معلومات مهمة لتخزين لحمة الاضحية, طريقة حفظ اللحوم بعد الذبح,حفظ اللحمة بعد الذبح

[سينا]

https://up.kntosa.com/uploads/kntosa.com_03_19_155425737241441.gif
بعد ما تدبح وتقرر توزع لحمة الاضحية ..وتيجي لحظة التخزين بالتلاجات
وتيجي لحظة التخزين بالتلاجات خلي بالك ..اوعي تخزن في الفريزر او الديب فريزر علي طول
اوعي تفكر تكيس اللحمة وهي لسة مدبوحة وقبل ما تبرد
علي الاقل بعد ٥_٦ساعات ..من الدبح والتقطيع والتبريد واضمن انها نشفت من اي ماية او دم فيها
ليه ؟؟؟
تعالي اقولك
بعد الدبح بيحصل حاجة كدا اسمها التيبس الرمي R. m
دي أول تغيير بيحصل للحمه بعد ذبح الحيوان
وبتكون عباره عن مجموعه تفاعلات لا ارادية بتحصل للحمة وبتبدا بانقباض وانبساط للعضلات
واستنفاذ لكل انزيمات الأكسده ويبدا يتكون حمض اللاكتيك والفورميك وفوسفات البوتاسيوم اللي بيتنج من تكسير
بعض الجليكوجين
:asmaile(18): ليه عمليه التيبس الرمي دي مهمه جدا جدا
https://vb.kntosa.com/images/icons/icon21560.gif لان تكون حمض اللاكتيك والفورميك وفوسفات البوتاسيوم ده بيلعب دور مهم جدا في حفظ اللحمه لمده اطول
وكمان طزاجة اللحمة طول فترة التخزين
https://vb.kntosa.com/images/icons/icon21560.gif اللحمه بتبدا تكون أطرى وأكثر استساغه معانا لان عمليه التيبس الرمي
دي بتعمل عندنا عمليه Ripening للحمه أكتر يعني بتخليها طريه جدا
عن طريق تحويل لكل الانسجة الخشنة والانسجة الضامة والصعبة الهضم لانسجة اطري والذ
https://vb.kntosa.com/images/icons/icon21560.gif كمان لو حبيت احول اللحمه دي لمنتجات اخري تحتاج نسب ملح عالية
مثلا فحمض اللاكتيك اللي نتج من التيبس الرمي ده بيساعد اكتر في اختراق الملح لنسيج اللحمه في وقت قصير
خلي بالك لو دبحت الحيوان بتاعك وهو مجهد او جاي من سفر مثلا
فدا من العوامل اللي بتأثر جدا علي عمليه التيبس الرمي ده لانه بيؤدي الى تيبس رمي ضعيف
عشان كده مهم جدا الحيوان اللي هدبحه اقلل من عليه الاجهاد والتعب وبالتالي بحاول اهدية قبل الدبح بحوال١٢ ساعه
وبدون اكل لكن اشربه كتير بحيث ما أثرش على جوده اللحمه
https://vb.kntosa.com/images/icons/icon21560.gif -طبعا من اهم مميزات العمليه دي انها بتمنع عندي نمو الميكروبات طول ما اللحمه في مرحله التيبس الرمي
نتيجه للوسط الحامضي ده واللي بيقتل الميكروبات
https://vb.kntosa.com/images/icons/icon21560.gif عشان كده مهم جدا جدا اول ما الحيوان يندبح مش نطبخ لحمته على طول
وإلا هيكون لحمته مش مستساغه لأنها هتكون مدخلتش لسه في مرحله التيبس الرمي
https://vb.kntosa.com/images/icons/icon21560.gif مهم جدا
اللحمه وهي لسه مدبوحه ولسه بسخونه دبحها دي محطهاش في الفريزر لان كده هقطع عمليه التيبس الرمي.
وهاسمح بنمو بكتيريا وفطريات. كتير وهتبقي فيه ريحة عفنه ومقززة
يعني لما اللحمة تندبح لا اجمدها ولا اطبخها الا بعد مرور علي الاقل خمس ساعات .
اسيب اللحم بعد الدبح في الهوا ومكان طراوة تحت مراوح ونضيف وبعيد عن الشمس ..
بعد كدا هتكيسها في اكياس نظيفة وترصها في الفريزر بس سيب فراغات بين الاكياس مش علي بعض عشان البرودة توصل للكل .
ونفس الوقت اللحم اللي فيه دهون نخليه فوق عشان استخدمه الاول ..
لما اطلع كيس لحمة اسيبه قبل الطبخ بيوم يفك علي رف التلاجة عشان فايدتها ما تروحش
وعشان اطمن انه تمام سواء لونه او ريحته ودا مش بيبان في المجمدة ..
لو مستعجلين ع الطبخ افتح الحنفيه علي كيس اللحمة نص ساعه وبعدين اطبخ بس والكيس مقفول ..
عشان بس اللحم يفك شوية
شوف الفرق في الصورتين بين اللحمة النظيفة و اللحمة اللي خزنتها علي طول بعد الدبح .
.تلاقيها غامقة ومش حلوة
مع تحياتي
دكتور
سيد أحمد شحاتة
طبيب بيطرى
#منقول_للإفادةدعوه حلوه بقا

https://up.kntosa.com/uploads/kntosa.com_09_19_156531453408391.jpg (https://up.kntosa.com/)
https://up.kntosa.com/uploads/kntosa.com_03_19_155425737273062.gif