زجل باللهجة المصرية،خواطر عم يابتاع الحاجات القديمه

[ام رونزا]

https://up.kntosa.com/uploads/kntosa.com_17_18_153981817152537.png
عم يابتاع الحاجات القديمه
شوفلنا حاجه عندك ليها قيمه
شوف قلوب تكون سليمه
شوف عندك ناس تكون رحيمه
تعبنا م الناس اللئيمه
اللى عايشه بألف وش
واللى كل حياتها غش
واللى ابوها جنيه وقرش
شوف لنا ضحكه من القلب طالعه
شوف لنا شمعه تفضل فى الضلمه والعه
شوف لنا حتى ضحكه حلوه
تصحى فى النفس الحنين
وتفرح القلب الحزين
شوف لنا ناس من بتوع زمان
ناس حلوه كده على بعضها
ناس كانت تكمل بعضها
ناس كانت طيبه
ناس كانت قريبه
ناس كانت فاهمه ازاى تبقى عظيمه
ياعم يابتاع الحاجات القديمه
تنفع تاخد الناس الجديده
وترجعلنا الناس القديمه؟؟
https://up.kntosa.com/uploads/kntosa.com_17_18_153981817153598.png