش ممكن رسالتك تخليها تتعلق بحضرتك ؟
_بعد ما كان قلبها نقي مفيهوش الا الحب الحلال !!_
مش ممكن بسببك تبتدي تنشغل عن الطاعة ؟ بعد ما كانت حياتها طاعة ؟
مش ممكن انها توصل للرياء ؟
نعم.. توصل انها تنشر شيء معين عشان هي عارفة ان حضرتك هتشوفه ؟
تفتكر بعد دا كله هتتمنى بنات المسلمين يبقوا زيها؟!.. وانت بفعلك دا بتساعد على كدا ؟
* لو عايز المجتمع يتغير يا اخي ؛ لازم تبقى من ادوات التغيير دا إذا ما كنتش من أركانه .
^يعني.. حافظ على الجزء النقي منه وحاول تصلح من اهل بيتك (أمك . اختك . عمتك . خالتك ) لو كل واحد عمل كدا فعلا بنات المسلمين هيبقوا
زيها.
* لو انت مش قادر تلتزم وبتنبهر بإلتزام الاخوات بلاش تفتنهم
بالله عليك حافظ عليهم وبلاش تبعت رسايل علي الخاص
لاي أخت مهما كان الامر عشان ما تكونش سبب في إنتكاسها .
* ونصيحه بالنسبه ليكى بلاش تردي على أي رسالة تجيلك لان كله
من حيل الشيطان, وهتبدأ برد عادي وفي الاخر هتلاقي نفسك وقعتي
في المستنقع اللي بتحذر البنات منه
(يــارب اهدينا الى كل ما تحبه وتــرضه ))
https://up.kntosa.com/uploads/kntosa.com_09_18_154178842280026.gif

سينا
04-20-2019, 04:37 AM
https://upload.3dlat.com/uploads/13316284953.gif (https://vb.kntosa.com/showthread.php?t=244)