طريقة عمل الزبادي في الفرن بالخطوات

[ام رونزا]

https://up.kntosa.com/uploads/kntosa.com_03_19_155425737241441.gif
السلام عليكم يا أهل (منتدى كنتوسه)
اسهل و اسرع طريقة لعمل الزبادى في البيت في دقيقتين فقط

https://up.kntosa.com/uploads/kntosa.com_04_19_15676393780342.jpg (https://up.kntosa.com/)

تحياتى لكم أينما كنتم برضو علشان دخول المدارس مافيش أجمل من الزبادى فى العشا ...
والنهاردة حقول على أجمل وأسهل طريقة ( للزبادى )...
الزبادى الكريمى الجميل من أول معلقة لآخر معلقة ....لا حيفصل ماية ولا( حيجبن )
طريقة عمل الزبادى البلدى

الطريقة :
*اتنين كيلو لبن ...
نغليهم كويس قوى ولما يبردوا نحطهم فى التلاجة ونسيبهم ليلة ....
تانى يوم نلم (القشطة ) من على وش اللبن ونحتفظ بيها (ليها استخدامات كتيير ..)
*حنجيب اللبن الساقع بعد ماشيلنا القشطة ونحطه على النار يادووووب يبقى فاتر خالص
(أقرب للسوقعية منه للسخن ) ودى تركة مهمة جدا علشان مايفصلش ماية ....
حنحطه فى الخلاط على مرتين ونضرب معاه علبة زبادى صغيرة( ١٠٥جرام )..
أى نوع بنحبه ونضربه فى الخلاط ...ماتضربيش كتيير علشان مايعملش رغوة على الوش
*حنحط اللبن المضروب على بعضه ونقلبه كويس ونصبه فى الكوبايات ..
*لو عندك (ماكينة الزبادى ) بياخد فيها حوالى من (خمس ساعات ونصف لست ساعات )...
بتخرجيه منها وتحطيه فى التلاجة لما يسقع خالص
*طيب لو مافيش ماكينة الزبادى حتصبى اللبن فى الكوبايات وتحطيه فى صينية فى الفرن على الشبكة فى النصف ...
وتحطى تحتيه على الصاجة صينية فيها ماية مغلية بتطلع بخار واقفلى الفرن عليه ...
وطلعيه بعد اربع ساعات وحطيه فى التلاجة وحتاخدى نفس النتيجة بتاعة المكنة
*يفضل لما تعملى الزبادى إن الخميرة كل مرة تكون علبة جديدة علشان تاخدى نتيجة حلوة مرضية
يارب طريقتى فى الزبادى تعجبكم ...
الزبادى مش بس لرمضان..فى الصيف وهو ساقع مع الفاكهة أجمل وأخف عشا (وما توفيقى إلا بالله )
الاتنين كيلو لبن بيطلعوا ٩كوبايات الحجم ده
https://up.kntosa.com/uploads/kntosa.com_04_19_156763937805083.jpg (https://up.kntosa.com/)
شايفين ماشاء الله كريمى خاالص
https://up.kntosa.com/uploads/kntosa.com_04_19_156763937806764.jpg (https://up.kntosa.com/)
الكوباية على جنبها مافيش فيها ماية خااالص
https://up.kntosa.com/uploads/kntosa.com_04_19_156763937801111.jpg (https://up.kntosa.com/)
https://up.kntosa.com/uploads/kntosa.com_04_19_15676393780342.jpg (https://up.kntosa.com/)


https://up.kntosa.com/uploads/kntosa.com_03_19_155425737273062.gif