موضوع عن الاجهزه الكهربائيه,افضل الاجهزة الكهربائية للمطبخ,الاجهزة الكهربائية للعروسة

[لوسيندا]

https://up.kntosa.com/uploads/kntosa.com_31_19_154896477820327.gif
https://up.kntosa.com/uploads/kntosa.com_08_19_155995487059231.jpg (https://up.kntosa.com/)
الأجهزة الكهربائية مهمة جدا في الجهاز
1-اشترى الاجهزة اللى تريحك وتسهل الشغل عليكى
مثلا الهاند بلاندر دلوقتى بقى عملى وكمان الكبه والكاتيل لتسخين الماء
2- مهم بردو انك تخدى بالك من سخان الكهرباء يكون لتراته كبيره عشان يكفيكم فالشتاء
3- تلاجتك كل لما تكون كبيرة حتريحك أوي مش أقل من 14 قدم وحتوفر معاكى لو مش حتجيبى فريزر لان الفريزر بتاعها كبير
4- لو بالامكان تجيبى ديب فريزر فإنتى باشا يبقى تجبيه فورا ويكون نوفرست وأدراج
5- عن تجربة الغساله الفوق اتوماتيك احسن واوفر واسهل بكتير من الاتوماتيك العادية
بس لازم تكون ماركة كويسه زى LG أو سامسونج
6- البوتجاز أهم حاجة تكون الشوايه والفرن بيولعوا مع بعض كل واحد بزرار منفصل ويكون استانلس
وياريت اللى فيه تحت الفرن مكان للتدفئة دا بيكون عملى فالعزومات أوى وبتستخدمى الفرن اللى تاحت
بتاع التدفئة كشوايه للوجه اضافية
7- المكنسه الكهربا دى ايدك ورجلك هاتى حاجة نظيفه سامسونج ولا LG وفى انواع صغيره وحلوة وبدون كيس
وفى أنواع بتحول التراب لقطن وكدا يعنى هاتى حاجة خفيفة وقويه فوق2000وات
8- التلفزيون يكون LED ومش أقل من 32 بوصه ولو اكبر يكون أحلى والرسيف
ر يكون HD عشان تكون الصورة حلوه على التلفزيون الكبير
9- لو بإمكانك تجيبى الاجهزة لكماليه هاتيها حتساهم فى راحتك زي ماكينه الزبادى والجيلاتى والفشار والسيلكابيل
ومهم جدا جهاز مساج وتدليك يا عروسه .
10- السيشوار يكون فيه سخن وبارد وماركة مستوردة أوروبى أو أمريكى ابعدى عن الصينى
11- المكواه تكون بالبخار وطبقة تيفال
12 -وأهم حاجة تجيبى الاجهزة الكهربائية من فئة A في توفير الطاقة الكهربائية.
13- نصيحة السخان والغساله لازم تركبهم الشركة عشان الضمان مش يروح عليكى
يعنى قبل الفرح تروحي تتصلى بيهم عشان مش تخسرى الضمان .
https://up.kntosa.com/uploads/kntosa.com_31_19_154896477833879.gif