لكيك العادي من مطبخي بالصور بكل تكاته ونافش وطعمه روعه

[لوسيندا]

https://up.kntosa.com/uploads/kntosa.com_23_19_155095432726367.png
تعالوا سوا نعمل الكيك العادي اللي ناس كتير مش بتعرف تعمله وانا كنت واحدة من الناس دى بس مع تجارب كتير في الكيك عرفت عنه تكات كتير تخلى الكيك نافش وجميل وغير الطعم بقي الله عليه خليكوا معايا واحده واحده
والطريقة دى الناس اللي بتزهق بسرعه ومش بتحب تقعد كتير في الوصفه بتاعتها
https://up.kntosa.com/uploads/kntosa.com_16_19_155269702831191.jpg (https://up.kntosa.com/)
بدايه كده الوصفه دى كميتها كبيره يعنى بعملها ولأن بيبقي عندى ضيوف باستمرار وخاصة في الشتاء فادايما الكيك مع النسكافيه والشاى رئيسي

تكات الكيك بتاع منه
الدقيق لازم يكون نوعه حلويات عشان تطلع حلوه لو الدقيق مش للحلويات هتطلع سمرا او مش هتنفش معاكى ، هتكون مكتومه ، طعمها مش حلو ، ايون حقيقة الدقيق بيفرق كتيييييير

٢_ الفرن نشغله قبل ما نحط الدقيق مع باقي الخليط أن سخنتيه قوى في الاول الكيك مش هياخد الارتفاع العالي لأنه هياخد صدمه من السخونه اللي دخلها مره واحده

٣_ ناس كتير بتدهن القالب زيت ورشه دقيق أو يجيبوا مخصوص قالب كيك مش بيازق فيه وبيبقي غالي وناس كتير مش بتعرف تجيبه انا عاوزه اقولكم بقي سر عارفين السمنه النباتى
اه اللي هى منتشرة كتير هاتيها وفي القاع معلقه كبيره وغلفي بيها القالب
مش هيلزق نهائي

٤ _ اوعى تفتحى الفرن قبل نص ساعه او هتعملى الكميه دى كلها
لو نص الكميه بعد نص ساعه او ٤٠ دقيقة هتكون استوت
هتعرفي منين بخله سنان دخليها في الوسط أن طلعت نضيفه يبقي استوت
وأما تستوى الكيك افتحي باب الفرن حبه صغيره وسيبيها جوه خمسه
لو خرجت من السخن للبارد هتهبط

٥_ الخل بيضيع اي روائح مش حلوه للبيض ، وبيخلى الكيك ينفش معاكى جربوه في البان كيك وادعولى
اولا المقادير
٣ كوب دقيق منخول ٣ مرات
٨ بيضات
٤ كيس فانيليا
بشر برتقال اختيارى ( بيدى طعم حلو )
كوب ونص سكر
كوب زيت
كوب ونص لبن دافئ
كيس بكنج بودر شيف
معلقه كبيره خل
https://up.kntosa.com/uploads/kntosa.com_16_19_155269702837232.jpg (https://up.kntosa.com/)
طريقه التحضير بالصور
البيض والفانيليا والسكر والزيت وكوب واحد لبن في إناء عميق
بالمضرب اليدوى ، او الكهرباء ، او الخلاط ، او الهاند بلندر واضربي خمس دقائق
https://up.kntosa.com/uploads/kntosa.com_16_19_155269702839333.jpg (https://up.kntosa.com/)
انا ضربته بالهاند بلندر سريع وسهل
https://up.kntosa.com/uploads/kntosa.com_16_19_155269702842424.jpg (https://up.kntosa.com/)
الدقيق منخول مع البيكنج بودر
https://up.kntosa.com/uploads/kntosa.com_16_19_155269702844935.jpg (https://up.kntosa.com/)
وانتى بتقلبي قلبي براحه وماتخرجيش المضرب ابدا يعنى محدش بيجرى وراكى والله ههههههههه
إن كان الخليط تقيل معاكي فاكرين فيه نص كوب لبن حليب شلناه على جنب هنزود منه خلى الخليط وسط ولا تقيل جدا ولا خفيف جدا
https://up.kntosa.com/uploads/kntosa.com_16_19_155269702848136.jpg (https://up.kntosa.com/)
معلقه الخل اخر حاجه حطيها وقلبي ونزلى الخليط في القالب انا استخدم قالب مقاس ٣٠
https://up.kntosa.com/uploads/kntosa.com_16_19_155269702850877.jpg (https://up.kntosa.com/)
ونصب الخليط فى الصينية
https://up.kntosa.com/uploads/kntosa.com_16_19_155269702864658.jpg (https://up.kntosa.com/)
ونخبطها كويس علشان ننساوا زى كده
https://up.kntosa.com/uploads/kntosa.com_16_19_155269702869879.jpg (https://up.kntosa.com/)
وفي الاخير انا بحب الكيك يبقي احمر لذلك بسيبه حبه في الفرن زيادة
هنسويها علي ١٨٠
اتمنى تجربوها وتدعولى
https://up.kntosa.com/uploads/kntosa.com_16_19_1552697028757410.jpg (https://up.kntosa.com/)
https://up.kntosa.com/uploads/kntosa.com_23_19_155095432727948.png