سبب الاستيقاظ من النوم في وقت محدد,سبب القلق من النوم في نفس التوقيت, كل يوم اصحى نفس الوقت

[ام رونزا]

https://up.kntosa.com/uploads/kntosa.com_03_19_155432492849441.gif
لو بتقلقي من النوم كل يوم في نفس التوقيت..ممكن يكون ده السبب

https://up.kntosa.com/uploads/kntosa.com_23_19_156657043619521.jpg
ممكن يكون القلق من النوم كل يوم في نفس الميعاد من غير منبه علامة المفروض انك تنتبهي ليها, وده بيكون معناه ان في طاقات بتتدفق من خلال جسمك واللي ممكن تكوني متعرفيش عنها حاجة, وده اللي هنعرفه النهاردة وهنقولك ايه سبب القلق من النوم كل يوم في نفس التوقيت.
سبب القلق من النوم في نفس التوقيت:
في الطب الصيني القديم, المفروض ان في خطوط طول للطاقة في الجسم, ودي اللي دايما بيستخدموها في العلاج بالابر في الطب الصيني.
خطوط الطول دي كمان مرتبطة بالساعة البيولوجية في الجسم, وحسب الطب الصيني القديم الخطوط دي بتسبب تنشيط اجزاء مختلفة من الجسم في اوقات مختلفة من الجسم, يعني مثلا الصحيان بين الساعة 3 – 5 الصبح كل يوم دي ممكن تكون علامة على ان الطاقات في جزء من الجسم مسدودة او ضعيفة.
1- مشاكل النوم ما بين الساعة 9 – 11 بالليل:
ما بين الساعة 9 – 11 بالليل ده توقيت معظم الناس اللي بتحب تنام بدري, لكن لو بتلاقي صعوبة في النوم في التوقيت ده, ده ممكن يكون علامة على القلق والتوتر من اليوم بتاعك, والافضل عشان تتخلصي من المشكلة دي تمارسي التأمل, تفكري في افكار ايجابية, تمارسي تمارين الشد العضلي والاسترخاء عشان تساعدك على النوم.
https://up.kntosa.com/uploads/kntosa.com_23_19_156657043624942.jpg

2- القلق من النوم ما بين الساعة 11 بالليل و 1 الصبح:
حسب الطب الصيني القديم, ان التوقيت ده هو الوقت اللي بينشط فيه خط الطول للطاقة في المرارة, والقلق في الوقت ده مرتبط بالمرور بخيبة امل او صدمة عاطفية, وعشان تحلي المشكلة دي حاولي انك تسامحي الشخص اللي سببلك ده وتحبي نفسك زي ما هي عشان تقدري تنتظمي في نومك.
https://up.kntosa.com/uploads/kntosa.com_23_19_156657043630883.jpg

3- القلق من النوم ما بين الساعة 1 – 3 الصبح:
التوقيت ده مرتبط بالنشاط في الكبد, والقلق في الوقت ده معناه انك جواكي مشاعر غضب وطاقة زيادة, في الحالة دي حاولي تشربي كوباية مية باردة وتسيطري على مشاعرك اللي مخلياكي مضايقة او حاسه بغضب على قد ما تقدري, عشان تحسي بسلام نفسي وتقدري تنامي بالليل.
https://up.kntosa.com/uploads/kntosa.com_23_19_156657043634754.jpg
4- القلق من النوم ما بين الساعة 3 – 5 الصبح:
الصحيان ما بين الساعة 3 – 5 الصبح مرتبط بخط الطول للطاقة اللي بتمر من خلال الرئتين وعاطفة الحزن, وعشان تساعدي نفسك على النوم حاولي تتنفسي بعمق وببطء.
https://up.kntosa.com/uploads/kntosa.com_23_19_156657043638825.jpg
5- القلق من النوم ما بين الساعة 5 – 7 الصبح:
في الوقت ده بيكون تدفق الطاقة في الامعاء الغليظة, والقلق في التوقيت ده مرتبط كمان بالتوتر والاضطراب العاطفي, في الحالة دي حاولي تسترخي وتعملي تمارين تمدد للعضلات, عشان تقدري ترجعي تنامي تاني.
مع ذلك المخ مش بيكون صاحي بشكل كامل لما بنصحى من النوم فجأة في نص الليل, لما تقومي فجأة من نص نومك بتكون القشرة المخية الامامية من الدماغ واللي بتشارك في صنع القرارات والتحكم في النفس مش صاحية, عشان كده في التوقيت ده احنا معندناش قدرة نفكر او ناخد قرار خالص في التوقيت ده, عشان كده اتجنبي تماما انك تاخدي اي قرار مهم لو قلقتي فاجأة في نص الليل.
https://up.kntosa.com/uploads/kntosa.com_23_19_156657043643516.jpg
تكنيك مذهل وفعال للتخلص من الارق هيخليكي تنامي في دقيقة واحدة بس !

https://up.kntosa.com/uploads/kntosa.com_23_19_156657043648277.jpg
https://up.kntosa.com/uploads/kntosa.com_03_19_155432492856292.gif