طريقة عمل المكرونة الاسباجتى بالفراخ وبتنجان مخلل بالخطوات

[ام رونزا]

https://up.kntosa.com/uploads/kntosa.com_03_19_155425737280883.gif
فى مثل بيقول اللى عاوز تحيره خيره
انا بقى باعمل كدة مع ولادى لما اكون مظبطة نفسى على اكلة معينة هاعملها
افضل اخيرهم فى اكلات كتيييرة لحد ما يزهقوا ويقولولى اعملى انتى اى حاجة على مزاجك وهيه دى الام المصرية الاصيلة
النهاردة كنت طول النهار في مدرسة ابنى وبخلص مشاويرررر كتيييرة

ورجعت البيت هلكاااانة سألت الولاد تتغدوا رز وخضار وفراخ ولا مكرونة وفراخ ولا مكرونة بالبشاميل
ولا فراخ مقرمشة ورز اصفر ولا.........
طبعا زى اى بنى ادم حسوا بالزهق قالولى قولى انتى عملت نفسى بافكر وروحت قولتلهم اية رأيكم فى مكرونة الانسجام
وفراخ محمرة وبتنجان مخلل فرحوا اوى وقالوا الله ماااااشى

https://up.kntosa.com/uploads/kntosa.com_05_19_156764496622733.jpg (https://up.kntosa.com/)

روحت سلقت فرخة وحمرتها وقليت بتنجان وخللته وعملت اجمد طبق مكرونة
مكرونة الانسجام هيه اسمها كدة نسبة لمحل الانسجام إللى مشهور بيها ريحتها بتبقى جايبة لآخر الشارع
والناس بتبقى واقفة عليها طوابير
بنقطع بصلة مكعبات مع فصين توم مهروسين وقرنين فلفل حامى مفرومين او حلقات رفيعة ونحمرهم في رشة زيت
ونطشهم بعصير طماطم مسلوقة ومضروبة ومتصفية علشان يبقى لونها وطعمها مركزين وكمان معلقتين صلصة مركزة من البرطمان
ورشة ملح وشطة وفلفل اسود ونسيبها تغلى وتتسبك وننزل عليهم بالمكرونة المسلوقة

تلات اربع سوا ونقلب ونااااكل عاوزة اقولكم الحلة بتتنسف في عشر دقايق من حلاوة طعمها
البازنجان المخلل
نسخن الزيت ونجهز البازنجان بقطع عنقوده وعمل شق بالجنب ونرصه بالزيت ونغطى عليه ونهدى النار ونقلبه على الجنبين

الى ان يستوى جيدا دون أن يحترق او يتغير لونه من الداخل ونطلعه من الزيت ونقلى بعده الفلفل الحامى والرومى
لعمل الخلطة
فصوص توم حسب الرغبة انا بحط ثلاثة فصوص لكيلو البازنجان وطمطماية كبيرة وخمس قرون فلفل احمر حامى
وقرنين فلفل بارد وربع كوب خل وملح وعصرة ليمونة ونضربهم جيدا

ونحشى بها البازنجان والفلفل المقلى ونكون مجهزين طماطم معمول بها شقوق كالوردة ونحشيها ويقدم
الفراخ المحمرة العادية
نقطع او نبشر بصلاية متوسطة ونحطها فى حلة ونملى الحلة لنصها مية ونضيف ملح وفلفل وطمطماية مقطعة ونحطها تغلى على النار

وتنزلى عليها بالفراخ المغسولة وتسبيها تغلى لمدة ساعة لو الفراخ كبيرة وزنها 2كيلو ولو الفرخة كيلو وربع او كيلو ونص

تغلى ساعة الا ربع وتشليها من الشوربة وتنشفيها كويس اوى من الشوربة وتحمريها فى زيت غزير سخن على الجنبين
واول ما تبقى ذهبى طلعيها و تمسحى وشها بمعلقة كاتشب وهية لسة سخنة

مولعة على طول وكلى احلى فراخ محمرة وبالف هنا :asmaile(23):

طريقة عمل مكرونة بالفراخ بطريقة مميزة ولذيذة

https://up.kntosa.com/uploads/kntosa.com_05_19_156764496616821.jpg (https://up.kntosa.com/)

https://up.kntosa.com/uploads/kntosa.com_05_19_156764496620872.jpg (https://up.kntosa.com/)

https://up.kntosa.com/uploads/kntosa.com_05_19_156764496622733.jpg (https://up.kntosa.com/)

https://up.kntosa.com/uploads/kntosa.com_05_19_156764496624414.jpg (https://up.kntosa.com/)

https://up.kntosa.com/uploads/kntosa.com_05_19_156764496775235.jpg (https://up.kntosa.com/)

https://up.kntosa.com/uploads/kntosa.com_05_19_15676449678246.jpg (https://up.kntosa.com/)

https://up.kntosa.com/uploads/kntosa.com_05_19_156764496786947.jpg (https://up.kntosa.com/)

https://up.kntosa.com/uploads/kntosa.com_05_19_156764496790688.jpg (https://up.kntosa.com/)

https://up.kntosa.com/uploads/kntosa.com_05_19_156764496793859.jpg (https://up.kntosa.com/)

https://up.kntosa.com/uploads/kntosa.com_05_19_1567644967978810.jpg (https://up.kntosa.com/)

https://up.kntosa.com/uploads/kntosa.com_05_19_1567644968011211.jpg (https://up.kntosa.com/)

https://up.kntosa.com/uploads/kntosa.com_05_19_1567644968053812.jpg (https://up.kntosa.com/)

https://up.kntosa.com/uploads/kntosa.com_03_19_15542573729154.gif