خليك بطاطس , خليك زى بطاطس , صفات البطاطس

[ام رونزا]

https://up.kntosa.com/uploads/kntosa.com_25_18_154577750261329.gif
حلوه فكرة خليك بطاطس
،،،،،،،،،،،،،،،،،،،،،،،،،،،،،،،،،
https://up.kntosa.com/uploads/kntosa.com_12_19_156294403593151.jpg (https://up.kntosa.com/)
تعالوا يابنات كده جنبي عشان أقولكم ليه
الشباب في جنب والبنات في جنب بلاش الزحمة دي
أبعد يا واد يابو تشيرت أحمر ما تغلس علي إلى جنبك شايفاك يا مقصوف الرقبة وهاجيبك
ماعلينا
عارفين ليه البطاطس المحمرة إلي اجتمع الناس كلهم علي حبها ؟؟؟
1 __ البطاطس المحمرة لما بتتقلي في الزيت عادة بتبقي مقرمشة من بره وطريه من جوه
يعني... لو حد يعمل معاك موقف سخن أوي متعاملهوش وحش أوي ..
أيوه حسسه أنك زعلان وخد موقف بس خلي قلبك أبيض طيب يعني وطري وسامح زي ما ربنا بيسامح ..
2 _ البطاطس تلاقيها عند كنتاكي وبرضه تلاقيها عند بتاع الفول والفلافل ..
يعني ... انت كمان خليك زي البطاطساية ما تتكبرش علي حد وصاحب غني وفقير كلنا ولاد تسعه
3 _ البطاطس بتتقدم مع حاجات كتير الكاتشب والمايونيز والكلوسلو صلصة وطحينة بس في الأخر إسمها بطاطس
يعني... مهما أتعرضت لثقافات وبيئات مختلفة أحتفظ
برضه بشخصيتك المستقلة وطريقة تربيتك وخلي الناس هي إلي تتأثر بيك وبأخلافك
4 _ البطاطس برضه ممكن تبقي شيبسي وهي أول حاجة بنفكر فيها لما نحس بالجوع وإحنا بره البيت ..
يعني.... ساعد الناس دايمآ وخليك أول واحد يجي علي بالهم
لما يقعوا في مشكلة خليك جدع زي الشيبسي
5 _ البطاطس المحمرة لو اتهرست بتبقي برضوا طعمها حلو
يعني ... مهما الدنيا تهرس وتبهدل فيك خليك شخص كويس وطيب وطلع للدنيا لسانك
عشان تكون محبوب بين الناس خليك... بطاطس
https://up.kntosa.com/uploads/kntosa.com_12_19_15629440362092.jpg (https://up.kntosa.com/)

ولما حد يقولك إزيك يا بطاطس
تعرف أنك أحلي وأجدع حد في الدنيا
خليكوا بطاطس وأشوف التفاعل يا بطاااااااااطس
وكمنتاااااااااااااااااااااااااااااااااااات

https://up.kntosa.com/uploads/kntosa.com_25_18_1545777502622810.gif

[لوسيندا]

ههههههههههههه عثل